ដោយ ៖ សឿន ចិន
មានការបញ្ជាក់ឱ្យដឹងថា ក្រុមហ៊ុន លឹម រ៉ូយ៉ាល់ បាន ប្រមូលផ្តុំទៅដោយសមាសភាព មេឈ្មួញឈើចម្រុះជាច្រើន នាក់ធ្វើសកម្មភាពកាប់បំផ្លាញ ព្រៃឈើក្នុងដែនអភិរក្សភ្នំព្រិច រហូតឆ្លងចូលដែនអភិរក្សលំផាត់ ក្នុងទឹកដីស្រុកកោះញែកដើម្បី ដឹកជញ្ជូនឆ្លងកាត់ស្រុកចិត្របុរី ខេត្តក្រចេះរួចយកទៅលក់នៅ ស្រុកយួន ។ ចំណែកទិសដៅ មួយទៀត គឺដឹកចេញទៅខេត្ត រតនគិរីដើម្បីនាំចេញទៅស្រុក យួនតាមច្រកអូរយ៉ាដាវដោយ សុវត្ថិភាព ។
មានការកត់សម្គាល់ថា កម្លាំងសមត្ថកិច្ចពិសេសមន្ត្រី កងរាជអាវុធហត្ថខេត្តរតនគិរី មិនដែលបានបង្ក្រាបបទល្មើស ព្រៃឈើដែលមានទ្រង់ទ្រាយធំ របស់ក្រុមហ៊ុន លឹម រ៉ូយ៉ាល់ នោះឡើយលើកលែងតែឈ្មួញ ឈើដែលមិនពាក់ព័ន្ធជាមួយ នឹងក្រុមហ៊ុន លឹម រ៉ូយ៉ាល់ ទើប លេចចេញព័ត៌មានបង្ក្រាប ក្រោមចំណាត់ការរបស់លោក គឹម រស្មី មេបញ្ជាការកងរាជ អាវុធហត្ថខេត្ត ដោយផ្ទាល់តែ ម្តង ។ ដោយសារបទល្មើសព្រៃ ឈើទ្រង់ទ្រាយធំរបស់ក្រុមហ៊ុន លឹម រ៉ូយ៉ាល់ គ្មានការបង្ក្រាប ពីកម្លាំងកងរាជអាវុធហត្ថនេះ ហើយទើបមានការសង្ស័យថា លោក គឹម រស្មី ដែលឡើងតំណែងលឿន ពីព្រោះមានខ្នង បង្អែកជាអ្នកធំគឺអាចមានភាគ ហ៊ុននៅក្នុងក្រុមហ៊ុន លឹម រ៉ូយ៉ាល់ នេះផងដែរ ។
ដូចឃើញក្នុងរូបភាពនេះ ស្រាប់រថយន្តខ្នាតយក្សដឹកឈើ ទាំងកណ្តាលថ្ងៃបានដោយ រលូន បើសមត្ថកិច្ចលោកមើល អត់ឃើញទើបជាអភូតហេតុដ៏ មហាចម្លែក ។ ប្រសិនបើបទ ល្មើសព្រៃឈើដែលផ្តើមចេញ ពីឧក្រិដ្ឋជនព្រៃឈើអាចទទួល បានកិច្ចស្វាគមន៍ចូលរួមចំណែក ពីសមត្ថកិច្ចមានអំណាចទៅ ហើយនោះលទ្ធផលនៃការគ្រប់ គ្រងធនធានធម្មជាតិពិតជា បរាជ័យ ។ បានជាហ៊ានថា បរាជ័យព្រោះតែកម្លាំងសមត្ថ កិច្ចដែលជាអ្នកបង្ក្រាបបាន ចាប់ដៃយ៉ាងណែនជាមួយ ឧក្រិដ្ឋកម្មព្រៃឈើដើម្បីស្វែងរក ផលប្រយោជន៍ទើបបំរាមមាន តែនៅក្នុងក្រដាសដែលខុសពី ការអនុវត្តជាក់ស្តែងទាំងស្រុង ។
មិនខុសអ្វព្វីប្រីសាសន៍របស់ សម្តេចនាយករដ្ឋមន្ត្រីដែលបាន ព្រមានទៅអាជ្ញាធរខេត្ត និង ស្ថាប័នជំនាញថា បើគ្មានបទ បញ្ជាពីលោកគឺមន្ត្រីអស់ទាំង នោះមិនអនុវត្តទៅវិញ ។ បើ មន្ត្រីរង់ចាំអនុវត្តតាមបទបញ្ជា ដោយច្បាប់មានមិននាំគ្នាអនុវត្ត គឺពិតជាគ្រោះថ្នាក់ខ្លាំង ណាស់៕
