ដោយ ៖ ជាតិ
មានមូលដ្ឋានជាច្រើនដែលបានផ្តល់បទពិសោធន៍ឱ្យការប្រ-កាស លទ្ធផលនៃការរាប់សន្លឹកឆ្នោតអាចជម្រុញឱ្យគណបក្ស ប្រឆាំងទទួលយកបាន បើទោះបីមានការតវ៉ាក្រោយការបោះ ឆ្នោតក្តី ដោយ គជប បានបង្ហាញពីលទ្ធផលនៅតាមការិយា ល័យបោះឆ្នោតនីមួយៗ រហូតមានការបូកសរុបសម្លេងឆ្នោត នៅតាមការិយាល័យឃុំ-សង្កាត់ រហូតដល់ខេត្ត និងបន្តដល់ ទូទាំង ប្រទេសតែម្តង ។ ប៉ុន្តែភាពមិនច្បាស់លាស់ដែលស្តែងឱ្យ ឃើញពីលទ្ធផលតាមរយៈ គជប ក្នុងអាណត្តិទី ៥ នេះ គឺមាន តែលទ្ធ ផលនៅតាមបណ្តាខេត្ត-រាជធានីប៉ុណ្ណោះ ដែលប្រកាស ឱ្យគណបក្សនយោបាយទទួលយក និងប្រជារាស្ត្រម្ចាស់ឆ្នោតបានដឹង ទាំងបង្ខំ និងបង្កើតការសង្ស័យថា ជាលទ្ធ ផលខ្វះតម្លាភាព ។
មានរឿងច្រើនទៀតដែល គជប បានបដិសេធន៍លើទំនុកចិត្តពីបក្សនយោបាយប្រឆាំង និងប្រជាពលរដ្ឋគាំទ្រដោយ លោក ទេព នីថា អគ្គលេខាធិការគណៈកម្មាធិការរៀបចំការបោះឆ្នោតផ្ទាល់តែម្តង គឺលទ្ធផល ១១០៤ ដែល អ្នកសង្កេតការណ៍គណបក្សទទួលបានមិនអាចយកមកធ្វើការផ្ទៀងផ្ទាត់ លើចំនួនសន្លឹកឆ្នោតនៅតាមការិយាល័យ បោះឆ្នោតបាន ដោយ បញ្ជាក់ទាំងពុំបានបង្ហាញពីហេតុផលថា លទ្ធផល ១១០៤ គឺមានតម្លៃតែនៅក្នុងថ្ងៃទី ២៨ កក្កដា ឆ្នាំ២០១៣ ប៉ុណ្ណោះ ។
បើលទ្ធផល ១១០៤ មិនត្រូវបានអនុញ្ញាតឱ្យយកមកផ្ទៀងផ្ទាត់ទៅហើយនោះ សួរថា ការដាក់អ្នកសង្កេតការណ៍ គណបក្សនៅតាមការិយាល័យដើម្បីត្រួតពិនិត្យលើលទ្ធផលពិតចេញពីការរាប់សន្លឹកឆ្នោតវាមានន័យស្អី ព្រោះវត្ថុ តាងដែល អ្នកសង្កេតការណ៍គ្រប់គណបក្សនយោបាយទទួលបាន គឺមានតែលទ្ធផលចំនួនសន្លឹកឆ្នោត ដែលកំណត់ ចែកឱ្យទទួលស្គាល់តែ នៅក្នុង ១១០៤ តែប៉ុណ្ណោះ ។
ផ្អែកលើភាពមិនប្រក្រតីដូចបានរៀបរាប់ពីចំណុចដែល គជប មិនបានយកមូលដ្ឋានដែលធ្លាប់ប្រកាសលទ្ធផល ចេញពីការិយាល័យបោះឆ្នោតនីមួយៗ ដើម្បីផ្សព្វផ្សាយតាមទូរទស្សន៍ជាតិ និងថតចម្លងជាឯកសារទុកសម្រាប់ ចែកចាយដល់គណ បក្សនយោបាយដែលបានចូលរួមប្រកួតដូចអាណត្តិទី ៣ និងអាណត្តិទី ៤ ទើបមានការចោទ ប្រកាន់លើភាពមិនប្រក្រតី ហើយបក្សសង្គ្រោះជាតិប្រកាសថា បក្សខ្លួនជាអ្នកឈ្នះបាន ៦៣កៅអី រីឯគណបក្សប្រ ជាជនកម្ពុជាប្រកាសថា ឈ្នះបាន ៦៨ កៅអី ហើយចំណុចដែលគណបក្សទាំងពីរប្រកាសពីលទ្ធផលឈ្នះរៀងខ្លួន អត់មានបក្សណាចាញ់ គឺបានផ្តើមចេញពីការប្រកាស លទ្ធផលដែល គជប លុបចោលមូលដ្កន្ឋាដើម ទើបឈាន ដល់ព្រះមហាក្សត្រមិនបានសម្រេចកោះប្រជុំសភាជាប់ឆ្នោតជាលើក ដំបូងដូចការអះអាងរបស់អ្នកនាំពាក្យគណ បក្សប្រជាជន ដោយយកបញ្ហាដោះស្រាយរវាងគណបក្សទាំងពីរមកធ្វើជាប្រធាន បទក្នុងជំនួបកោះប្រជុំ នៅក្នុង ព្រះបរមរាជវាំងដែលប្រព្រឹត្តទៅនៅថ្ងៃទី ១៤ ខែកញ្ញា ឆ្នាំ២០១៣ ស្អែកនេះតែម្តង ៕
