ដោយរ៉ាយ ភុន៖ ផ្អែកតាមឯកសារនិង វត្ថុតាងរបស់លោក វីរៈសេនីយ៍ត្រី រ៉ាយ កន មេបញ្ជាការរងវីរៈ 144ដែលជាជនរងគ្រោះ ដាក់ពាក្យបណ្ដឹងសុំ អន្ដរាគមន៍មកក្រសួងមហាផ្ទៃ ចោទប្រកាន់ឈ្មោះ ចាន់ វិចិត្រ អភិបាលរង ស្រុកវាលវែង ពីបទរំលោភយក បំផ្លិចបំផ្លាញទ្រព្យសម្បត្តិ ស្ថិតនៅចំណុចភ្លុកដំរី ភូមិសង្គមថ្មី ឃុំថ្មដាស្រុកវាលវែង ខេត្តពោធិសាត់ ។ ដោយបានពិនិត្យលើ ភស្ដុតាងនិងឯកសាររបស់ លោករ៉ាយ កន ក្រសួងមហាផ្ទៃ ចេញលិខិតស្នើឯកឧត្ដម អភិបាលនៃគណៈអភិបាល ខេត្តពោធិសាត់ ចាត់ចែងឲ្យមានការពិនិត្យ សិក្សាស្រាវជ្រាវ និងដោះស្រាយ ដោយផ្អែកលើគោលការណ៍ច្បាប់ និងលិខិតបទដ្ឋាន គតិយុត្តដែលមានចែងជាធរមាន ។
ដោយមានកិច្ចអន្តរាគមន៍ ពីក្រសួងមហាផ្ទៃ អោយអាជ្ញាធរខេត្ត សិក្សាស្រាវជ្រាវ ដោះស្រាយសោយផ្អែកលើ គោលការណ៍ច្បាប់ ត្រូវបានព្រះរាជអាជ្ញារង អមសាលាដំបូងខេត្តពោធិសាត់ អ្នកស្រីខាំ វណ្ណមុន្នីរត្ន័ ចេញដីកាកោះអញ្ជើញ ឈ្មោះចាន់ វិចិត្រ អភិបាលរងស្រុកវាលវែង ពីបទព្រហ្មទណ្ឌ ក្នុងសំណុំរឿងលេខ152 ចុះថ្ងៃទី19 ខែមីនា ឆ្នាំ2021 ឲ្យចូលខ្លួនមកបំភ្លឺ នៅថ្ងៃទី4 ខែវិច្ឆិកា ឆ្នាំ2021 វេលាម៉ោ8 និង30នាទីព្រឹក នៅបន្ទប់អយ្យការ អមសាលាដំបូងខេត្តពោធិសាត់ ។ ពិតណាស់ថាពាក្យ បណ្ដឹងរបស់លោករ៉ាយ កន ដែលភ្ជាប់ជាមួយភស្តុតាង បង្គាប់បញ្ជាពីលោក ចាន់ វិចិត្រ អភិបាលស្រុកវាលវែង ឲ្យឈូសឆាយផលដំណាំ រួមទាំងឯកសារកាន់កាប់ផងនោះ គឺជាបទព្រហ្មទណ្ឌ ដែលព្រះរាជអាជ្ញាបញ្ជាក់ ក្នុងដីកាកោះអញ្ជើញ ឈ្មោះចាន់ វិចិត្រ ឲ្យមកបំភ្លឺ ។
វាជាករណីដែលចម្លែក នៅពេលដែលលោករ៉ាយ កន រង់ចាំយុត្តិធម៌ពី តុលាការខេត្តពោធិសាត់ ក្នុងការបន្តនិតិវិធី ដំណើរការក្ដីក្រោយការ ចូលបំភ្លឺពីលោកចាន់ វិចិត្រ ស្រាប់តែលេចចេញ លិខិតជូនដំណឹង របស់លោកស្រីខាំ វណ្ណមុន្នីរត្ន័ ព្រះរាជអាជ្ញារងអមសាលាដំបូង ខេត្តពោធិសាត់ សម្រេចតម្កល់រឿងទុក ឥតចាត់ការឆ្កុយរបស់គាត់ទៅវិញ ។
