ភ្នំពេញ ៖ គ្រោះថ្នាក់ចរាចរបង្កឡើងដោយរថយន្ត រ៉ង់រ៉ូវែ ពណ៌ខេ្មៅ ពាក់ស្លាកលេខ 2AA 6777 បើកបរដោយឈ្មោះ ប៊ុន រតនៈមានតួនាទីជាមន្ត្រីគណនេយ្យសាលារាជធានីភ្នំពេញ បណ្តាលឱ្យអ្នកជិះម៉ូតូ ៣ នាក់ស្លាប់ និង ៣ នាក់ទៀតរងរបួស កាលពីថ្ងៃទី ២០ ខែកក្កដា វេលាម៉ោង៥ និង ២០ នាទីល្ងាច នៅតាមបណ្តោយផ្លូវជាតិលេខ ១ ត្រង់ចំណុចមុខវត្តចំប៉ា ត្រូវលោក សេង ចន្ទថន ប្រធានផ្នែកវាស់វែងគ្រោះថ្នាក់ចរាចរណ៍អះអាងក្រោយពេលពិនិត្យថា គឺជាកំហុសរថយន្តដែលបើកចូលចំណែកផ្លូវម៉ូតូ ។បើផ្អែកតាមចម្លើយរបស់លោក ប៊ុន សេរី ជាឪពុក ដែលចេញមុខទៅធានាកូនប្រុសឱ្យនៅក្រៅឃុំ មិនបានសម្រេចនៅស្នងនគរបាលរាជធានីភ្នំពេញ ក៏បានបញ្ជាក់ឱ្យដឹងផងដែរថា គ្រោះថ្នាក់គឺបណ្តាលមកពីកូន ប្រុសគាត់បើកឡានគេចពីម៉ូតូមួយគ្រឿងនៅពេលយប់ មានភ្លៀងធ្លាក់មេឃងងឹត ទើបមិនមិនឃើញ ។
ផ្អែកតាមចម្លើយសមត្ថកិច្ច គឺ ប៊ុន រតនៈ ជិះរំលោភលើចំណែកផ្លូវម៉ូតូរួចស្រេចទេហើយ ម៉្យាងវិញទៀត បើផ្អែកលើការ អះអាងរបស់លោក ប៊ុន សេរី ជាឪពុកថា មេឃកំពុងភ្លៀង ហើយមានស្ថានភាពងងឹងខ្លាំងផងនោះ គឺល្បឿនរថយន្តមិន អាចបើកលឿនបានទេ ទោះបីមានការប៉ះទង្គិចក៏អាចរក្សាស្ថានភាពទប់ល្បឿនរថយន្តបានយ៉ាងងាយ ហើយគ្រោះថ្នាក់ក៏មិនអាចកើតមានតិចតួចបំផុត ។ ប៉ុន្តែរថយន្តលោក ប៊ុន រតនៈ បានបង្កទៅបុកម៉ូតូជាច្រើនគ្រឿង បង្កឱ្យមានអ្នកស្លាប់រហូតដល់ ៣ នាក់ និងរបួស ធ្ងន់ស្រាល ៣ នាក់ផងដែរនោះ គឺពិតជាចេតនាមានការប៉ះទង្គិច ហើយដោយមិនទទួលខុសត្រូវ មានបំណងរត់គេច ទើបបង្កឱ្យមានគ្រោះថ្នាក់ រហូតដល់មានអ្នកស្លាប់ និងរបួសដល់ទៅ ៦ នាក់យ៉ាងដូច្នេះ ។
ផ្អែកតាមច្បាប់ចរាចរណ៍ ដែលរដ្ឋសភាបានអនុម័ត មិនគួរលើកលែងទោសដល់ជនបង្កណាមួយដែលមានចេតនា ដូចករណី ប៊ុន រតនៈ ជាភស្តុតាងស្រាប់ ។ ទោះបីត្រកូល ប៊ុន រតនៈ ជាគ្រួសារមានប្រាក់ស្តុកស្តម្ភក៏មិនគួរបង្កើតឱ្យ មាននិរទណ្ឌភាពតាមរយៈការប្រើប្រាស់លុយនោះដែរ ព្រោះវាជាគំរូអាក្រក់ដល់កូនចៅអ្នកមានប្រាក់អាងអំណាចដ៏ទៃទៀត យកគំរូតាម ៕
