រតនគិរីៈ និស្សិត២នាក់ រៀននៅសកលវិទ្យាល័យ បៀលប្រាយ បានជួបគ្រោះថ្នាក់ ចរាចរណ៍ បណ្តាលអោយស្លាប់ម្នាក់ភ្លាមៗ នៅនឹងកន្លែងកើតហេតុ និងរបួសធ្ងន់១នាក់ កាលពីថ្ងៃទី៣ ខែកុម្ភៈ ឆ្នាំ២០១៤វេលាម៉ោង១៨ និង៣០នាទី យប់ នៅត្រង់ចំណុច ភូមិអូររមៀត សង្កាត់ឡាបានសៀក ក្រុងបានលុង។
បើតាមប្រភពពត៌មាន ពីប្រជាពលរដ្ឋ ដែលឃើញហេតុការណ៍ គ្រោះថ្នាក់ចរាចរនេះ បានផ្តល់ពត៌មាន អោយដឹងថា ពួកគាត់បានឃើញម៉ូតូម៉ាកស្មាស់រីវ៉ូគ្មានស្លាកលេខ ដែលបើកដោយនិសិ្សតឈ្មោះ សុផា លីលី ភេទស្រី អាយុ២២ឆ្នាំ ដែលគេស្គាល់ថាជាកូនលោក សុខា ឡៃ ធ្វើការនៅធនាគារខេត្ត ឌុបមិត្តជានិសិ្សតរៀននៅសាលាបៀលប្រាយជាមួយគ្នាឈ្មោះ អ៊ឹម ណាម ភេទស្រី អាយុ២០ឆ្នាំ ចេញពីសាលាបើកបរទិសដៅពីជើងទៅត្បូងក្នុងគោលបំណងចេញពីសាលាទៅផ្ទះ មកដល់ត្រង់ចំណុច កើតហេតុខាងលើជ ក៏ស្រាប់តែម៉ូតូ មួយគ្រឿងទៀត ម៉ាកវ៉េវ ពាក់ស្លាក លេខ1D-5121 ជិះដោយយុវជន មិនស្គាល់ឈ្មោះ។ ក្រោយពីកើតហេតុ ក៏រត់គេចខ្លួនបាត់ បានប៉ះគ្នាពីមុខនិងដៃចង្កូត បណ្តាលអោយ ម៉ូតូដែលជិះដោយ និស្សិតឌុបគ្នានោះ រ៉េចង្កូតខ្ទាតចេញមកចូលផ្លូវ ស្របពេលដែល មានរថយន្តម៉ាក យីឌុប ដឹកដំឡូង ដែលបើកបរដោយឈ្មោះ ប៊ុន ហេង អាយុ២៤ឆ្នាំ មកដល់ក៏ស្រាប់តែ ម៉ូតូរបស់នារីជានិសិ្សតនោះ ដួលចូលទៅប៉ះកង់ឡាន ខាងក្រោយ ផ្នែកខាងឆ្វេង ដែលបើកបរទិសដៅ បញ្ច្រាសគ្នា ជាមួយនឹងម៉ូតូ ដែលជាហេតុធ្វើឲ្យ អ្នកបើកម៉ូតូឈ្មោះ សុផា លីលី ភេទស្រីអាយុ២២ឆ្នាំ ជានិសិ្សតរៀននៅ សាលាបៀលប្រាយ ត្រូវកង់ឡានកិនចំក្បាល ធ្លាយខួរស្លាប់ នៅនឹងកន្លែងកើតហេតុ ចំណែកឯមិត្តភ័ក្តិ ដែលជិះពីក្រោយ ឈ្មោះ អឹម ណាមភេទស្រី អាយុ៣០ឆ្នាំ ជានិសិ្សតដែរនោះ ក៏រងរបួស យ៉ាងធ្ងន់ធ្ងរដែរ ។ ហើយត្រូវបាន បញ្ជូនទៅសង្គ្រោះបន្ទាន់ នៅមន្ទីរពេទ្យ បង្អែកខេត្ត ហើយសាកសព និស្សិតរងគ្រោះនោះ ត្រូវបានក្រុមគ្រួសារ យកទៅធ្វើបុណ្យ ទៅតាមប្រពៃណី ចំណែកម៉ូតូទាំង២ និងរថយន្ត យីឌុបដឹកដំឡូងមី ត្រូវបានកម្លាំងនគរបាល ចរាចរផ្លូវគោក យកទៅរក្សាទុក នៅស្នងការនគរបាលខេត្ត ដើម្បីដោះស្រាយ តាមសន្តិវិធីច្បាប់៕
ដោយៈ តាំង ឧសារ
រថយន្តដែលកម្លាំងនគរបាលចរាចរផ្លូវគោកយករក្សាទុក
