ដោយ ៖ រដ្ឋា
ដោយបានរកឃើញនាមប័ណ្ណរបស់ឈ្មោះ សេង ឈីលី ប្រ ធានអង្គការប្រឆាំងបទល្មើសសង្គមនៅកម្ពុជា សហការដៃគូ ជា មួយ ឯកឧត្តមបណ្ឌិត ឱម យ៉ិនទៀង ទេសរដ្ឋមន្ត្រី និងជាប្រ ធានអង្គភាពប្រឆាំងអំពើពុករលួយ លោក ឃុយ ធី បានសម្រេច ដាក់ពាក្យបណ្តឹងបន្ថែម ដោយភ្ជាប់ជាមួយភស្តុតាង ប្តឹងការ ចោទលោក សេង ឈីលី ប្រើឥទ្ធិពលអង្គភាព ប្រឆាំងអំពើពុក រលួយឃុបឃិតជាមួយចៅក្រម តាក់ គឹមសៀ ដើម្បីផលប្រ យោជន៍ ។ ព្រោះក្នុងនាមលោក សេង ឈីលី ជាតំណាងឱ្យ ដើមបណ្តឹងដែលទទួលសិទ្ធិពីឈ្មោះ ចាន់ សាម៉ុន បានដាក់ នាមប័ណ្ណខ្លួនភ្ជាប់ជាមួយពាក្យបណ្តឹងក្នុងចេតនាគំរាម តុលាការឱ្យទាញយកអង្គហេតុក្លែងបន្លំ ផ្ទុយពីការពិតរំលោភ លើច្បាប់រដ្ឋបាលនៃព្រះរាជាណាចក្រកម្ពុជាថែមទៀតផង ។
ជាក់ស្តែងឈ្មោះ ឃុយ ធី ដែលម្តាយឈ្មោះ បួយ ប៊ួ រើសយកមកចិញ្ចឹមនៅពេលម្តាយដែលបង្កើតត្រូវស្លាប់ក្នុង ពេលឆ្លងទន្លេបានចុះឈ្មោះ ឃុយ ធី ជាកូនស្របច្បាប់តាមរយៈសំបុត្រកំណើតជាភស្តុតាងស្រាប់ ។ តើតុលាការ សាលាដំបូង សំអាងលើអង្គហេតុអ្វីដែលបានលុបចោលការទាញអង្គហេតុថា ឈ្មោះ ឃុយ ធី ជាកូនធម៌ ដែលមិន អាចទទួលមរតកបន្តបានទៅវិញ ។ ព្រោះគោលការច្បាប់នៃព្រះរាជណាចក្រកម្ពុជា មិនថាឡើយ តម្រូវការស្មូមកូននៅ ក្នុងប្រទេស ដោយសូម្បីតែ ជនបរទេសដែលស្មូមកូនក៏ត្រូវរៀបចំឯកសារកំណត់ទទួលស្គាល់ថា ជាកូនស្របច្បាប់ ហើយមានសិទ្ធិទទួលមរតកដូចកូនដទៃ ទៀតដែរ ។
ដោយមើលឃើញពីអំពើឃុបឃិតក្រោមរូបភាពប្រើនាមប័ណ្ណភ្ជាប់ឈ្មោះ ឯកឧត្តម ឱម យ៉ិនទៀង ទៅដាក់ភ្ជាប់ ជា មួយពាក្យបណ្តឹងនៅសាលាដំបូងខេត្តកំពតនេះហើយ ទើបលោក ឃុយ ធី សម្រេចដាក់ពាក្យបណ្តឹងបន្ថែមចោទប្រ កាន់លោក សេង ឈីលី ឃុបឃិតជាមួយចៅក្រម តាក់ គឹមសៀ ដើម្បីយកដីគាត់លក់ចែកគ្នា ។ ធ្លាប់មានការអះអាង ពីមន្ត្រី នៃអង្គភាពប្រឆាំងអំពើពុករលួយបានបញ្ជាក់ឱ្យដឹងថា ប្រសិនបើមានអ្នកយកឈ្មោះអង្គភាពប្រឆាំងអំពើ ពុក រលួយ ពិសេសគឺឈ្មោះ ឯកឧត្តមតែម្តងទៅឃុបឃិតក្នុងផលប្រយោជន៍អ្វីមួយ គឺអង្គភាពប្រឆាំងអំពើពុករលួយ និង ចាត់វិធានការ ក្តៅចំពោះបុគ្គល ឬបក្ខពួកទាំងនោះភ្លាម ។ ដូច្នេះសាលក្រមលេខ ៦៩ គឺពិតជាមានពាក់ព័ន្ធទៅនឹង កេរ្តិ៍ឈ្មោះ ឯកឧត្តម ក្នុងនាមប្រធានអង្គភាពប្រឆាំងអំពើពុករលួយដែលគួរដល់ពេលត្រូវវះកាត់ឱ្យជ្រះស្រឡះ ហើយ ដើម្បីកុំឱ្យខូចឈ្មោះអង្គភាព ប្រឆាំងអំពើពុករលួយទាំងមូល ! ៕
