ផ្អែកតាមប្រសាសន៍ដ៏ខ្ពង់ខ្ពស់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីបន្តវេនអាណត្តិទី7លោកបានជំរុញឲ្យមន្ត្រីថ្នាក់ក្រោមខិតខំបំរើរាស្ត្រ ហើយបើមិនបានបំរើរាស្ត្រទេ មេត្តាដេកនៅផ្ទះក៏ដូចជាបានជួយបក្សដែរ ។ សូមកុំឲ្យតែទៅបង្កទុក្ខលំបាកឲ្យរាស្ត្រទៅបានហើយ ។
តើករណីប្រជាពលរដ្ឋ8គ្រួសារប្ដឹងដាក់ពាក្យស្នើសុំចុះបញ្ជីដីធ្លីដែលធ្លាប់អាស្រ័យផលជាង40ឆ្នាំមកហើយ ដោយគ្រួសារខ្លះបានលក់បន្តមានការទទួលស្គាល់ពីអាជ្ញាធរភូមិ កំពង់ពោធិ៍ត្បូងនិងមេឃុំក្រាំងយ៉ូវថែមទៀតផង។ ស្រាប់តែនៅថ្ងៃទី4កុម្ភះ2025 លោក នឿន ស៊ីណា មន្ត្រីរដ្ឋបាលសាលាខេត្តបានផ្ញើសារសម្លេងមកថា (កន្លងមកឃើញបងមានដាក់ឯកសារមករដ្ឋបាលខេត្តរឿងសុំចុះបញ្ជីដីធ្លី ក្នុងនោះមានបងនិងប្រជាពលរដ្ឋសរុប8គ្រួសារ ។ ខ្ញុំទាក់ទងទៅបងនេះ ដើម្បីឲ្យសាកសួរទៅប្រជាពលរដ្ឋគ្រោងឲ្យចូលរួមប្រជុំនៅថ្ងៃសុក្រម៉ោង2រសៀល តើមានជាប់រវាល់ទៅណាទេ កាលណាចេញលិខិតអញ្ជើញឲ្យមកប្រជុំខាងបងអត់បានចូលរួមគឹធ្វើឲ្យរាំងស្ទះនៅកិច្ចប្រជុំ។ពេលនោះយើងបានជូនដំណឹងទៅលោក នឿន ស៊ីណាថាប្រជាពលរដ្ឋ8គ្រួសារអាចមកប្រជុំបាន ព្រោះពួកខ្ញុំរង់ចាំឧិកាសនេះយូរមកហើយ។
ក្រោយមកនៅពេលផ្ញើសារទៅសួនាំ លោកនឿន ស៊ីណាបានផ្ញើសារសម្លេងនៅថ្ងៃទី11កុម្ភះថាករណីរបស់បងខ្ញុំបានផ្ញើទៅយូរហើយ(គឺផ្ញើតាមរយះដើម្បីសុំការសម្រេចពីឯកឧត្ដមអភិបាលខេត្ត)ដោយរង់ចាំរបាយការណ៍ពីស្រុកមកសិន នៅសប្ដាហ៍ក្រោយគឺអាចបើកប្រជុំបានហើយ។
គឺជាករណីដែលចម្លែក នៅពេលមិនទាន់មានការកោះអញ្ជើញប្រជាពលរដ្ឋ8គ្រួសារមកចូលរួមប្រជុំដោះស្រាយផង ស្រាប់តែមានមន្ត្រីក្នុងខេត្តបានផ្ញើលិខិតអញ្ជើញឲ្យដឹងថាអភិបាលនៃគណះអភិបាលខេត្តកណ្ដាលបានអញ្ជើញមន្ត្រី4រូបក្នុងកិច្ចប្រជុំស្ដីពីសំណើសុំអន្តរាគមន៍ពីឯកឧត្ដមអភិបាលខេត្តដើម្បីធ្វើប័ណ្ណកម្មសិទ្ធិដីស្រែចំការរបស់ខ្ញុំបាទ នាងខ្ញុំកសិករទាំង8គ្រួសារនៅចំណុចទួលពន់រៃក្នុងភូមិកំពង់ពោធិ៍ត្បូង ឃុំក្រាំងយ៉ូវស្រុកស្អាងឲ្យទទួលបានប័ណ្ណកម្មសិទ្ធិចុះបញ្ជីដីធ្លីស្របច្បាប់ដោយក្ដីអនុគ្រោះ។ ហើយអ្វីដែលធ្វើឲ្យប្រជាពលរដ្ឋទាំង8គ្រួសារមានការសោកស្ដាយនិងខកចិត្តខ្លាំនោះគឺកិច្ចប្រជុំដែលពុំអនុញ្ញាតឲ្យប្រជាពលរដ្ឋបានចូលរួមដើម្បីបានធ្វើការបកស្រាយពីប្រវត្តិដីជូនថ្នាក់ដឹកនាំខេត្តលោកបានជ្រាបនិងបានសម្ដែងភាពស្និទ្ធស្នាលជាមួយថ្នាក់ដឹកនាំខេត្ត ដើម្បីឲ្យថ្នាក់ដឹកនាំបានដឹងពីទុក្ខលំបាកនិងបានដឹពីប្រវត្តិដីដែលប្រជាពលរដ្ឋបាននិងកំពុងអាស្រ័យផលជាក់ស្ដែង។ ព្រោះសម្លេងប្រជាពលរដ្ឋគឺជាផ្នែកមួយជួយដល់សម្រេចចិត្តរបស់ថ្នាក់ដឹកនាំអាចវិនិច្ឆ័យប្រកបដោយគតិបណ្ឌិត្យស្របតាមគោលនយោបាយបញ្ចកោណរបស់រាជរដ្ឋាភិបាលអាណត្តិទី7ឲ្យទទួលបានជោគជ័យ៕
