ដោយ ៖ ជាតិ
សេចក្តីរាយការណ៏ពីមន្ត្រីសាលារាជធានីមួយរូបដែលសុំមិន បញ្ចេញឈ្មោះបានរៀបរាប់ថា តាមគំរោងមន្ទីរសាធារណៈការ និងដឹកជញ្ជូនរាជធានីភ្នំពេញ មាន៧អាគារ ដោយក្នុងនោះ មាន អាគារធំមួយជាអាគារមន្ទីរមានកំពស់៣ជាន់ និងអាគារតូចៗចំនួន ៤ សម្រាប់អង្គភាព៤ រួមមាន : អង្គភាពសួនច្បារ និងរុក្ខ ជាតិ ,អង្គភាពអគ្គិសនីបំភ្លឺសាធារណៈ, អង្គភាពស្ពានថ្នល់ និ ងអង្គភាពស្លាកលេខម៉ូតូ និងមានឃ្លាំងធំចំនួន២ សម្រាប់អង្គ ភាពស្លាកលេខម៉ូតូ. អង្គភាពអគ្គិសនីបំភ្លឺសាធារណៈនិងអង្គភាពសួនច្បារនិងរុក្ខជាតិ។ ប៉ុន្តែក្នុងការជាក់ស្តែង អាគារធំ ដែលត្រូវធ្វើ៣ជាន់ គឺក្រុមហ៊ុនធ្វើឲ្យតែ២ជាន់ប៉ុណ្ណោះ ហើយអាគារតូចៗមានតែ៣អាគារប៉ុណ្ណោះ ។ ទីតាំង ថ្មីនៃមន្ទីរសាធារណការ និងដឹក ជញ្ជូនរាជធានីភ្នំពេញ ដែលស្ថិតនៅសង្កាត់ព្រែកលាប ខណ្ឌឫស្សីកែវ ត្រូវបានប្រភពគួរឲ្យ ទុកចិត្តមួយបាននិយាយ ថាធ្វើឲ្យរដ្ឋាភិបាលខាតបង់ថវិការាប់សិបម៉ឺន ដុល្លារ។ ការខាតបង់នេះ គឺដោយសារតែក្រុមហ៊ុនរបស់លោក ឃុន សៀរ ដែលទទួលសាងសង់មិនបានអនុវត្តទៅតាមគំរោងប្លង់មេដែលបានឯកភាពគ្នា កាលពីឆ្នាំ២០១០-២០១១។
ប្រភពដដែលបានបន្តថា មន្ទីរសាធារណការ និងដឹកជញ្ជូនរាជធានីភ្នំពេញ ត្រូវបំពាក់ប្រព័ន្ធអាយធី (IT) ដោយបាន ឯកភាព ថា ក្រុមហ៊ុនត្រូវបំពាក់ឲ្យក្នុងតម្លៃ៥ម៉ឺនដុល្លារអាមេរិក។ ប៉ុន្តែមកដល់ពេលនេះបែរជាក្រុមហ៊ុន មិនបានបំពាក់ ឲ្យលោកនាយកមន្ទីរ បែរជាស្នើសុំលុយ ពីសាលារាជធានីភ្នំពេញមកបំពាក់ទៅវិញ។
មន្ត្រី ដដែលដែលសុំមិនឲ្យបញ្ចេញឈ្មោះបានឲ្យដឹងទៀតថា ក្រៅពីទៅសុំលុយពីសាលាក្រុងខណៈដែលក្រុមហ៊ុនត្រូវ ទទួលបំពាក់ប្រព័ន្ធ អាយធី (IT) ឲ្យនោះ លោក សាំពិសិដ្ឋ នៅបានធ្វើឲ្យអនុប្រធានមន្ទីរម្នាក់ផ្នែកម៉ូតូ មានការថ្នាំងថ្នាក់ ថែមទៀត ព្រោះមន្ទីរបានទៅដកយកថវិកា ពីអង្គភាព ធ្វើស្លាកលេខម៉ូតូ ពីរ-បីម៉ឺនដុល្លារ ទៀត ថាយកទៅធ្វើប្រព័ន្ធ អាយ ធី ដដែល។
