ដោយ ៖ ជាតិជាយដែន
អាជ្ញាធរដែនដីគ្រប់លំដាប់ថ្នាក់នៅក្រុងប៉ោយប៉ែត គឺជា អាណាព្យាបាលរបស់ប្រជាពលរដ្ឋនៅក្រុងប៉ោយប៉ែតចាប់ តាំងពីថ្នាក់ភូមិ-សង្កាត់ រហូត ដល់ក្រុងរួមទាំងខេត្ត ។ រាល់បទដ្ឋានច្បាប់ដែលចុះហត្ថលេខា ដោយអាជ្ញាធរថ្នាក់ភូមិ រហូត ដល់សង្កាត់ និងថ្នាក់ចៅហ្វាយ ក្រុងគឺជាការទទួលខុសត្រូវ នឹងធានាដល់ប្រជាពលរដ្ឋលើ ការទទួលបានអចលនវត្ថុស្រប ច្បាប់ ។
ពាក់ព័ន្ធទៅនឹងករណីលោក ហង្ស ម៉ៅ ដែលអះអាងថាជា កងអង្គរក្សបានមករំលោភយក ដីប្រជាពលរដ្ឋ៥០គ្រួសារ នៅ ភូមិស្ទឹងបត់ សង្កាត់ផ្សារ- កណ្តាល ក្រុងប៉ោយប៉ែត ដោយមានហត្ថលេខាទទួល ស្គាល់ពីអាជ្ញាធរភូមិស្ទឹងបត់ លោក វ៉ន សារ៉េត និងចៅសង្កាត់ផ្សារកណ្តាល លោក គាត ហ៊ុល រួមទាំងសាលក្រម ដែលសម្រេចឱ្យឈ្មោះ ហង្ស ម៉ៅ កាន់កាប់ដីដោយពុំបាន កាត់ក្តី គឺជាបទល្មើសក្នុងផ្លូវ ច្បាប់ពីបទរំលោភលើកម្មសិទ្ធិ ស្របច្បាប់របស់ប្រជាពលរដ្ឋ។ ព្រោះហត្ថលេខាទទួលស្គាល់ ពីអាជ្ញាធរលើការកាន់កាប់ដី របស់លោក ហង្ស ម៉ៅ កាន់ កាប់ដីដោយពុំបានកាត់ក្តីគឺជា បទល្មើសក្នុងផ្លូវច្បាប់ពីបទ រំលោភលើកម្មសិទ្ធិស្របច្បាប់ របស់ប្រជាពលរដ្ឋ ។ ព្រោះ ហត្ថលេខាទទួលស្គាល់ពីអាជ្ញាធរលើការកាន់កាប់ដីរបស់ លោក ហង្ស ម៉ៅ គឺបាន សម្រេចនៅឆ្នាំ២០០៨ ចំណែក ប្រជាពលរដ្ឋត្រូវបានអាជ្ញាធរ ភូមិ-សង្កាត់ដដែលទទួលស្គាល់ ការកាន់កាប់នៅឆ្នាំ ២០០៥ ទើបលេចចេញអាថ៌កំបាំង សាលក្រមអត់មានការជំនុំជម្រះ ក្តីរំលោភយកដីពីសំណាក់ លោក ហង្ស ម៉ៅ បែបហ្នឹង ។
កម្ពុជាជាប្រទេសនីតិរដ្ឋ ប្រសិនបើអាជ្ញាធរភូមិ-សង្កាត់ អនុវត្តតាមនីតិរដ្ឋក៏គ្មានអំពើ ឃុបឃិតប្រើអំណាចអង្គរក្ស រំលោភយកដីពលរដ្ឋ ៥០គ្រួសារ នៅភូមិស្ទឹងបត់ បែបហ្នឹងដែរ។
ពាក់ព័ន្ធទៅនឹងការចុះហត្ថ លេខាជាន់លើគ្នានេះ សារព័ត៌មានជាតិ មិនអាចទំនាក់ទំនងសុំការបំភ្លឺពីមេភូមិស្ទឹងបត់បាន ទេព្រោះសម្លេងទូរស័ព្ទឆ្លើយ ថា បានបិទ ។ ចំណែកលោក ចៅសង្កាត់ផ្សារកណ្តាលវិញ បានធ្វើការអះអាងថាបើទោះ បីជាលោក ហង្ស ម៉ៅ គាត់ មានសាលក្រមក៏ពិតមែន ប៉ុន្តែ ក្នុងនាមអាជ្ញាធរដែនដីលោក និងខិតខំសម្របសម្រួលដើម្បី អញ្ជើញភាគីលោក ហង្ស ម៉ៅ ចេញមុខមកដោះស្រាយ ។
