រ៉ឺម៉កម៉ូតូពីរគ្រឿង បានដឹកឈើអារ ចេញពីភូមិចម្លាក់ ឃុំកញ្ជរ ស្រុកឆ្លូង ខេត្តក្រចេះ នៅរសៀល ម៉ោង១ ថ្ងៃទី២៧ ខែវិច្ឆិកា ឆ្នាំ២០២០នេះ ឆ្ពោះឆ្លងទៅ ខេត្តត្បូងឃ្មុំ ដោយពុំឃើញ មានសមត្ថកិច្ច បង្ក្រាបឡើយ ។ ដូចឃើញក្នុង រូបភាពខាងក្រោម នេះស្រាប់ ក្នុងមួយរ៉ឺម៉កម៉ូតូ គឺអាចផ្ទុកឈើ បាន២ម៉ែត្រគូប ។
ប្រភពពី ប្រជាបលរដ្ឋ បានបញ្ជាក់ថា មេឈ្មួញឈើ មានឈ្មោះហាច ទីលំនៅ ភូមិហាន់ជ័យក្រោម តែងដឹកឈើ ឆ្លងកាត់ភូមិចម្លាក់ ដែលពួកគាត់ រស់នៅទាំងយប់ ទាំងថ្ងៃ រាប់ខែរាប់ឆ្នាំ មកហើយ ។ ប្រជាពលរដ្ឋ នៅភូមិចម្លាក់ បានសម្ដែង នូវការងឿងឆ្ងល់ថា នៅពេលពួកគាត់ ចូលទៅកាប់ឈើ បន្តិចបន្តួច ដើម្បីធ្វើ លំនៅដ្ឋាន គឺសមត្ថកិច្ច តែងចុះបង្ក្រាប រីឯមេឈ្មួញ ដុះស្លែឈ្មោះហាច នេះវិញ មិនដឹងថា គាត់មានខ្សែរ កថាឬកន្សែងយ័ន ខ្លាំងពូកែ ឬយ៉ាណាទើបដឹកឈើ រាប់ឆ្នាំមកហើយ ពុំដែលឃើញ សមត្ថកិច្ចណា ហ៊ានចុះបង្ក្រាប ដោយសូម្បី តែដឹកទាំងកណ្ដាលថ្ងៃ នាពេលនេះ ក៏ដោយ ។
សង្ឃឹមថា លោកអភិបាល ស្រុកឆ្លូង ដែលមាន សមត្ថកិច្ច កងរាជអាវុធហត្ថ ស្រុកជាសេនាធិការ រួមទាំងអធិការដ្ឋាន នគរបាលស្រុក ផងគួរតែ ត្រូវវះកាត់ ដើម្បីបញ្ចប់ បទល្មើសព្រៃឈើ ដែលមាន មេឈ្មួញដុះស្លែ ឈ្មោះហាច ដើម្បីជៀសវាង ការយល់ច្រឡំពី ប្រជាពលរដ្ឋទាន! ៕
