មេឃុំ​តាំង​ស្យា ចុះហត្ថលេខា​បំពាន​ច្បាប់​ទើប​ស្មៀន​មិន​ព្រម​ប្រថាប់ត្រា​

លោក មាស ជី​ម មេឃុំ​តាំង​ស្យា ស្រុក​ភ្នំស្រួច ខេត្ត​កំពង់ស្ពឺ ដែល​មាន​ទំនាស់​ជាមួយ​ស្មៀន លើ​ករណី ដែល​មេឃុំ​ចុះហត្ថលេខា​ហើយ ប៉ុន្តែ​ស្មៀន​មិន​ព្រម​ចុះបញ្ជី និង​ប្រថាប់ត្រា​ឱ្យ​តាម​អំណាច បង្គាប់បញ្ជា​របស់​លោក​មេឃុំ ។ ទំនាស់​មេឃុំ និង​ស្មៀន ត្រូវបាន​លោក​មេឃុំ​បញ្ជាក់​ឱ្យដឹង​តាម ទូ​រ ស័ព្ទ​ថា នៅ​ថ្ងៃ​ទី​០៧ ខែវិច្ឆិកា ឆ្នាំ​២០១៩ និង​មាន​រៀបចំ​ពិធី​ផ្ទេរ​តំណែង​ស្មៀនឃុំ​ថ្មី​ជំនួស​ស្មៀន​ចាស់ ។​

​បើ​ផ្អែក​តាម​ការអះអាង​ពី​លោក ខុម ដែល​ជា​ស្មៀនឃុំ​តាំង​ស្យា លើ​ករណី​ដែល​លោក​ពុំ​ព្រម ប្រថាប់ត្រា​លើ​ឯកសារ ដែល​លោក មាស ជី​ម ចុះហត្ថលេខា​រួម​មាន ពាក្យ​ស្នើសុំ​ចូល​ជា​សមាជិក សហគមន៍​ព្រៃឈើ​តាំង​ស្យា​ចំនួន ៩៣​ច្បាប់ ដែល​មេភូមិ​-​មេឃុំ ចុះហត្ថលេខា​តាំងពី​ឆ្នាំ​២០០៨​រួច ទុកចោល រហូតដល់​ឆ្នាំ​២០១៩ ទើប​សម្រេច​ឱ្យ​ស្មៀន​ប្រថាប់ត្រា ។

​លោក​បាន​ចោទសួរ​ថា តើ​ត្រូវ​ចុះបញ្ជី​បង់​លេខ​តាម​ឆ្នាំ​របៀប​ណា ព្រោះ​រាល់​បញ្ជី​រដ្ឋបាល តម្រូវឱ្យ​មាន​ការបិទ​បញ្ចប់​ជា​រៀងរាល់ឆ្នាំ ។​

​ចំណែក​លិខិតធានា​អះអាង​របស់​ឈ្មោះ ស្រី ខន និង​ប្រពន្ធ​ឈ្មោះ ហង់ ឃីម ដែល​មាន​ដីស្រែ​បណ្តោយ ៥៩,៦​ម៉ែត្រ ទទឹង ១២​ម៉ែត្រ និង​កិច្ចសន្យាលក់​-​ទិញ​ដី​នេះ​ទៅឱ្យ​ឈ្មោះ ស៊ីន ហាក់ និង​ឈ្មោះ ស៊ុំ ធី រួម​ទាំង​លិខិត​បញ្ជាក់​អចលនទ្រព្យ​(​យើងៈ មាស ជី​ម មេឃុំ​តាំង​ស្យា​) ស្រុក​ភ្នំស្រួច ខេត្ត​កំពង់ស្ពឺ​ថែមទៀត​ផង ។

​លោក​ស្មៀន​បាន​បញ្ជាក់​ត្រង់ៗ​ថា ហត្ថលេខា​លើ​លិខិត ទាំង​បី​ច្បាប់ របស់​លោក​មេឃុំ​តាំង​ស្យា ដែល​លោក​មិន​ព្រម​ប្រថាប់ត្រា​ឱ្យ ព្រោះ​ជា​ដី​ចំណី​ផ្លូវ​ដែល គិត​ពី​អាក់​ផ្លូវ ២៥​ម៉ែត្រ​ឯណោះ ។ នៅពេល​រដ្ឋ​តម្រូវ​ពង្រីក​ផ្លូវ បើ​ខ្ញុំ​ប្រថាប់ត្រា​ឱ្យ គឺជា​កំហុស​របស់ ខ្ញុំ​ជា​ស្មៀន ទើប​លោក​មិន​ព្រម​ប្រថាប់ត្រា និង​ចុះបញ្ជី​ឱ្យ ។​

