ក្រុងប៉ោយប៉ែត៖ ជារៀងរាល់ថ្ងៃ គេសង្កេត ឃើញថា នៅក្នុងផ្ទះ សំណាក់ នាគទិព២ ក្រោយពេល អង្គភាព សារព័ត៌មាន គេហទំព័រ ជាច្រើន បានធ្វើការ ចុះផ្សាយ ពាក់ព័ន្ធ ទៅនិងល្បែង បៀ អាប៉ោង ហ្គេមបាញ់ត្រី របស់លោក ខ្លី នៅក្នុង ផ្ទះសំណាក់ នាគទិព្វ២ ដោយសាតែ មានមន្ត្រី កងរាជ អាវុធហត្ថ ម្នាក់ (សុំលាក់ ឈ្មោះទុកសិន) ដែលជាអ្នក ដាក់ហ៊ុន និងជា អ្នកកាងនៅ ពីក្រោយនៃ ការបើកល្បែង ស៊ីសង ទាំងអស់នេះ ទើបគ្មាន សមត្ថកិច្ច ណាម្នាក់ ហ៊ានបង្ក្រាប នោះឡើយ ។ ល្បែងបៀ អាប៉ោង ហ្គេមបាញ់ ត្រីនេះ ស្ថិតនៅក្នុង ផ្ទះសំណាក់ នាគទិព្វ២ ចូលតាម ផ្លូវស្តងតាងួន ចម្ងាយពី ផ្លូវជាតិលេខ៥ ប្រហែល ១១០០ម៉ែត (មួយពាន់ មួយរយម៉ែត្រ) ស្ថិតនៅក្នុង ភូមិគីឡូម៉ែត លេខ៤ សង្កាត់ ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ តាមប្រភព ព័ត៌មានបន្តថា មានអ្នកញៀន ល្បែងច្រើនណាស់ ដែលបាន ចូលទៅ លេងល្បែង ជាច្រើននាក់ នៅក្នុងទីតាំង នាគទិព្វ២ ក្នុងមួយថ្ងៃៗ មានអ្នកខ្លះ ចាញ់អស់ រាប់លាន ។ ប្រភពបន្តថា មានអ្នកខ្លះ ជិះឡាន ជិះម៉ូតូផ្ទាល់ខ្លួន ចូលទៅលេង ហើយពេល ត្រលប់ ទៅផ្ទះវិញ ជិះម៉ូតូឌុប ក៏មានដែរ ព្រោះតែអ្នក ទាំងអស់នោះ បានចាញ់អស់ ត្រូវបង្ខំចិត្ត បញ្ចាំម៉ូតូ បញ្ចាំឡាន ដើម្បីស្រង់ ដើមវិញ តែចៃដន្យអី យីអ៊ុន អត់ឡើង សល់តែដៃ ទទេបោសគូទខោ ត្រលប់ ទៅវិញ ។ ពាក់ព័ន្ធ ទៅនិង ល្បែង ស៊ីសងនេះ គឺកំពុងតែ ធ្វើឲ្យមានផល ប៉ះពាល់ដល់ គោលនយោបាយ ដើម្បីភូមិឃុំ មានសុវត្តិភាព ទាំង៩ចំណុច និងកាត់បន្ថយ ភាពក្រីក្រ របស់ រាជរដ្ឋាភិបាល យ៉ាងធ្ងន់ធ្ងរ ជាពិសេស នៅចំណុច ទី៥ ត្រូវបានគេ សង្កេត ឃើញថា សមត្ថកិច្ច ហាក់បី ដូចជាមិន គោរព និងអនុវត្តតាម ច្បាប់នោះទេ ហើយក៏ត្រូវបាន គេសង្កេត ឃើញទៀតថា កត្តាដែល បង្កឲ្យមាន ករណីហឹង្សា ក្នុងគ្រួសារ ព្រមទាំង អំពើ ចោរលួច ចោរឆក់ និងចោរប្លន់ នេះគឺវា កើតមកពី ល្បែងស៊ីសង ទាំងអស់ នេះឯង ។ គេតែងតែ សង្កេត ឃើញថា ល្បែងរបស់ លោក ខ្លី ហើយនិង បក្សពួក របស់លោកខ្លី គឺបើកលេង យ៉ាងរលូន និងមាន សំលេង ស្រែកហ៊ោកញ្ជៀវ យ៉ាងសប្បាយ ក្អាកក្អាយ អត់មានខ្លាច នឹងស្ថាប័នច្បាប់ សូម្បីចុង ក្រចកដៃ ព្រោះថា សមត្ថកិច្ច ក្នុងមូលដ្ឋាន ត្រូវបាន ប្រភពព័ត៌មាន មួយបាន បង្ហើបឲ្យ ដឹងថាលោក ខ្លី ហើយនិង ដៃគូភាគហ៊ុន បានយក សំណែន ទៅសែន សមត្ថកិច្ច ក្នុងក្រុង ប៉ោយប៉ែត ត្រូវរ៉ូវគ្នា អស់ហើយ ។ ប្រភពបន្តថា មន្ត្រីអាវុធហត្ថ (សុំលាក់ ឈ្មោះសិន) ដូចខាងលើ តែងតែ ដើរតួនាទី ជាអ្នកកៀងគរ ក្រុមអ្នកញៀន ល្បែងឲ្យចូល ទៅលេងក្នុង វង់របស់ខ្លួន ហើយបើ អ្នកផ្សេងដែល មិនមែនជា បក្សពួក របស់ខ្លួន ហ៊ានលួចបើក លេងកន្លែងផ្សេង គេតែងតែ ចូលទៅ យកលុយ ដាក់ខែ ជានិច្ច ហើយមេការ ល្បែងនៅ ទីតាំងណាមួយ មិនព្រមបង់ លុយឲ្យនោះ គឺចាប់តែម្ដង ៕
