ករណីប្រជាពលរដ្ឋ25គ្រួសារដែលមានដីអាស្រ័យផលនិងសង់លំនៅដ្ឋាននៅភូមិកំពង់ពោធិ៍ត្បូង ឃុំក្រាំងយ៉ូវ ស្រុកស្អាង ខេត្តកណ្ដាលដែលបាននិងកំពុងរងការគំរាមពីក្រុមឈ្មួញទិញដីបើមិនលក់ក្នុងតម្លៃដែលពួកគេបានកំណត់ក៏គេយកដែ។ បើពិនិត្យជាក់ស្ដែងលើសកម្មភាពក្រុមឈ្មួញទិញដីហាក់មានការគាំទ្រពីមន្ត្រីភូមិបាលស្រុកស្អាងជាខ្នងបង្អែកទើបពលរដ្ឋ8គ្រួសារប្ដឹងសុំអន្តរាគមន៍ទៅឯក ឧត្ដមអភិបាលខេត្តកណ្ដាលនិងឯកឧត្ដម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីដាក់កម្មវត្ថុស្នើសុំការអនុញ្ញាតឲ្យទទួលបានសិទ្ធិចុះបញ្ជីដីធ្លីជាប្រព័ន្ធ។
ពាក្យបណ្ដឹងចូលមកសាលាខេត្តកណ្ដាល ហាក់បីដូចជាមានការជំទាស់ពីមន្ត្រីសាលាខេត្តលើករណីលោក នឿន ស៊ីណាជាមន្ត្រីរដ្ឋបាលសាលាខេត្តបានជូនដំណឹងឲ្យប្រជាពលរដ្ឋទាំង8គ្រួសារធ្វើការត្រៀមខ្លួនមកចូលរួមប្រជុំដោះស្រាយតាមពាក្យបណ្ដឹងស្នើសុំចុះបញ្ជីដីធ្លីដែលធ្លាប់អាស្រ័យផលជាង40ឆ្នាំមកហើយ ដោយគ្រួសារខ្លះបានលក់បន្តមានការទទួលស្គាល់ពីអាជ្ញាធរ ភូមិ ឃុំថែមទៀតផង។ផ្ទុយទៅវិញការជូនដំណឹងឲ្យប្រជាពលរដ្ឋត្រៀមខ្លួនចូលប្រជុំនៅសាលាខេត្តត្រូវបានលប់ចោល ដោយនាយករដ្ឋបាលសាលាខេត្តចេញលិខិតអញ្ជើញតែមន្ត្រី4រូបឲ្យមកប្រជុំដោះស្រាយក្រោមអធិបតីភាពឯកឧត្ដមហាក់ សុខមករាអភិបាលរងខេត្តទៅវិញ។
តាមការអះអាងតាមទូរស័ព្ទពីលោកនឿន ស៊ីណាមន្ត្រីរដ្ឋបាលសាលាខេត្តបានបញ្ជាក់ថាក្រុមការងារចូលរួមប្រជុំបានធ្វើរបាយការជូនឯកឧត្ដមអភិបាលនៃគណអភិបាលខេត្តដើម្បីសុំការសម្រេចព្រោះជាដីអាងរបស់រដ្ឋ។
មានការចោទសួរថា_ទី1÷បើជាដីអាងទឹករបស់រដ្ឋមែនហេតុអ្វីក៏អាជ្ញាធរស្រុកឬខេត្តមិនបានចេញសេចក្ដីជូនដំណឹងជាផ្លូវការទៅឲ្យអាជ្ញាធរ ភូមិ ឃុំបានដឹងពីទំហំដីអាងនិងបោះបង្គោលព្រំឲ្យពលរដ្ឋនិងអាជ្ញាធរបានដឹង។ទី2÷បើជាដីអាងរដ្ឋមែនហេតុអ្វីក៏ក្រុមឈ្មួញមានងារជាឧកញ៉ាអាចទិញពីប្រជាពលរដ្ឋបានដោយមានឯកភាពពីអាជ្ញាធរភូមិ ឃុំនិងភូមិបាលស្រុកជួយរត់ការចេញប្លង់រឹងថែមទៀតផង។
