ដោយ ៖ ជាតិជាយដែន
ក្រុងប៉ោយប៉ែត ៖ គ្រឿងអល័ង្កាជាងប្រាំបីតំលឹង សរុបទឹកប្រាក់ ជាងដប់ម៉ឺនបាត ម្ចាស់កំពុងលក់ទឹកក្រូចឲ្យស្រ្តីវយ័ចំណាស់មិនស្គាល់អត្តសញ្ញាណ ត្រូវបក្សពូករបស់ស្រីរូបនោះចូលលួចយកទៅបាត់យ៉ាងរលូន ។ ហេតុការណ៍នេះកើតឡើងនៅវេលាម៉ោង ១២.០០នាទីថ្ងៃទី១៧ ខែកក្កដា ឆ្នាំ២០១៣ នៅផ្សាររ៉ាថ្មី ភូមិប៉ោយប៉ែត សង្កាត់ក្រុងប៉ោយប៉ែត ខេត្តបន្ទាយមានជ័យ ។
បើតាមការអះអាងពីស្រី្តរងគ្រោះជាអាជីវករលក់មាសប្ដូប្រាក់ និងគ្រឿងទេស ឈ្មោះហួយជ្រុយ អាយុ ៤៩ ឆ្នាំ ស្នាក់នៅភូមិកើតហេតុ ប្រាប់ថា មុនហេតុការណ៍ កើតឡើង មានស្រ្តីវ័យចំណាស់ម្នាក់ដែលរូបគាត់មិនបានស្គាល់អត្តសញ្ញាណ មានពាក់មួកឃ្លុប និងម៉ាសមុខ ចូលទិញទឹកក្រូចចំនួនដប់កំប៉ុង តែពេលនោះ រូបគាត់បានចេញពីតូប ទៅវិចខ្ចប់ ស្របពេលវិចខ្ចប់ ក៏មានបក្ខពួករបស់ស្រ្តីរូបនោះ ជាមនុស្សប្រុស បានចូលយកអស់មាសសុទ្ធចំនួនជាងបីតំលឹងផ្លាកទីន ចំនួនប្រាំតំលឹង សរុបជាទឹកប្រាក់ អស់ចំនួនជាងដប់ម៉ឺនបាតប្រាក់ថៃ ហើយរបស់របរដែលបាត់នោះ គាត់មិនបានដាក់លក់ទេ គឺគាត់លាក់ទុកនៅនឹងកំណាត់ជួតជើង លុះពេលចូលមកតូបលក់វិញឃើញ កំណាត់ដែលលាក់ទុកខុសពីធម្មតា ក៏មានការសង្ស័យ រូបគាត់បានរកមើលក៏បាត់ពេលនោះ ជនសង្ស័យ និងបក្ខពួកក៏ជិះម៉ូតូទៅបាត់ ។
ក្រោយហេតុការណ៍ គេសង្កេតឃើញកំលាំងកងរាជអាវុធហត្ថក្រុងប៉ោយប៉ែតចុះធ្វើកំណត់ហេតុ ដើម្បីស្រាវជ្រាវរកមុខសញ្ញា។
(បញ្ជាក់) នៅក្រុងប៉ោយប៉ែតល្បែងស៊ីសងគ្រប់ប្រភេទ ហាក់បីដូចជាកើតមានយ៉ាងអនាធិបតេយ្យសុទ្ធសឹងជាសមត្ថកិច្ចជិះរថយន្តទំនើប ដែលកំពុងតែអនុវត្តខុសគោលការណ៍ភូមិឃុំមានសុវត្តិភាព ហើយការលេងល្បែងរបស់មន្ត្រី ឬសមត្ថកិច្ចអស់ទាំងនោះនៅជិតសាសង្កាត់ផ្សារកណ្ដាល មកត្បូងប្រមាណជា ១៥០ ម៉ែត ។ ប្រជាពលរដ្ជបានលើកឡើងថា បើសមត្ថកិច្ចជាអ្នកញៀនល្បែង តើឲ្យធ្វើជាគំរូគេដូចម្តេចកើត ទើបចោរកម្មកើតឡើងដោយសារចាញ់ល្បែង ហើយក៏ហ៊់ានធ្វើនៅអ្វីៗគ្រប់យ៉ាង ៕