ដូចច្នេះគ្រាន់តែករណីប្រព័ន្ធអាយធីនេះ លោកប្រធានមន្ទីរបានស្នើសុំថវិកាពីសាលារាជធានីភ្នំពេញផងដកលុយ ពី ផ្នែក ម៉ូតូផង ខណៈដែលក្នុងកិច្ចសន្យា លោកឧកញ៉ា ឃុន សៀរ ត្រូវបំពាក់ឲ្យរួចទៅហើយនោះ។ តើករណីនេះលោក ឃុន សៀរអនុវត្តខុស ឬក៏លោកប្រធានមន្ទីរខុស? ។ មន្ត្រីខាងមានចម្ងល់ថា ហេតុអ្វីបានជាលោកសាំ ពិសិដ្ឋ ប្រធាន មន្ទីរថ្មីមិនធ្វើអាគារនេះតាមប្លង់ចាស់បែរជាធ្វើអាគារធំ តែពីរជាន់ និងធ្វើអាគារ តូចតែបីទៅវិញ។
ក្នុងកិច្ចព្រមព្រៀងគ្នានោះដែរខាង ក្រុមហ៊ុនរបស់លោកឧកញ៉ា ឃុន សៀរបានឯកភាពជាមួយមន្ទីរថា ចេញថ្លៃដឹក ជញ្ជូន រើទីតាំងចេញ ពីទីតាំងចាស់ ចេញទៅទីតាំងថ្មី ចំនួន២ម៉ឺនដុល្លារថែមទៀត។ ក្នុងនោះដែរ ក្រុមហ៊ុនបាន សន្យា ជាមួយ គណៈមន្ទីរសាធារណការ មុនការសាងសង់ អាគារថ្មីថា នឹងមានផ្តល់ថវិកាសម្រាប់ឧបត្ថម្ភបុគ្គលិក និងមន្ត្រីរាជ ការជាង ១ ពាន់នាក់ និងសម្រាប់ប្រធានមន្ទីរដោយឡែកថែមទៀតផងក្នុងទឹកប្រាក់រាប់សិបម៉ឺន ដុល្លារ។
ទាក់ទងទៅនឹងសំនួរដែលសួរថា មន្ទីរសាធារណការក្រុងត្រូវធ្វើកំពស់៣ជាន់មូលហេតុអ្វីបានជា ក្រុមហ៊ុនសាងសង់ តែ ២ ជាន់? លោកឧកញ៉ា ឃុន សៀរ ឆ្លើយថា តាមគំរោងធ្វើ៤ជាន់ តែក្រោយមកខាងលោកសាំ ពិសិដ្ឋ ថា ធ្វើ៤ជាន់អត់ ដឹងយកទៅធ្វើអីទេអ៊ីចឹង!គាត់ប្ដូរទៅធ្វើកន្លែង ផ្សេង នៅផ្នែក ក្រោយមួយទៀត ហើយនិងថែមដូរពីប្រក់ស័ង្កសី មកប្រក់ ក្បឿង ហើយនិងថែមរោងឡានខុសពីគោលការណ៍ចំនួន៣ទៀត។ ហើយ អាគារទាំងប៉ុន្មានខ្នងនេះ វាមិនទៅតាមប្លង់ ទាំងអស់ទេ ដោយសារកាលនោះលោកញ៉ែម សារ៉ន ប្រធានមន្ទីរចាស់ដូចជាអត់ទាន់បានស៊ីញ៉េអីទេ។ ដល់អ៊ីចឹង ! លោកសាំ ពិសិដ្ឋ ថា រឿងនេះមិនចាំបាច់ធ្វើដល់៤ជាន់ទេ គាត់សុំចិត្តធ្វើកន្លែងផ្សេងៗថែមទៀតទុកឲ្យកន្លែងដាក់ម៉ូតូវា ស្រួលជាង។
អាចជាអំពើឃុបឃិតរវាងលោក សាំ ពិសិដ្ឋ និងសាលារាជធានីភ្នំពេញ ដើម្បីទាញយកផលប្រយោជចេញពីគម្រោង ដែល អង្គភាពប្រឆាំងអំពើពុករលួយ មិនគួរសម្ងំស្ងៀមរង់ចាំមើលភាពមិនប្រក្រតី ដោយមិនបានសិក្សា ស្វែងយល់ពីការ ពិតនោះឡើយ ។ ព្រោះអំពើពុករលួយ ជាឬសគល់ ដែលរាជរដ្ឋាភិបាលផ្តល់ការជឿទុកចិត្តលើការកែទម្រង់ទៅលើ អង្គភាពប្រឆាំងអំពើពុករលួយ ទើបអាចដោះស្រាយបញ្ហាបាន ៕