ផ្អែកតាមប្រសាសន៍ឯកឧត្ដម សុខ ទូច ប្រធានរាជបណ្ឌិត្យសភាកម្ពុជាបានចូលរួមចំណែកដល់ថ្នាក់ដឹកនាំគ្រប់រូបមេត្តាជ្រាបថា÷សូមមេត្តាកុំជឿលើមន្ត្រីដែលមកប្រាប់_មកខ្សឹបនិងរបាយការណ៍របស់មន្ត្រី គួរជួបគួរទៅឲ្យឃើញនឹងភ្នែកទើបអាចក្លាយខ្លួនជាអ្នកដឹកនាំល្អបាន។ព្រោះពួកអ្នកខ្សឹប អ្នកប្រាប់និងអ្នកធ្វើរបាយការណ៍គឺពួកគាត់មានជំនាញណាស់។
ជាក់ស្ដែងករណីប្រជាពលរដ្ឋ8គ្រួសារប្ដឹងសុំអន្តរាគមន៍ពីឯកឧត្ដមអភិបាលនៃគណអភិបាលខេត្តកណ្ដាលដាក់កម្មវត្ថុស្នើសុំចុះបញ្ជីដីធ្លីជាប្រព័ន្ធហើយបែជាមានមន្ត្រីក្នុងខេត្តធ្វើការជំទាស់មិនឲ្យប្រជាពលរដ្ឋចូលរួមប្រជុំ ដោយគ្រាន់តែប្រជុំមន្ត្រី5រូបក្នុងចេតនាធ្វើរបាយការណ៍ជំនួសជូនថ្នាក់ដឹកនាំខេត្តឲ្យធ្វើការសម្រេចតើវាយុត្តិធម៌ទេសម្រាប់ពលរដ្ឋ8គ្រួសារដែលដាក់ពាក្យប្ដឹងហើយពុំបានចូលរួមបកស្រាយទៅវិញ។ព្រោះរបាយការណ៍មិនខុសអ្វីពីអ្នកផ្សាយពាណិជ្ជកម្មនោះទេ ដូចជាជញ្ជីងបើគេដាក់ដុំមាសទៅលើថាសថ្លឹងតែម្ខាងគឺវាផ្អៀងទៅម្ខាងហើយ។ សមដូចប្រសាសន៍ប្រកបដោយបទពិសោធន៍ជ្រាលជ្រៅរបស់ឯកឧត្ដម សុខ ទូចដែលបានធ្វើការអះអាងយ៉ាងច្បាស់ៗថា(ក្នុងតួនាទីជាថ្នាក់ដឹកនាំមិនគួរស្ដាប់របាយកាណ៍មន្ត្រីដោយពុំបានជួបភាគីអ្នកប្ដឹងឬទៅពិនិត្យឲ្យឃើញដោយផ្ទាល់ទើបអាចធ្វើការសន្មត់បានត្រឹមត្រូវ)ព្រោះលក្ខណះសម្បត្តិមន្ត្រីខ្សឹប មន្ត្រីធ្វើរបាយការណ៍បើប្រសិនជាពួកគាត់បានទទួលផលប្រយោជន៍ពីភាគីខាងណា ហើយរបាយការណ៍ក៏វាបញ្ជាក់ពីអត្ថន័យផ្អៀងទៅខាងហ្នុងដែ ដែលតម្រូវឲ្យថ្នាក់ដឹកនាំមានកាស្វែងយល់ឲ្យបានច្បាស់បំផុតទើបសុខសន្តិភាពអាចឲ្យរាស្ត្រមានការត្រេកអរនិងគាំទ្រថ្នាក់ដឹកនាំជារៀងរហូត។