យោងតាមឯកសារគំនូសបង្ហាញ ទីតាំងដីរបស់លោក រ៉ា់យ កន ដោយមានការទទួលស្គាល់ ចុះហត្ថលេខាពីលោកមេភូមិ ឯកភាពនិងចុះហត្ថលេខា ប្រថាប់ត្រាដោយមេឃុំថ្មដា រួមទាំងសកម្មភាពអនុវត្ត ទាំងបំពានរបស់លោកចាន់ វិចិត្រ អភិបាលរងស្រុកវាលវែង ប្រើគ្រឿងចក្រឈូសឆាយផលដំណាំ ដែលមានស្វាយចន្ទី250ដើម ស្វាយកែរមៀត50ដើម និងចែក100គុម្ពផងនោះ ដែលព្រះរាជអាជ្ញារង អមសាលាដំបូងខេត្តពោធិសាត់ ចោទពីបទព្រហ្មទណ្ឌ ធ្វើឲ្យលោករ៉ាយកន ដែលជាដើមបណ្ដឹងដាក់ការ សង្ស័យទៅលើសេចក្ដី សម្រេចរបស់ព្រះរាជអាជ្ញា ដែលតម្កល់រឿងឥតចាត់ការ បន្ទាប់ពីកោះហៅចុងចោទ ឲ្យចូលបំភ្លឺរួចមក ។ ឬថាមានអាថ៌កំបាំងអ្វីនៅពីក្រោយ ការចូលបំភ្លឺរបស់លោកចាន់ វិចិត្រ ទេដឹង? ទើបតម្រូវឲ្យលោកព្រះរាជអាជ្ញារង ជូនដំណឹងទាំងពុំបាន បញ្ជាក់ពីហេតុផលសូម្បីបន្តិច ទើបធ្វើឲ្យលោករ៉ាយ កន សម្រេចចិត្តបន្តប្ដឹង ទៅឧទ្ទរណ៍បន្តទៀត ។ ព្រោះបើផ្អែកតាមការស្រាវជ្រាវ របស់លោករ៉ាយ កន ដែលត្រូវលោកចាន់ វិចិត្រ អះអាងថាជាដីក្រុមហ៊ុន MDSថ្មដា គឺលោកបានយកប្លង់ បង្ហាញទីតាំងដីទៅ ពិនិត្យនៅមន្ទីរៀបចំ ដែនដីខេត្តពោធិសាត់រួចហើយ ដោយក្រុមមន្ត្រីជំនាញអះអាងថា ទីតាំងដីលោកមិនជាប់ពាក់ពន្ធ័ នឹងដីក្រុមហ៊ុនMDSថ្មដាឡើយ តាមការផ្ទៀងផ្ទាត់ជាក់ស្ដែង ក្នុងប្លង់ ។
បើពិនិត្យទៅលើសកម្មភាព កន្លងមករបស់អភិបាលរង ស្រុកវាលវែង វ័យក្មេងរូបនេះតែងតែ អនុវត្តដុតផ្ទះបំផ្លាញផលដំណាំ ប្រជាពលរដ្ឋនៅស្រុកវាលវែង កន្លងមកមិនគួរមានឈ្មោះ ជាថ្នាក់ដឹកនាំបន្តវេន ដែលព្រៀបទៅនឹងទំពាំង ស្នងឬស្សីនោះទេ! ព្រោះបើជាទំពាំងស្នងជើងជ្រូក នោះទើបសមជាង ។ ព្រោះការពិតបានបង្ហាញ ច្បាស់ហើយថា មន្រ្តីជំនាញបញ្ជាក់ពីដី លោករ៉ាយ កន មិនពាក់ពន្ធ័នឹងដីក្រុមហ៊ុន គឺមានតែលោកចាន់ វិចិត្រ ប្រើអំណាចយកដីលោករ៉ាយ កន លក់ឲ្យក្រុមហ៊ុនទេទើប ដើមបណ្ដឹងសម្រេចចិត្ត បន្តប្ដឹងទៅឧទ្ទណ៍បន្តទៀត ។ ផ្អែកតាមអនុសាសន៍ចុងក្រោយ របស់សម្ដេចតេជោនាយករដ្ឋមន្រ្តី មន្ត្រីណាដែលប្រើអំណាចយក ដីគេឬដីរដ្ឋបម្រើឲ្យ ផលប្រយោជន៍ផ្ទាល់ខ្លួន ទោះមានឋានៈធំប៉ុណ្ណាក៏ដោយ គឺត្រូវបណ្ដេញចេញ ពីបក្សរួមទាំងត្រូវ ទទួលទោសទណ្ឌថែមទៀតផង ។
រូបភាព និងវីដេអូ នៅខាក្រោមនេះ៖
សូមទស្សនាវីដេអូខាងក្រោមនេះ៖
