ពាក្យស្នើសុំអន្តរាគមន៍របស់ប្រជាពលរដ្ឋ 8 គ្រួសារ ដែលមានដីអាស្រ័យផល នៅភូមិកំពង់ពោត្បូង ឃុំក្រាំងយ៉ូវ ស្រុកស្អាង ខេត្តកណ្ដាល គោរពជូនឯកឧត្ដមគួច ចំរើន អភិបាលនៃគណអភិបាលខេត្តកណ្ដាល ដើម្បីបានធ្វើប័ណ្ណកម្មសិទ្ធិដីស្រែចំការ ។
ប្រជាពលរដ្ឋទាំង8គ្រួសារមានការរំពឹងទុកថា ចំណារឯកភាពដោសម្រេចតាមយោបល់ឯកឧត្ដមតាំងម៉េងលាងដែលមានខ្លឹមសារថា(គួរចាត់ក្រុមការងារចុះអង្កេតទីតាំងជាក់ស្ដែងដើម្បីមានមូលដ្ឋានអាចកំណត់ឆ្លើយតបទៅម្ចាស់សំណើវិញ។ដោយក្ដីគោរព!។
ការសម្រេចចិត្តពីឯកឧត្ដមអភិបាលខេត្តក្នុងកំណត់បង្ហាញលិខិតចូលដោយជ្រើរើសយកមតិឯកឧត្ដមតាំង ម៉េងលាងលើមតិមន្ត្រីទាំង 4 រូបគឺជាការសម្រេចចិត្តដ៏ឈ្លាសវៃ និងប្រកបដោយបទពិសោធន៍ដែលឯកឧត្តមធ្លាប់បានតែងតាំងជាអភិបាលខេត្ត 3 ខេត្តរួចទៅហើយ រហូតមកដល់ពេលនេះ ។ ប៉ុន្តែអ្វីដែលជាចម្ងល់របស់ប្រជាពលរដ្ឋ 8 គ្រួសារក៏ដូចជាប្រជាពលរដ្ឋនៅឃុំក្រាំងយ៉ូវគឺមន្ត្រីរដ្ឋបាលសាលាខេត្ត បែជាមិនអនុវត្តន៍តាមបទបញ្ជាឯកឧត្ដមអភិបាលដែលបានសម្រេចតាមមតិឯកឧត្ដមតាំង ម៉េងលាងទៅវិញ។មិនតែប៉ុណ្ណោះថែមទាំងបានចេញលិខិតអញ្ជើញឲ្យប្រជាពលរដ្ឋ8គ្រួសារមកប្រជុំនៅសាលាខេត្តដោយគ្រាន់តែបញ្ចាំងស្លាយផែនទីឲ្យមើលថាជាទីតាំងដីអាងរដ្ឋទៅវិញ។
មានការចោទសួរថា បើជាដីអាងរដ្ឋ ហេតុអ្វីក៏មិនចេញសេចក្ដីប្រកាសឲ្យអាជ្ញាធរភូមិ_ ឃុំ _ ស្រុក បានដឹងពីទំហំដីអាង ។ តើដីអាងរដ្ឋក្រុមឈ្មួញមានសិទ្ធិទិញលក់ពីប្រជាពលរដ្ឋដែលកំពុងអាស្រ័យផលបានដែឬទេ បើគិតមកដល់ពេលនេះ ក្រុមឈ្មួញទិញហើយថែមទាំងបានធ្វើប្លង់រឹងអស់ 28 ហិកតារួចលក់បន្តទៅឲ្យក្រុមហ៊ុនចិនថែមទៀតផង ។ ម្យ៉ាងវិញទៀត បើមន្ត្រីជំនាញចាត់ទុកជាដីអាងតើអាងទួលពន់រៃមានមាត្រដ្ឋានអាចស្តុបទឹកបានប៉ុន្មានម៉ឺន, សែនម៉ែត្រគូប ឬគ្រាន់តែជាឈ្មោះអាង តែគ្មានទឹក ទើបឯកឧត្ដមអភិបាលខេត្តសម្រចឲ្យបង្កើតក្រុមការងារចុះអង្កេតជាក់ស្ដែងដើម្បីមានរបាយការណ៍ជាក់លាក់ស្របតាមនិតិវិធីច្បាប់ពិតប្រាកដ ។ ពុំនោះទេ បើមន្ត្រីជំនាញចេះប្រើត្រឹមផែនទីតាមបច្ចេកវិជ្ជាជឿនលឿនដោយមិនមិនបានឃើញនិងស្គាល់ពីស្ថានដីជាក់ស្ដែងទេនោះគឺវាគ្រោះថ្នាក់ខ្លាំងណាស់ដល់ជីវិតរស់នៅនិងជីវភាពប្រជាពលរដ្ឋ។ដោយទទួលបានបទពិសោធន៍ជាថ្នាក់ដឹកនាំច្រើនខេត្តមកហើយទើបឯកឧត្ដមអភិបាលខេត្តតម្រូវឲ្យមន្ត្រីត្រូវចុះអង្កេតជាក់ស្ដែងមិនមែនឲ្យមន្ទីរជំនាញមកបង្ហាញផែនទីឲ្យរាស្ត្រមើលគឺមានន័យស្មើនឹងប្រឆាំងទៅនឹងបទបញ្ជាឯកឧត្ដមអភិបាលខេត្តកណ្ដាល។ដោក្ដីគោរព ! ៕
