ដោយ ៖ ជាតិ
មានការប្រកាសលទ្ធផលបណ្តោះអាសន្ន នៅលើកញ្ចក់ទូរស័ព្ ទជាតិ នាថ្ងៃទី ២៩ កក្កដា ឆ្នាំ ២០១៣ ហាក់បានបង្ហាញពីភាព មិនច្បាស់លាស់ទាល់តែសោះ ចំពោះលទ្ធផលបណ្តោះអាសន្ន ដែលចេញ ដោយគ.ជ.ប. ហើយត្រូវសារព័ត៌មានក្នុងស្រុកយក មកផ្សព្វផ្សាយនាពេលនេះ ។ ចំណែកអង្គការក្រៅ រដ្ឋាភិបាល ក៏បានបង្ហាញ តួលេខខុសគ្នាចំនួនមួយកៅអី ដោយចាត់ទុក លទ្ធផលនៅខេត្តក្រចេះ គឺ គណបក្សសង្គ្រោះជាតិ ទទួលបាន ២ កៅអី ទើបចេញលទ្ធផល ៥៦ កៅអី ។
ភាពមិនច្បាស់លាស់ចំពោះលទ្ធផលបណ្តោះអាសន្នចេញដោយ គ.ជ.ប. ត្រូវបានលោក សម រង្ស៊ី ប្រធានគណបក្ស សង្គ្រោះជាតិ បញ្ជាក់ប្រាប់វិទ្យុអាស៊ីសេរីថា បើទោះបីជាការលុបឈ្មោះ និងមានឈ្មោះ ខ្មោច រួចទាំងភាពមិនប្រក្រតី ជាច្រើនទៀត ក៏គណបក្សសង្គ្រោះជាតិនៅតែមានសម្លេង ៦៤ កៅអីយ៉ាង តិច ។ លទ្ធផល ៦៤ កៅអីដែលលើសពី ៥០ ភាគរយបូកមួយត្រូវបានលោក សម រង្ស៊ី បញ្ជាក់ឱ្យដឹងថា កំពុងស្ថិតនៅក្នុងដៃលោករួចជាស្រេចហើយ មិនដូចលទ្ធ ផលបណ្តោះអាសន្នដែលមានតែ ៥៥ ទៅ ៥៦ កៅអីនោះឡើយ ។
តាមការបញ្ជាក់ដោយបង្កប់នូវភាពអាថ៌កំបាំងផងនោះ គឺលទ្ធផលដែលកំពុងស្ថិតនៅក្នុងដៃ លោក សម រង្ស៊ី គឺបាន មកពីសកម្មជនអ្នកសង្កេតការណ៍តាមមណ្ឌលបោះឆ្នោតរបស់គណបក្សសង្គ្រោះជាតិតែម្តង ដើម្បីលាតត្រដាងបង្ហាញ ឱ្យឃើញពីលទ្ធផលថា គណបក្សសង្គ្រោះជាតិ ពិតជាឈ្នះឆ្នោត ប្រាកដមែន ។
ចំណែកលោក កឹម សុខា អនុប្រធានគណបក្សសង្គ្រោះជាតិ ក៏បានបញ្ជាក់ពីលទ្ធផលឈ្នះដោយធ្វើការឆ្លើយតបថា យើងមិនមែនរង់ចាំឱ្យគេមកបង្រួបបង្រួមទេ គឺយើងសុំឱ្យគេមកបង្រួបបង្រួមជាមួយយើង ដើម្បីបង្កើតរដ្ឋាភិបាល ព្រោះយើងជាអ្នកឈ្នះ ។
ដូច្នេះ ការតវ៉ាបង្ហាញពីភាពមិនប្រក្រតីគ្រាន់តែងជ្រុងមួយក្នុងការទាមទារឱ្យអ្នកដែលបាត់បង់ ឱកាសបោះឆ្នោតអស់ ចិត្តតែប៉ុណ្ណោះ ។ ហើយការពិត យ៉ាងណានោះ គឺវាអាស្រ័យទៅលើភស្តុតាង ដែលលោក សម រង្ស៊ី លើកយកមក បង្ហាញ ដើម្បីទាមទារតាមផ្លូវច្បាប់តែប៉ុណ្ណោះ ៕
