គយប៉ុស្តិ៍ កូនដំរី យកលុយ មិនចេញ វិក័យប័ត្រ

បន្ទាយមានជ័យ៖ កាលពីព្រឹកថ្ងៃទី០២ ខែកញ្ញា ឆ្នាំ២០១៨នេះមាន អាជីវករលក់ខោអាវ កីឡា១នាក់ ឈ្មោះ ប៊ុន ឆៃ បានទំនាញ រឿងដ៏ហួសចិត្តមួយ ឲ្យអង្គភាព សារព័ត៌មានដឹងថា លោកត្រូវបានគយ ចល័តជិតផ្លូវ៥០ ស្ថិតក្នុងភូមិកូនដំរី គាបសង្កត់យកប្រាក់អស់     ១០០០០០០(មួយលានរៀល) តែគយដក​១០០០០០ (ដប់ម៉ឺនរៀល) ឲ្យមកវិញគេយកតែ៩០០០០០(កៅសិបម៉ឺនរៀល)ប៉ុណ្ណោះ ដោយគយ​ម្នាក់នោះ​ត្រូវបានគេដឹងថាមានឈ្មោះ សាំង ណន ដែលមានតួនាទីជាប្រធាន គយចល័តក្នុង​ ភូមិកូនដំរី។ លោក ប៊ុន ឆៃ បានបន្តថា បន្ទាប់ពីលោកបានបង់ប្រាក់ រួចរាល់ គឺខាងគយចល័ត កូនដំរី​មិនបានចេញ ​វិក័យប័ត្រទទួល រឺបង់ប្រាក់អោយ​ ទៅគាត់នោះទេ ដោយគ្រាន់តែអោយបងប្រុស របស់គាត់ដែល រួមដំណើរជាមួយគ្នា មានឈ្មោះ យោ លីដា ផ្តិតមេដៃទទួល ស្គាល់លើ(កំណត់ហេតុឃាត់ និងថែរក្សាទំនិញ ជាបណ្តោះអាសន្ន) តែប៉ុណ្ណោះ ដោយមិនមាន ការបញ្ជាក់ចំនួនប្រាក់ ដែលបានផាក ៩០០០០០ (កៅសិបម៉ឺនរៀល) ក្នុងកំណត់ហេតុ នោះទេ។ អាជីវករខាងលើបន្តថា ដំបូងឡើយកាលពី រសៀលថ្ងៃទី៣១ ខែសីហា ឆ្នាំ២០១៨ លោកហើយនិងបងប្រុស​ បានបើករថយន្ត១គ្រឿង ម៉ាកហ៊ីយ៉ុដាយ(HyundaiSrarex) ស្លាកលេខ បន្ទាយមានជ័យ 2A-6641ដឹកខោអាវ ប្រភេទឈុតកីឡា បន្តិចបន្តូចចេញពី ក្រុងប៉ោយប៉ែតដើម្បីយក ទៅលក់រាយ តាមបណ្តាភូមិ ស្រុក ខេត្តនានា បន្ទាប់ពីបានទៅទិញ ឈុតកីឡាបោះដុំពីហាង (អ៊ាង-ដាណែត បោះដុំនិងរាយ) ស្ថិតនៅមុខវត្តម៉ុងចិន ក្នុងភូមិ គីឡូត៍ម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត កាលពីព្រឹក ថ្ងៃទី៣១ ខែសីហា ឆ្នាំ២០១៨) តែពេលជិះទៅដល់​ ចំនុចមុខផ្សារកណ្តាល ក្នុងប៉ោយប៉ែត ស្រាប់តែ បានជួបគយចល័ត ដែលជាកូនចៅ របស់លោក សាំង ណន បានដាក់ប៉ុស្តិ៍ ត្រួតពិនិត្យ ហើយកាក់ឡាន ឲ្យឈប់ដោយសួរថា ឡានដឹកអី? ពេលនោះគាត់ប្រាប់ថា ដឹកខោអាវកីឡា បន្ទាប់ពីមន្ត្រីគយដឹងថា ដឹកខោអាវកីឡាស្រាប់តែ បាននាំគ្នាយករថយន្ត របស់គាត់ទៅស្នាក់ការគយ ចល័តជិតផ្លូវ៥០ក្នុង ភូមិកូនដំរី ដើម្បីជួបជាមួយលោក សាំង ណន ។ ប្រភពខាងលើបន្តថា ក្រោយពីបាន ជួបជាមួយ មេគយចល័តរួច មេគយរូបនោះ បានតម្រូវឲ្យបង់ប្រាក់ ១០០០០០០ (១លានរៀល) តែមិនដឹងថាការផាកនេះ គឺផាកទៅអ្វីនោះទេ ព្រោះគយមិនបានចេញ វិក័យប័ត្រ បង់រឺទទួលប្រាក់អោយ នោះទេ ទោះបីជា ជនរងគ្រោះ ខាងលើបាន ប្រាប់ថា ខ្លួនបានទិញ ខោអាវឈុតកីឡា ទាំងនោះ ពីហាង អ៊ាង ដាណែត ដែលស្ថិតនៅក្នុង ក្រុងប៉ោយប៉ែត ហើយម្ចាស់ហាងមួយនេះ បានអះអាងថា ទំនិញទាំងនោះគឺ បានបង់ពន្ធចូលរដ្ឋ ត្រឹមត្រូវអស់ហើយ ។ ជាចុងក្រោយជនរងគ្រោះខាងលើបាន រៀបរាប់ទាំង អួល​ដើមកថា លោកពិតជាមិនពេញទៅលើ ទង្វើរបស់គយចល័ត កូនដំរីនោះទេ ដែលនាំគ្នាគាបធ្វើស៊ី គាត់ដែលគាត់ មិនបានខុសអ្វីសោះ ហើយគាត់ក៏មិនស្តាយលុយ រឺក៏ចង់បានលុយដែល គយគាបស៊ីមកវិញនោះដែរ តែបើផាកពិន័យ ដើម្បីប្រមូលលុយចូលរដ្ឋ ហេតុអ្វីមិន ចេញវិក័យប័ត្រអោយ ហើយលុយ កៅសិបម៉ឺនរៀល នោះយកទៅណា? គាត់បន្តថា ខាងគយបានតម្រូវ អោយចូលបង់ប្រាក់ ១២០០០០ (ដប់ពីរម៉ឺនរៀល ក្នុងការដឹក១ជើង ហើយបើមិន ចូលបង់ទេ និងត្រូវចាប់រថយន្តទៀត ជាមិនខាន ។ ពាក់ព័ន្ធនឹងបញ្ហា​ ដូចខាងលើ ​អង្គភាព ​សារព័ត៌មានជាតិ មិនអាចស្វែងរក ការបំភ្លឺពីលោក សាំង ណន ប្រធានគយចល័ត កូនដំរីបាននោះទេ ព្រោះគ្មានលេខទូរស័ព្ទ អង្គភាពសារព័ត៌ជាតិ រងចាំការបំភ្លឺ រៀងរាល់ម៉ោងធ្វើការ ៕

Filed in: ព័ត៌មានសំខាន់ៗ, ព័ត៌មានសង្គម
© 2019 La Presse Nationale. All rights reserved. XHTML / CSS Valid.