ដោយ ៖ សម្បត្តិក្រវាញ
ថ្មីៗនេះភ្នាក់ងារសារព័ត៌មាន“ជាតិ” បានចុះទៅកាន់ ចំណុចស្ទឹង ទី ៣ ទំនប់ចិន ស្ថិតក្នុងភូមិវាលឃុំសំរោង ស្រុកភ្នំក្រវ៉ាញ ខេត្ត ពោធិ៍សាត់ បានរកឃើញ គំនរឈើប្រណីតដែល ក្រុមហ៊ុន MDS បញ្ជាទិញពីហ្វូងរទេះគោដឹកចេញពីព្រៃ អភិរក្សកម្រង និងអារ៉ៃ តាមជួរភ្នំក្រវាញដែលគ្រប់គ្រងការពារដោយក្រុមជី រួចដឹកចេញ យក មកស្តុកទុកនៅឃ្លាំងតំណាក់ ឈើ ក្រំក្នុងឃុំសំរោង ។ ឈើប្រណីតរាប់សិបម៉ែត្រគូប ជាប្រភេទឈើនាងនួន និងឈើ ធ្នង់ ដោយក្រុមហ៊ុន MDS ដែលបញ្ជាទិញបានយកថ្នាំ មកសរ សេរលើឈើកំណត់ម្ចាស់ឈើនីមួយៗ ពីចំនួនឈើដែលខ្លួនមាន ដើម្បីទូទាត់សាច់ប្រាក់ ។
រឿងដែលចម្លែកនោះគឺ ស្ថាប័នជំនាញផ្នែករដ្ឋបាលព្រៃ ឈើក្រវ៉ាញដែលមានស្នាក់ការ នៅក្បែរឃ្លាំងស្តុបឈើដំណាក់ ឈើក្រំ ហាក់ពុំបានប្រើតួនាទី ដើម្បីត្រួតពិនិត្យលើសកម្មភាព ដឹកជញ្ជូនឈើចូលឃ្លាំងរបស់ ក្រុមហ៊ុន MDS ដែលនាំ ចូលពីប្រភពណាឡើយ ។ ម៉្យាងវិញទៀត អង្គការការពារបរិស្ថាន CI ដែលឈរជើងនៅតំបន់ អភិរក្សជួរភ្នំក្រវ៉ាញ ហាក់បាន ឃុបឃិតជាមួយក្រុមហ៊ុន MDS ដែលមានឧកញ៉ា ទ្រី ភាព ជាប្រធានបើកដៃឱ្យពួកអ្នកស្រុក ចូលកាប់ ឈើប្រណីតក្នុងតំបន់ព្រៃការពារដោយច្បាប់ដោយពុំបានធ្វើកិច្ចសហការចុះបង្ក្រាប ស្របតាមគោលការណ៍និង លក្ខ ខណ្ឌទទួលជំនួយពីបរទេស ឡើយ ។
ផ្ទុយទៅវិញ គឺសមត្ថកិច្ចមេព្រៃស្រុកភ្នំក្រវ៉ាញ និងមន្ត្រីអង្គការ CI ប្រើតួនាទីដើម្បីឃ្លាំមើលអ្នកស្រុកដឹកឈើតាម រទេះ ណាដែលមានបំណងគេចចេញពីការចូលលក់ទៅឱ្យក្រុម ហ៊ុន MDS តែប៉ុណ្ណោះ ព្រោះបើតាមប្រភពច្បាស់ការគឺក្រុម ហ៊ុន MDS ចំណាយមិនតិចទេ ដើម្បីសូកប៉ាន់ដល់មន្ត្រីរដ្ឋបាលព្រៃឈើរួមទាំងអង្គការ CI ទើបមានការឱ្យតម្លៃឈើដែល ទិញពីពលរដ្ឋក្នុងកម្រិតទាប បំផុត ។
ប្រើឈ្មោះអង្គការ CI ទទួល ជំនួយពីបរទេសរួចចូលរួមការពារបទល្មើសវាជាកំហុសឆ្គងមួយធំធេងណាស់ ដែលម្ចាស់ ជំនួយ មិនគួរមើលរំលង ទុកឱកាសឱ្យមន្ត្រីខ្លួនប្រព្រឹត្តទង្វើខុសឆ្គង ដោយទទួលយកបានតែលទ្ធផលអវិជ្ជមាននោះ ឡើយ។
ចំណែករដ្ឋបាលព្រៃឈើស្រុកភ្នំក្រវ៉ាញដែលជាមន្ត្រីបំរើការក្នុងស្ថាប័នរដ្ឋដើម្បីធានា ដល់ការការពារព្រៃឈើនៅតំបន់ អភិរក្សហើយស៊ីប្រាក់ខែរដ្ឋទៅឃុបឃិតការពារឈ្មួញទុច្ចរិតបំផ្លាញតំបន់អភិរក្សព្រៃ ឈើជួរភ្នំក្រវ៉ាញគឺជាបទល្មើស ធ្ងន់ធ្ងរដែលរដ្ឋ មិនត្រឹមតែចំណាយថវិកាអត់ប្រយោជន៍ ទៅបើកប្រាក់ខែឱ្យមន្ត្រីប៉ុណ្ណោះ ទេគឺថែមទាំងទុកឱកាស ឱ្យពួក មន្ត្រីរដ្ឋបាលព្រៃឈើ ប្រើតួនាទី ចូលរួមកាប់បំផ្លាញដែនព្រៃអភិ រក្សថែមទៀតផង ។
