ដោយ ៖ ជាតិ
បន្ទាយមានជ័យ ៖ ហ្គាសគេចពន្ធ កំពុងគំហុក ចូលតាម ច្រក របៀងនានា ក្នុងស្រុកម៉ាឡៃដែលហ្គាស់ទាំងនោះ ជ្រកក្រោម ស្លាក ក្រុមហ៊ុនស្របច្បាប់ តាមបន្ទាត់ព្រំដែន ដូចឃើញ ក្នុង រូបភាព នៅភូមិថ្មី ឃុំម៉ាឡៃ នេះជាភស្តុតាងស្រាប់ ។
ក្រុមហ៊ុនដែលរកស៊ីហ្គាសក្រោមរូបភាពស្របច្បាប់ហើយ បំភន្ត័ ភ្នែកសមត្ថកិច្ចនោះ គឺក្រុមហ៊ុន ចន់ណា ផល្លា ។
ប្រភពបានបង្ហើបថា ការកស៊ីរបស់ក្រុមហ៊ុនខាងលើ គឺមាន ជាប់ ពាក់ពន្ធ័ទៅនិងប៉េ អឹមម្នាក់ឈ្មោះស ម៉ាប់ដែលជា មេ បញ្ជាការរងនៅស្រុកម៉ាឡៃជាអ្នកនៅពីក្រោយ ។
ប្រភពបន្តថា នៅពីក្រោយកន្លែងដែលក្រុមហ៊ុនខាងលើស្តុបហ្គាស់ មានច្រករបៀងចំនួនពីរដែលគេនាំហ្គាស់ ចូល មក ពីប្រទេសថៃស្ទើរៀងរាល់យប់ គ្មានសមត្ថកិច្ច ឬមន្រ្តីជំនាញណាមួយទប់ស្កាត់ ពីព្រោះ គេបានខ្លាចបុគ្គល ដែលជាមេ បញ្ជាការរងប៉េ អឹមម្នាក់រកស៊ីដុះស្លែយូរមកហើយ ប៉ុន្តែបុគ្គលនេះ ដោយសារតែ អំណាច និង តួនាទីមិនខ្លាចច្បាប់អ្វី ឡើយ ។
មតិជាច្រើនបានលើកឡើង ស្តីពីថវិការដ្ឋក្នុងមួយឆ្នាំអាចបាត់បង់រាប់ពាន់លានរៀល ដែលហ្គាស់នាំចូលតាមច្រករបៀង ពិសេសគឺមានមេបញ្ជាការរងម្នាក់នេះនិងឈ្មួញឃុបឃិតគ្នាដើម្បីប្រយោជន៏ចែកគ្នា ហើយក្រសួងសេដ្ឋកិច្ច និងហិរញ្ញវត្ថុ គួរចាត់វិធានការចំពោះ បុគ្គលណាប្រព្រិត្តខុសគឺមិនគួរលើកលែងចំពោះថវិកា ដែលបាត់បង់ ហើយគេនិងសង្ឃឹមស្ថាបន័័ពាក់ពន្ធ័គួរណាចុះពិនិត្យមើល ជុំវិញបញ្ហាខាងលើនេះ ជាពិសេសអង្គភាពប្រឆាំងអំពើរពុករលួយ តែម្តង ដើម្បីឲ្យស្របតាមគោកនយោបាយកែទម្រង់ របស់ប្រមុខរាជរដ្ឋាភិបាលអាណត្តិទី ៥ នេះ ។
ប្រភពបញ្ជាក់ថា ការប្រមូលថវិកាពន្ធនៅស្រុកម៉ាឡៃ ពីទំនិញផ្សេងៗ ជាពិសេស ហ្គាស់ចូលពីប្រទេសថៃ មិនបានថវិកាចូលរដ្ឋឡើយ មានអង្គភាពពាកពន្ធ័ចំនួន ៤ ស្ថាបន័នៅច្រកតំបន់ម៉ាឡៃគឺមន្ត្រីទាំងនោះ បានប្រមូលថវិកាយកមកចែកគ្នាដាក់ហោប៉ាវ ដែលសំដៅលើតួនាទីអនុវត្តរបៀបត្រីងៀត ឆ្លៀតពងកន្ទេលធំបន្លំដេក ដើម្បីផលប្រយោជន៍ ។
ម្យ៉ាងទៀត ចំពោះលោក ស ម៉ាប់ ដែលជាមេបញ្ជាការរង ស្រុកម៉ាឡៃ ដែលប្រើអំណាចកាង រកស៊ីនាំហ្គាស់ និងរបរខុសច្បាប់ផ្សេងៗ ទៀត ក្រោយការចុះផ្សាយ ពីហ្គាស់ គេចពន្ធសារព័ត៏មានយើង និងបន្តចុះផ្សាយ នៅលេខក្រោយទៀត ដោយសង្ឃឹមថា លោកមេបញ្ជាការប៉េអឹម ខេត្តបន្តាយមានជ័យ ពិតជាមិនអនុគ្រោះដល់មន្រ្តីខិិលខូចឡើយ ៕