​ចំពោះ​លិខិត​អះអាង​របស់​ឈ្មោះ វើ​ប វឿន មាន​ទីលំនៅ​ភូមិ​ត្នោត​ព្រែក ឃុំ​តាំង​ស្យា មាន​ដី​កសិកម្ម​មួយកន្លែង​នៅ​ភូមិ​ក្រាំង​ធំ ឃុំ​តាំង​សំរោង ស្រុក​ភ្នំស្រួច ខេត្ត​កំពង់ស្ពឺ និង​ពាក្យុស្នើសុំ ផ្ទេរសិទ្ធិ​កាន់កាប់​អចលនទ្រព្យ​ដែល​មិនទាន់​ចុះបញ្ជី ២​ច្បាប់ រួម​ទាំង​លិខិត​បញ្ជាក់​អចលនទ្រព្យ (​យើងៈ​មាស ជី​ម មេឃុំ​តាំង​ស្យា​) ស្រុក​ភ្នំស្រួច ខេត្ត​កំពង់ស្ពឺ​ថែមទៀត​ផង ។
​ទោះបី​មាន​ហត្ថលេខា​របស់​លោក​មេឃុំ​តាំង​ស្យា​ក៏ពិតមែន ប៉ុន្តែ​ដី​កសិកម្ម​របស់​ឈ្មោះ វើ​ប វឿន មិន​ស្ថិត​នៅក្នុង​តាំង​ស្យា​ទេ ទើប​ខ្ញុំ​មិន​ព្រម​ប្រថាប់ត្រា​ឱ្យ ។ ផ្អែក​តាម​ផ្លូវច្បាប់ គឺ​ឈ្មោះ វើ​ប វឿន យក​លិខិតធានា​អះអាង និង​លិខិត​ផ្ទេរសិទ្ធិ​កាន់កាប់​ទៅឱ្យ​មេភូមិ​ក្រាំង​ធំ និង​មេឃុំ​តាំង​សំរោង ចុះហត្ថលេខា​ទទួល​ស្គាល់ ទើប​ជា​រឿង​ត្រឹមត្រូវ​មិនមែន​យក​មក​ឱ្យ​មេ​ភូមិ​ត្នោត​ព្រែក និង​មេឃុំ តាំង​ស្យា ចុះហត្ថលេខា​ទាំង​បំពាន​បែប​ហ្នឹង​ទេ ទើប​លោក​មិន​ព្រម​ប្រថាប់ត្រា​ចុះបញ្ជី​តាម​បញ្ជា លោក​មេឃុំ​តាំង​ស្យា​បាន ។

​ឯកសារ​ដែល​បង្ក​ឱ្យមាន​ទំនាស់​រដ្ឋបាល​រវាង​មេឃុំ​តាំង​ស្យា និង​ស្មៀន​ឃុំ ត្រូវបាន​សារព័ត៌មាន​ជាតិ យក​ទៅ​ជួប​ស្នើ​សុំ​យោបល់​ពី​លោក​អភិបាលស្រុក​ភ្នំស្រួច នា​ព្រឹក​ថ្ងៃទី ០៥ ខែវិច្ឆិកា ឆ្នាំ​២០១៩ ដោយ​លោក​ពិនិត្យ​ហើយ​បានបញ្ជាក់​ច្បាស់ៗ​ថា ស្មៀន​ឃុំ​តាំង​ស្យា ដែល​មិន​ព្រម​ប្រថាប់ត្រា​តាម​អំ​ណាំ​ច​ហត្ថលេខា​របស់​លោក មាស ជី​ម មេឃុំ​តាំង​ស្យា គឺជា​រឿង​ត្រឹមត្រូវ ។ ព្រោះ​បើ​ផ្អែក​លើ​ឯកសារ គឺ​មេឃុំ​មិន​អាច​បង្ខំ​ឱ្យ​ស្មៀន​ប្រថាប់ត្រា​លើ​ដី​ចំណី ផ្លូវ​របស់​រដ្ឋ​នោះ​ទេ ចំណែក​ដី​ដែល​នៅ​ក្រៅ​ឃុំ​ក៏​មេឃុំ​គ្មាន​សិទ្ធិ​ចុះហត្ថលេខា​នោះ​ដែរ រួម​ទាំង​លិខិត​ស្នាម​លើ​ពាក្យ​ស្នើសុំ​តាំងពី​១១​ឆ្នាំមុន ដោយ​តម្រូវឱ្យ​ស្មៀន​ប្រថាប់ត្រា​ជា​រឿង​មិន​យល់​អ្វី​ទាំងអស់​លើ​ការគ្រប់គ្រង​រដ្ឋបាល​ឃុំ ។​

