ដោយ ៖ វណ្ណា
នៅក្នុងឡានតាក់ស៊ី ដែល ចេញដំណើរពីក្រុងប៉ោយប៉ែត មកកាន់ទីរួមខេត្តបន្ទាយមានជ័យ ប្រជាពលរដ្ឋ ៣នាក់ ដែលសុំ មិនបញ្ចោញឈ្មោះបានត្អូញត្អែរ ប្រាប់អ្នកយកព័ត៌មានថា ចាប់ តាំងពីមានការកែទម្រង់ឱ្យមក ធ្វើប័ណ្ណឆ្លងដែននៅសាលាខេត្ត បន្ទាយមានជ័យ គឺពួកគាត់មិន ត្រឹមតែចំណាយអស់ប្រាក់ច្រើន ប៉ុណ្ណោះទេ រួមទាំងចំណាយ ពេលវេលាយូរថែមទៀតផង ។
ពួកគាត់សំណូមពរតាមរយៈ សារព័ត៌មាន សូមឱ្យ សម្តេច ក្រឡាហោម ស ខេង ឧបនា-យករដ្ឋមន្ត្រីនិងជារដ្ឋមន្ត្រីក្រសួង មហាផ្ទៃ មេត្តាលុបចោល សេចក្តីសម្រេចឱ្យប្រជាពលរដ្ឋ មកធ្វើប័ណ្ណឆ្លងដែននៅសាលា ខេត្ត ព្រោះវាប៉ះពាល់ធ្ងន់ធ្ងរ ណាស់ដល់ការចំណាយរបស់ ប្រជាពលរដ្ឋ ។
ប្រជាពលរដ្ឋបានសម្តែងនូវ ការមិនពេញចិត្តថា កន្លងមក ពួកគាត់ធ្វើប័ណ្ណឆ្លងដែននៅ ទីស្នាក់ការច្រកទ្វារអន្តរជាតិ ប៉ោយប៉ែតចេញដោយមន្ត្រី អន្តោប្រវេសន៍គឺមានរយៈពេល តែមួយថ្ងៃ ឬពីរថ្ងៃយ៉ាងយូរ ។
នៅពេលដែលមានការកែ ទម្រង់ឱ្យមកធ្វើ នៅខេត្តវិញ គឺ ពួកគាត់ត្រូវជិះឡានតាក់ស៊ីទៅ មកចំណាយអស់ម្តង ២ម៉ឺន រៀល បូកទាំងការហូបចុកនិង ជិះម៉ូតូអស់ ២ម៉ឺនរៀលទៀតគឺ ចំណាយអស់ ៤០០០០រៀល ក្នុងការធ្វើដំណើរមកម្តងៗ ។
ចំណែករយៈពេលធ្វើប័ណ្ណ ឆ្លងដែន(បដឺផាត)វិញ គឺមាន រយៈពេលពី ១០ថ្ងៃ រហូតដល់ ២០ថ្ងៃ ទើបបានតម្រូវឱ្យពួក គាត់ត្រូវធ្វើដំណើរចុះឡើងពី ៣ ទៅ ៤ជើង តើត្រូវចំណាយ អស់ប្រាក់ប៉ុន្មាន ? ។
ប្រជាពលរដ្ឋបានសម្តែងនូវ ការងឿងឆ្ងល់ថាបើមានការកែ ទម្រង់ក្នុងការផ្លាស់ប្តូរទីតាំង ធ្វើលិខិតឆ្លងដែនពីស្រូលទៅ ពិបាកបែបហ្នឹងតើចាំបាច់អីត្រូវ ធ្វើការកែទម្រង់នោះទេ ទោះ បីថា ការធ្វើប័ណ្ណឆ្លងដែននៅ ច្រកទ្វារអន្តរជាតិវាមាន លក្ខណៈមិនល្អឥតខ្ចោះក្តី ប៉ុន្តែ បើការកែទម្រង់ហាក់រុញឱ្យ ប្រជាពលរដ្ឋចំណាយកាន់តែ ច្រើនរួមទាំងពេលវេលាកាន់តែ វែងបែបហ្នឹង គួរណាស់តែ ក្រសួងមហាផ្ទៃលោក មេត្តា ពិចារណាឡើងវិញ ដើម្បីឱ្យ ស្របទៅតាមគោលនយោបាយ កាត់បន្ថយភាពក្រីក្រជូនប្រជា ពលរដ្ឋរបស់រាជរដ្ឋាភិបាល ដែលដឹកនាំដោយគណបក្ស ប្រជាជនកម្ពុជា ។
ជាក់ស្តែងការកែទម្រង់ឱ្យ ប្រជាពលរដ្ឋមកធ្វើប័ណ្ណឆ្លងដែន នៅសាលាខេត្តដូចបានគណនា ក្នុងការចំណាយខាងលើ គឺជា បន្ទុកបន្ថែមធ្ងន់ធ្ងរណាស់ដែល អាចឱ្យប្រជាពលរដ្ឋត្រូវចំណាយ ពី ៥ ទៅ១០ដង លើតម្លៃដែល ធ្វើនៅច្រកទ្វារអន្តរជាតិដោយ ផ្ទាល់៕