ពិតណាស់ថាការប្តេជ្ញាចិត្ត របស់ប្រមុខរាជរដ្ឋាភិបាលលើ ការគ្រប់គ្រងថែរក្សាតំបន់ព្រៃ អភិរក្សឱ្យនៅគង់វង្សបានលុះ ត្រាតែមន្ត្រីអនុវត្តធ្វើសកម្មភាព ដោយពុំមានការឃុបឃិតជា មួយក្រុមឈ្មួញទុច្ចរិត ទើប ប្រសិទ្ធភាពនៃការប្តេជ្ញាចិត្ត អាច ទទួលបានជោគជ័យ ។
ជាក់ស្តែងគំនរឈើប្រណីត ប្រភេទឈើនាងនួននិងប្រភេទ ឈើធ្នង់ គឺជាតឹងតាងបញ្ជាក់ ឱ្យលោក ឆេង គឹមស៊ុន ប្រតិភូ រាជរដ្ឋាភិបាលទទួលបន្ទុក ប្រធានរដ្ឋបាលព្រៃឈើមើល ឃើញពីភាពអសមត្ថក្នុងការ គ្រប់គ្រងតំបន់អភិរក្សព្រៃឈើ នៅជួរភ្នំក្រវាញដែលសម្រេច ដោយព្រះរាជក្រឹត្យ ។
បើថ្នាក់ដឹកនាំរដ្ឋបាលព្រៃ ឈើគឺបានតែងតាំងដោយព្រះ រាជក្រឹត្យ ដោយសូម្បីតែតំបន់ អភិរក្សដែលការពារដោយព្រះ រាជក្រឹត្យក៏មិនអាចទប់ស្កាត់ ការពារបានរួមទាំងមានការ ឃុបឃិតជាមួយឈ្មួញឈើទុច្ច រិតដែលបង្កើតក្រុមហ៊ុនំឌ្ស ទៅហើយនោះ មានន័យថា សមត្ថភាពថ្នាក់ដឹកនាំរដ្ឋបាល ព្រៃឈើគឺពិតជាមិនអាចផ្តល់ នូវការជឿទុកចិត្តពីសំណាក់ រាជរដ្ឋាភិបាលអាណត្តិទី៥ នេះ បានឡើយ ។
មូលដ្ឋាននៃការលើកឡើង ដែលសារព័ត៌មានជាតិដាក់បទ បង្ហាញពីភាពអសមត្ថភាព របស់ថ្នាក់ដឹកនាំរដ្ឋបាលព្រៃ ឈើ ក៏ព្រោះថា គ្រប់តំបន់អភិរក្សព្រៃឈើ គឺសុទ្ធសឹងតែមាន រចនាសម្ព័ន្ធចាត់តាំងចាប់ពី សង្កាត់រដ្ឋបាលព្រៃឈើ រហូត ដល់ផ្នែករដ្ឋបាលព្រៃឈើនិងនាយខណ្ឌរដ្ឋបាលព្រៃឈើថែមទៀតផង ។ ដោយឡែកនៅតំបន់ស្រុកភ្នំក្រវ៉ាញ គឺថែមទាំងបានបូកបញ្ចូលអង្គការការពារ បរិស្ថាន ហៅកាត់ថា (CI) ដែលគេសង្កេតឃើញពីសកម្ម ភាពហាក់បាន រួមចំណែកចូលយ៉ាងជ្រៅទៅនឹងបទល្មើសព្រៃឈើ ដើម្បីតែផលប្រយោជន៍ ទោះបីអង្គការមួយនេះទទួលបានកិច្ច សន្យាទទួលប្រាក់ជំនួយពីអង្គការបរទេសមកការពារតំបន់អភិរក្សព្រៃឈើស្រុកភ្នំក្រវ៉ាញយ៉ាងណាក៏ដោយ ។ ហើយការផ្តល់ឱកាសទុកឱ្យ ក្រុមហ៊ុនំឌ្សដែលមានឧកញ៉ា ទ្រី ភាព ជាប្រធាននៅបន្តធ្វើ សកម្មភាពប្រើប្រាស់កម្លាំង ប្រជាពលរដ្ឋដើម្បីកាប់បំផ្លាញ តំបន់ព្រៃអភិរក្សជួរភ្នំក្រវ៉ាញតទៅទៀត បើរាជរដ្ឋាភិបាលពិតជាមានឆន្ទៈក្នុងការ ការពារ សម្បត្តិធម្មជាតិពិតប្រាកដមែន គឺពិតជាមិនអាចឱបដៃឈរមើលមន្ត្រីជំនាញនិងក្រុមអង្គការបន្តការឃុប ឃិតបំផ្លាញ ព្រៃឈើនៅតំបន់អភិរក្សជួរភ្នំ ក្រវាញបានតទៅទៀតនោះ ឡើយ ៕