​ពាក់ព័ន្ធ​ទៅនឹង​ករណី​ដក​ស្មៀន​ឃុំ​តាំង​ស្យា លោក​អភិបាលស្រុក​វ័យក្មេង និង​ស្រស់ សង្ហា​បានបញ្ជាក់​ឱ្យដឹងថា វា​មិន​ពាក់ព័ន្ធ​ទៅនឹង​ទំនាស់​រដ្ឋបាល​ដែល​ស្មៀន​មិន​ព្រម​ប្រថាប់ត្រា តាម​អំណាច​ហត្ថលេខា​របស់​លោក មាស ជី​ម មេឃុំ​តាំង​ស្យា​នោះឡើយ ។ លោក​អភិបាលស្រុក បាន​រៀបរាប់​ពី​ប្រវត្តិ​មេឃុំ​តាំង​ស្យា គឺជា​ពូ និង​ក្មួយ​ជាមួយ​ស្មៀន​ឃុំ ហើយ​ស្មៀនឃុំ​ក៏​ជាប់សាច់ ញាតិ​ជាមួយ​ប្រពន្ធ​មេឃុំ​ថែម​ទៀត ។
​នៅពេល​មេឃុំ​គាត់​ទៅ​យក​ប្រពន្ធ​គេ​រួច​រៀបចំ​សែន​លើផ្ទះ ខាង​ស្រី​ទាំងប្តី​គេ​នៅ​ក្រោមផ្ទះ​បាន​ធ្វើឱ្យ​ស្មៀនឃុំ​ចេះតែ​យក​រឿងអាស្រូវ​របស់​មេ​ឃុំ​ទៅ​បង្ហោះ ដែល​អ្នកស្រុក​យល់ថា ធ្វើឱ្យប៉ះពាល់​ដល់​មុខមាត់​បក្ស និង​ប្រជាប្រិយភាព​មេឃុំ ទើប​មាន​ការប្រជុំ សម្រេច​ដក​ស្មៀន​ឃុំ​ឱ្យ​ទៅ​កន្លែង​ផ្សេង ។ ប៉ុន្តែ​ករណី​មេឃុំ​ក៏​ត្រូវបាន​ប្តី​ប្រពន្ធក្រោយ​ដាក់ពាក្យ​ប្តឹង ហើយ​ដែរ ហើយ​លោក​ក៏​បាន​ធ្វើ​របាយការណ៍​ទៅ​ខេត្ត​រួចរាល់​អស់ហើយ​ដែរ ។

​លោក​អភិបាល​បានបញ្ជាក់​ថា រឿង​ស្មៀន គឺ​ស្ថិត​នៅក្រោម​ការគ្រប់គ្រង​របស់​ស្រុក ចំណែក​អំណាច​មេឃុំ គឺ​ស្ថិតនៅលើ​បក្ស​ជា​អ្នក​ដក ឬ​ក៏​រក្សា​ទុក ទើប​លោក​មិន​អាច​សម្រេច​អ្វី​បាន​សោះឡើយ ។​

​តាម​ការអះអាង​តាម​ទូរស័ព្ទ​ពី​ស្មៀន​ឃុំ​តាំង​ស្យា​បាន​រិះគន់​ចំៗ​ថា មនុស្ស​ខុស​ហេតុអ្វី​មិន​ដក ចេញ​ទោះ​គាត់​មិន​បង្ហោះ​ក៏​រឿងអាស្រូវ​របស់​លោក​មេ​ឃុំ​តាំង​ស្យា ប្រជាពលរដ្ឋ​ក្នុងភូមិ​គេ​ដឹង​អស់ ទៅហើយ ។

​លោក​បាន​បញ្ជាក់​ឱ្យដឹងទៀតថា មិនមែន​តែ​ម្នាក់​នេះ​ទេ ដែល​មេឃុំ​មាន​អំណាច​ទៅ យក​ប្រពន្ធ​គេ គឺ​នៅ​មាន​ប្រពន្ធ​គេ​ដែល​មាន​ទាំង​កូន​មាន​ទាំង​ចៅ ២ ទៅ ៣​នាក់​ទៀត នៅក្នុង​ភូមិ​ដែល​មេឃុំ​រូបនេះ​បាន​ប្រព្រឹត្ត ។​

​ផ្អែក​តាម​ឯកសារ និង​សកម្មភាព​របស់​លោក មាស ជី​ម មេឃុំ​តាំង​ស្យា ដូច​បាន​រៀបរាប់ ខាងលើ គឺមាន​តែ​ការសម្រេចចិត្ត​ក្នុង​ការ​កែទម្រង់​ក្នុង​ដែន​អំណាច​លោក​អភិបាលខេត្ត​កំពង់ស្ពឺ​ទេ ទើប​អាច​ស្វែងរក​យុត្តិធម៌​ជូន​គូប្រកួត​លើ​សង្វៀន​អំណាច​ឃុំ​តាំង​ស្យា​បាន ។
​ព្រោះ​បើ​សម្លឹងមើល ទៅលើ​ប្រជាប្រិយភាព​តាម​សកម្មភាព​អវិជ្ជមាន​បែប​ហ្នឹង មិន​ប្រាកដ​ថា ប្រជាប្រិយភាព​ដែល​លោក អភិបាលស្រុក​ចង់បាន​ពិតជា​នឹង​បាត់បង់​នៅពេល​ខាងមុខ​ជាក់​ជាមិនខាន ។ ព្រោះ​សម័យកាល​បច្ចេក វិទ្យា​ជឿនលឿន​បែបនេះ ទៅ​ហើយ​គ្មាន​អាថ៌កំបាំង​អ្វី​ដែល​អាច​លាក់​ទុក​បាន​ជា​រៀង​រហូត​នោះ ឡើយ ៕

 

 

Filed in: ព័ត៌មានក្នុងប្រទេស, ព័ត៌មានសំខាន់ៗ
© 2020 La Presse Nationale. All rights reserved. XHTML / CSS Valid.