ពាក់ព័ន្ធទៅនឹងការចុះហត្ថលេខាទទួលស្គាល់ថាជាដីពលរដ្ឋផង និងទទួលស្គាល់ដីលោក ហង្ស ម៉ៅ ផងត្រូវបានលោក ចៅសង្កាត់ផ្សារកណ្តាលឆ្លើយ បង្វាងថា ទុកឱ្យច្បាប់ជាអ្នក សម្រេចតែទោះជាយ៉ាងណា ក្នុងនាមលោកជាអាជ្ញាធរដែន ដីនិងខិតខំដោះស្រាយដើម្បីឱ្យ ភាគីជម្លោះបានឈ្នះទាំងអស់ គ្នាដូចប្រសាសន៍សម្តេចនាយក រដ្ឋមន្ត្រីដែលបានដាក់ចេញនូវយុទ្ធសាស្ត្រឈ្នះ-ឈ្នះ ។
តំណាងប្រជាពលរដ្ឋនៅភូមិស្ទឹងបត់បានហៅការអះអាងរបស់ចៅសង្កាត់ផ្សារ កណ្តាលថា ជាអំពើឃុបឃិត ខ្វះការទទួលខុសត្រូវចំពោះផ្លូវ ច្បាប់ ។ ព្រោះទាំងមេភូមិស្ទឹង បត់និងចៅសង្កាត់ផ្សារកណ្តាល សុទ្ធសឹងតែបានចុះហត្ថលេខា ទទួលស្គាល់លើដីប្រជាពលរដ្ឋ ទាំង ៥០គ្រួសារ នៅភូមិស្ទឹង បត់រឿងអីអាជ្ញាធរភូមិសង្កាត់ នៅចុះហត្ថលេខាជាន់គ្នាលើដី ពួកគាត់ដោយពុំបានទទួលខុស ត្រូវហើយថែមទាំងទម្លាក់កំ- ហុសទៅលើគោលនយោបាយ ឈ្នះ-ឈ្នះ របស់សម្តេចនាយករដ្ឋមន្ត្រីទៅវិញ ។
ប្រជាពលរដ្ឋរងគ្រោះអះអាងថា មេភូមិស្ទឹងបត់ដែលចុះហត្ថលេខាទាំងបំពានទទួល ស្គាល់លើការកាន់កាប់ដីរបស់ លោក ហង្ស ម៉ៅ គឺពិតជា បានទទួលផលប្រយោជន៍ពី លោក ហង្ស ម៉ៅ បើតាមដឹង គឺឈ្មោះ ហង្ស ម៉ៅ បានចែក ដីទំនាស់ឱ្យទៅមេភូមិស្ទឹងបត់ ថែមទៀតផង ។ ចំណែកចៅ សង្កាត់ផ្សារកណ្តាលក៏ទទួល លាភសក្ការៈមិនតិចដែរ ទើប ឆ្លើយទាំងបំពានថាឈ្នះ-ឈ្នះ ទាំងអស់គ្នាទម្លាក់កំហុសទៅ លើគោលនយោបាយសម្តេច នាយករដ្ឋមន្ត្រីបែបហ្នឹងនោះ។ ព្រោះកំហុសឆ្គងពិតប្រាកដគឺ មេភូមិស្ទឹងបត់ចុះហត្ថលេខា ទាំងបំពានរួមទាំងចៅសង្កាត់ និងចៅហ្វាយក្រុងង៉ោ ម៉េងជ្រួន ផង បើផ្អែកតាមផ្លូវច្បាប់អាជ្ញា ធរភូមិ-សង្កាត់ ក្រុងត្រូវទទួល ទោសតាមច្បាប់មិនត្រូវទម្លាក់ កំហុសទៅលើគោលនយោ បាយដឹកនាំរបស់ សម្តេច ហ៊ុន សែន នោះឡើយ ៕
