ដោយ ៖ អ្នកប្រមាញ់
កាលពីថ្ងៃទី២១ ខែមករា ឆ្នាំ២០១៨ នៅចំណុចភូមិ ត្រពាំងជោ ស្រុកឱរ៉ាល់ ខេត្ត កំពង់ស្ពឺ កម្លាំងកងរាជអាវុធ ហត្ថលើផ្ទៃប្រទេស សហការ ជាមួយកម្លាំងកងរាជអាវុធ ហត្ថស្រុកឱរ៉ាល់បានឃាត់រថយន្តដឹកឈើមួយគ្រឿង នៅ ចំណុចឃុំត្រពោំជា ស្រុកឱរ៉ាល់ ខេត្តកំពង់ស្ពឺ ។
ប្រតិបត្តិការនេះត្រូវបានគេ អះអាងថា មានការផ្តល់ព័ត៌មានពីប្រជាពលរដ្ឋដែលបាត់ បង់ជំនឿទុកចិត្តលើមន្ត្រីជំនាញ មេព្រៃ ដែលរាយបណ្តាក់គ្នា ចាប់ពីមូលដ្ឋានស្រុកឱរ៉ាល់ រហូតដល់ស្រុកច្បារមន ប៉ុន្តែ ឃើញចាប់តែគោយន្តដឹកអុស យកលុយ ទៅវិញ ។
មិនថាថ្ងៃឬយប់ទេប្រភេទ ឡានកែច្នៃដែលដឹកឈើប្រណិត ពេញៗដូចរូបភាពឡានខាង លើ គឺពុំដែលឃើញមន្ត្រីជំនាញ ណាម្នាក់យកភ្នែកមើលឡើយ ដោយមានការចោទសួរគ្នារវាង ប្រជាពលរដ្ឋលើករណីឃុបឃិត គ្នាជាមុនទើបមានការដឹកជញ្ជូន តាមក្រោយ ។ ព្រោះបើដឹក ដោយបើកចំហរបែបហ្នឹង ហើយ នៅតែមេព្រៃមើលមិន ឃើញទៀតទើប ប្រជាពលរដ្ឋ លោករាយការណ៍ទៅសមត្ថកិច្ច កងរាជអាវុធហត្ថវិញទើប អាចឃាត់រថយន្តដឹកឈើនេះ បាន ។
ជាក់ស្តែងរោងម៉ាស៊ីនអារ ឈើនៅជាប់នឹងរបងវត្តចំបក់ របស់តាលាង ក្នុងខេត្តកំពង់ស្ពឺ គឺមានឈើប្រណីត សម្រាប់កែ ច្នៃជារៀងរាល់ថ្ងៃ គឺពិតជា អាចពាក់ព័ន្ធទៅនឹងបទល្មើស ព្រៃឈើ ព្រោះបើផ្អែកទៅលើ ការអះអាងរបស់មេឈ្មួញឈើ ឈ្មោះតាលាង បានបញ្ជាក់ថា រោងម៉ាស៊ីនអារឈើគាត់ គឺ ទិញឈើពីតាមផ្ទះប្រជាពលរដ្ឋ ដូចជា ដើមអំពិលបារាំងយក មកកែច្នៃតែប៉ុណ្ណោះ អាចជា ករណីក្លែងបន្លំទាំងស្រុង ។
បានជាអាចចាត់ទុកថា ជា ករណីក្លែងបន្លំ ព្រោះក្នុងរោង ម៉ាស៊ីនតាលាង មានទាំងឈើ ធ្នង់និងសុក្រំ តើអាចចាត់ទុក ការនាំឈើចូលមានប្រភពមក ពីតាមផ្ទះប្រជាពលរដ្ឋបាន ដោយរបៀបណា ? ។
ករណីរោងម៉ាស៊ីនអារឈើ មេឈ្មួញ តាលាង គឺជាតឹកតាង មួយបង្ហាញថា ការដឹកឈើ ចេញពីខេត្តពោធិ៍សាត់ឆ្លងចូល មកស្រុកឱរ៉ាល់រហូតនាំចូលមក កាន់ខេត្តកំពង់ស្ពឺបាន ដោយ គ្មានការបង្ក្រាបគឺជាអំពើឃុប ឃិតស្វែងរកផលប្រយោជន៍ពី ឈ្មួញឈើ និងមន្ត្រីជំនាញតែ ប៉ុណ្ណោះ៕
