ដោយ ៖ អ្នកប្រមាញ់
គូស្វាមីដែលបានរៀបការ តាមប្រពៃណីរវាងលោក ប៉ិច សារឿន និងអ្នកនាង ហៀង រ៉ី នៅភូមិរវៀង ឃុំសំរោង ស្រុក ភ្នំក្រវ៉ាញ ខេត្តពោធិ៍សាត់តាំង ពីឆ្នាំ២០១៤ បង្កើតបាននូវ ចំណងដៃកូនស្រីម្នាក់ឈ្មោះ ព្រឿង ពីយ៉ា ដែលបច្ចុប្បន្ន មាន អាយុ ៣ឆ្នាំទៅហើយ ។
ផ្អែកតាមការអះអាងរបស់ ឪពុកម្តាយខាងប្រុស គឺកូន ប្រសារឈ្មោះ ហៀង រ៉ី បាន ចុះចោលប្តី និងកូនស្រី ២ឆ្នាំ មកហើយ ទើបតែនៅថ្ងៃទី២៨ ខែវិច្ឆិកា ឆ្នាំ២០១៧ ស្រាប់តែ នាងមកប្តឹងទាមទារយកកូន ស្រីទៅគ្រប់គ្រង វិញ ។
យោងតាមអំណាចសាល ក្រមរបស់សាលាដំបូងខេត្ត ពោធិ៍សាត់ ត្រង់ចំណុចទី ២ ដែលតម្រូវឱ្យកូនស្រីឈ្មោះ ព្រឿង ពីយ៉ា ដែលប្រពន្ធចុះ ចោលតាំងពីអាយុ ទើបបាន ១ឆ្នាំ ដែលឥឡូវកូនមានអាយុ ៣ឆ្នាំទៅហើយ ដោយលើក ហេតុផលថា ប្តីពុំមានលទ្ធភាព ចិញ្ចឹម គឺជារឿងអយុត្តិធម៌ សម្រាប់លោក ប៉ិច សារឿន ដែលបានចិញ្ចីមកូនអស់រយៈពេល ២ ឆ្នាំទៅហើយ ដោយ គ្មានការឧបត្ថម្ភអ្វីទាំងអស់ពី ប្រពន្ធដែលចុះចោលផ្ទះ ។
ចំណែកចំណុចទី ៤ ដែល ប្រពន្ធចុះចោលនាំយកទាំង លុយ៦លានរៀល និងលុយលក់ ម៉ូតូផង គឺជាទ្រព្យសម្បត្តិរួម ដែលតុលាការច្រានចោលក៏ជា រឿងអយុត្តិធម៌សម្រាប់លោក ប៉ិច សារឿន ទើបសម្រេចដាក់ ពាក្យប្តឹងទាស់មកកាន់សាលា ឧទ្ធរណ៍បន្តទៀត ។
លោក ប៉ិច សារឿន បាន លើកឡើងថាការបញ្ជាក់ក្នុង សំអាងហេតុរបស់តុលាការ សាលាដំបូងខេត្តពោធិ៍សាត់ បានចោទរូបលោកថាមួយថ្ងៃៗ គិតតែពីរឿងជក់ថ្នាំញៀនមិន ធ្វើការចិញ្ចឹមគ្រួសារ ដើរលេង តែល្បែងស៊ីសង និងលួចទ្រព្យ សម្បត្តិយកទៅលក់ គឺជារឿង ប្រឌិតទាំងស្រុង ។ ព្រោះបើ លោកមិនធ្វើការបានប្រាក់មកពី ណាមកចិញ្ចឹមកូនរួមទាំងផ្គត់ ផ្គង់ឱ្យឪពុកម្តាយបានរស់នៅ សមរម្យដូចគេដូចឯងបានស្រប ពេលដែលប្រពន្ធចុះចោលអស់ រយៈពេល ២ឆ្នាំ និងយកលុយ ៦លានរៀលរួមទាំងលុយលក់ ម៉ូតូទៅជាមួយផងនោះ ។
ដោយមើលឃើញសាល ក្រមរបស់សាលាដំបូងខេត្ត ពោធិ៍សាត់សម្រេចដោយពុំបាន ផ្អែកលើភស្តុតាងជាក់ស្តែងក្នុង ការចិញ្ចឹមបីបាច់ថែរក្សាកូន ចាប់តាំងពីមានអាយុ ១ឆ្នាំ រហូតដល់អាយុ ៣ឆ្នាំនេះហើយ ទើបលោក ប៉ិច សារឿន សម្រេចដាក់ពាក្យប្តឹងមកឧទ្ធរ ណ៍បន្តទៀត ។ ព្រោះថា បើ លោកគ្មានលទ្ធភាពហេតុអ្វី អាចចិញ្ចឹមកូននិងឪពុកម្តាយ ឱ្យរស់នៅសមរម្យរហូតដល់ សព្វថ្ងៃនេះបាន ដោយរំពឹងថា សាលាឧទ្ធរណ៍នឹ៎ងផ្តល់យុត្តិធម៌ ជូនរូបលោកឱ្យទទួលបានសិទ្ធិ ជាអ្នកមានអំណាចមេបាលើ កូនស្រីឈ្មោះ ព្រឿង ពីយ៉ា បន្ត រហូតដល់មានអាយុ ១៨ឆ្នាំ៕
