ឃាត់ខ្លួន​ជនសង្ស័យ​០៥​នាក់ បញ្ជូនទៅ​តុលាការ ពាក់ព័ន្ធ​ករណី​ជនជាតិ​ឥណ្ឌូនេស៊ី​ម្នាក់ លោត​សម្លាប់ខ្លួន នៅ​កាស៊ីណូ​ក្រោន​រី​សត

( ដោយ​÷​គឹម សុង​)
​បន្ទាយមានជ័យ​: បន្ទាប់ពី​មាន​ករណី​មនុស្ស​លោត​សម្លាប់ខ្លួន​ពីលើ​អគារ កាស៉ីណូ​ក្រោន​រី​សត ក្នុង​ភូមិ​ក្បាលស្ពាន​១ សង្កាត់​អូរជ្រៅ ក្រុង​ប៉ោយប៉ែត នៅ​ថ្ងៃ​ទី​០២ ខែ​កុម្ភៈ ឆ្នាំ​២០២៥ លោក​ឧត្តមសេនីយ៍ទោ សិទ្ធិ ឡោះ ស្នងការ​នៃ​ស្នងការដ្ឋាន​នគរបាល​ខេត្ត​បន្ទាយមានជ័យ បាន​ចេញ​បទបញ្ជា​ដល់​កម្លាំង​នគរបាល​ជំនាញ ព្រហ្មទណ្ឌ​របស់​ស្នងការដ្ឋាន​នគរបាល​ខេត្ត​  សហការ​ជាមួយ​កម្លាំង​នាយកដ្ឋាន​នគរបាល​ព្រហ្មទណ្ឌ និង​កម្លាំង​នគរបាល​នាយកដ្ឋាន​ចារកម្ម ក្រោម​ការដឹកនាំ​សម្របសម្រួល​ផ្ទាល់​ដោយ​លោក លុយ ទី​ហូរ ព្រះរាជអាជ្ញារង នៃ​អយ្យការ​អម​សាលាដំបូង​ខេត្ត​បន្ទាយមានជ័យ បាន​ចុះ​ធ្វើការ​ស្រាវជ្រាវ​ជុំវិញ​ករណី​នេះ​។​

​ជា​លទ្ធផល​បាន​បង្ហាញថា មុន​កើតហេតុ​មាន​ជនរងគ្រោះ​ម្នាក់​មាន​ឈ្មោះ PID NHARTONO ភេទ​ប្រុស អាយុ​37​ឆ្នាំ ជនជាតិ​ឥណ្ទូនេស៉ី ជា​បុគ្គលិក​កាស៉ីណូ​ក្រោន​រី​សត បាន​មាន​ជម្លោះ​ទាស់ទែង​គ្នា​ជាមួយ​មិត្ត​រួម​ការងារ ក្នុង​កាស៉ីណូ ទើប​បង្ក​ឲ្យមាន​ហឹង្សា​កើតឡើង ហើយ​ជនរងគ្រោះ បាន​រត់​គេចខ្លួន​តាម​បង្អួច​ជាន់​ទី​៣​នៃ​អគា​រ​កាស៉ីណូ​ទើប​បណ្តាលឲ្យ​ធ្លាក់​ស្លាប់​បាត់បង់​ជីវិត​តែ​ម្តង​។​

​ភ្លាមៗ​នោះ​ដែរ​កម្លាំង​នគរបាល​យើង​បាន ឃាត់ខ្លួន​ជនសង្ស័យ​ជន​ជនជាតិ​ឥណ្ធូនេស៉ី​ចំនួន​៥​នាក់​យក​មក​សួរនាំ រួមមាន​: ១-​ឈ្មោះ TOMMY FEBRY MAHULETTE ភេទ​ប្រុស អាយុ​២៩​ឆ្នាំ ជនជាតិ​ឥណ្ឌូនេស៊ី (​ជន​ដៃ ដល់​), ២-​ឈ្មោះ​៖ HUDLANTO ភេទ​ប្រុស អាយុ​៣០​ឆ្នាំ ជនជាតិ​ឥណ្ឌូនេស៊ី​, ៣-​ឈ្មោះ​៖ GERY CAHYADI ភេទ​ប្រុស អាយុ ២៨​ឆ្នាំ ជនជាតិ​ឥណ្ឌូនេស៊ី​, ៤-​ឈ្មោះ NICO ANDREAS ភេទ​ប្រុស អាយុ​៣០​ឆ្នាំ ជនជាតិ​ឥណ្ឌូនេស៊ី​, ៥-​ឈ្មោះ WIRIANI ភេទ​ស្រី អាយុ​២៦​ឆ្នាំ ជនជាតិ​ឥណ្ឌូនេស៊ី​។​

​នៅ​ចំពោះមុខ​សមត្ថកិច្ច​សួរនាំ ជនសង្ស័យ​ទាំង ៥​នាក់ បាន​ឆ្លើយ​សារភាពថា ពួកគេ​ពិតជា​មាន​ជម្លោះ និង​បាន​ប្រើ​អំពើហិង្សា ជាមួយ​ជនរងគ្រោះ​ខាងលើ​ពិតប្រាកដ​មែន​។ នៅ​ថ្ងៃ​ទី​០៣ ខែ​កុម្ភៈ ឆ្នាំ​២០២៥ កម្លាំង​នគរបាល​ជំនាញ​ព្រហ្មទណ្ឌ បាន​កំពុង​សួរ​នាំ​បន្ត និង​កសាង​សំណុំរឿង​បញ្ជូនទៅ​តុលាការ​កាត់​ការ​តាម​នីតិវិធី​៕​

Filed in: ព័ត៌មានក្នុងប្រទេស
© 2025 La Presse Nationale. All rights reserved. XHTML / CSS Valid.