គ្រាន់តែផ្ទុះសង្គ្រាមឈ្លានពានអ៊ុយ ក្រែនពីសំណាក់មហាអំណាចរុស្សី គឺវាបានបង្ហាញសញ្ញាមិនល្អដល់ពិភពលោក ដែលមិនអាចធ្វើការុផ្សះផ្សាដើម្បីឈានទៅបញ្ចប់ជម្លោះរហូតធ្វើឲ្យសង្ក្រាមបន្តអូសបន្លាយជាង3ឆ្នាំបានបន្សល់ទុកនូវមហាវិនាសកម្មរចនាសម្ព័ន្ធអគា ផ្លូវនៅក្នុងប្រទេសអ៊ុយក្រែនរងការបំផ្លាញស្ទើតែទាំងស្រុងទៅហើយ។
ទោះបីពិភពលោកបង្តើតបានអង្គការសហប្រជាជាតិក្រោយសង្គ្រាមលោកលើកទី2ក្នុងគោលបំណងរក្សាបានសុខសន្តិភាពក្តីដោយរំពឹងថាកាតែង តាំងប្រទេសមហាអំណាចទាំង5ជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាតិដើម្បីធានាដល់ការដោះស្រាយជម្លោះរវាងប្រទេសនិងប្រទេស អាចចាត់ទុកបានថាមានប្រសិទ្ធភាពច្រើនដែបើគិតពីក្រោយសង្គ្រាមលោកទី2មក។ប៉ុន្តែក្រោយមានការអភិវឌ្ឍន៍បច្ចេកវិជ្ជាលើប្រព័ន្ធសព្វាអាវុធកាន់តែទំនើប បញ្ហាទំនាស់ភូមិសាស្ត្រទឹកដីក៏បានចាប់ផ្ដើម ពិសេសគឺវិវាទនៅដែនសមុទ្រចិនខាងត្បូងនិងខាងកើតដែលទំនាស់នេះគឺដោះស្រាយមិនចេញទៅហើយ។អាចសន្មតបានថាគ្រាន់តែទំនាស់ដែនសមុទ្រចិនពាក់ព័ន្ធនឹងប្រទេស6រួមមានចិន(2)វៀតណាម ម៉ាលេស៊ី ហ្វីលីពីន ជប៉ុន ឥណ្ឌូណេស៊ី សូម្បីអូស្ត្រាលីក៏បារម្ភណ៍ថានឹងមានសង្គ្រាមកើតឡើងនៅសមុទ្រចិនខាងត្បូងដែលអាចរាលដាលដល់ដែនទឹកខ្លួនផងដែ។
ដូច្នេះបញ្ហាសង្គ្រាមនៅអ៊ុយក្រែនដែលរងការឈ្លានពានពីមហាអំណាចរុស្សីបានរុញច្រានប្រទេសមហាអំណាចមួយនេះដើរចេញពីតួនាទីជាអ្នកដោះស្រាយនៅអង្គការសហប្រជាជាតិ ដើម្បីធ្វើខ្លួនជាអ្នកឈ្លានពាន ឲ្យគេដោះស្រាយឲ្យខ្លួនទៅវិញ។
យើងដឹងហើយថាសង្គ្រាមបានរាលដាលរវាងឥណ្ឌានិងប៉ាគីស្ថាន ហើយបច្ចុប្បន្ននេះគឺមហាសង្គ្រាមរវាង អ៊ីស្រាអ៊ែលនិងអ៊ីរ៉ង់ហើយអ្វីដែលគេអាចសន្មតបានថាសង្គ្រាមលោកទី3បានចាប់ផ្ដើហើយនោះ គឺប្រទេសទាំងពីរសុទ្ធសឹងតែមានប្រទេសមហាអំណាចនៅពីក្រោយ។ហើយបើនិយាយដល់កម្ពុជាកំពុងត្រៀមអាវុធដាក់គ្នានៅតាមបន្ទាត់ព្រំដែនផងនោះដោយមិនទាន់គិតដល់អ្នកពាក់ព័ន្ធនៅពីក្រោយ ទើបមានការប្រមើល៍ឃើញថាសង្គ្រាមលោកទី3ពិតជាមិនអាចជៀសវាងបានឡើយ។បានជាមិនអាចជៀសវាងបានទី1=ស្ថាប័នដោះស្រាយអង្គការសហប្រជាជាតិលែងមានតម្លៃឲ្យប្រទេសមហាអំណាចគោរព ទី2=វិវាទដែលបង្កើតឲ្យមានការឈ្លានពានគឺផ្ដើមចេញពីប្រទេសមហាអំណាច។ដ្ចូច្នេះមានតែអាចបាននៅរង់ចាំក្រោយសង្គ្រាមលោកទី3បានបញ្ចប់តើអាចនៅ មានសំណល់អ្វីខ្លះឲ្យមនុស្សដែលរួចពីស្លាប់អាចបន្តជីវិតបានតទៅទៀតតែប៉ុណ្ណោះ៕
