ដោយ ៖ កែវ សុខ
ការអភិវឌ្ឍន៍ផ្សារពីលក់ តាមតូបសង់ភ្ជាប់នឹងដីឱ្យក្លាយ ទៅផ្សារទំនើបដែលមានកម្ពស់ ពី ៤ ទៅ ៥ជាន់ គឺដើម្បីជំរុញ ចង្វាក់ពាណិជ្ជកម្មឱ្យដើរទាន់ បណ្តាប្រទេសជឿនលឿននៅ លើពិភពលោក ។
ជាក់ស្តែងផ្សារអូឫស្សីដែល អភិវឌ្ឍន៍ច្រើនជំនាន់រហូតមាន កន្លែងចតម៉ូតូឡាននៅលើផ្សារ ផងនោះ បែរជាទទួលរងនូវ ការបាត់បង់សណ្តាប់ធ្នាប់និង ចរាចរណ៍កាន់តែធ្ងន់ធ្ងរទៅ វិញ ។
ផ្អែកតាមសកម្មភាពមន្ត្រី សណ្តាប់ធ្នាប់ ដែលចុះរៀបចំ សណ្តាប់ធ្នាប់នៅជុំវិញទីផ្សារ កន្លងមក គឺហាក់ផ្តោតតែទៅ លើអាជីវករអ្នកលក់នៅលើ ចិញ្ចើមផ្លូវរហូតដល់លក់លើផ្លូវ ក៏មាន ។ ជាក់ស្តែងនៅផ្នែក ខាងលិចឈៀងខាងជើងផ្សារ អូរប្ញស្សី គឺអាជីវករលក់នៅលើ ទ្រូវផ្លូវតែម្តង ដោយសូម្បីកង់ ម៉ូតូក៏មិនអាចធ្វើដំណើរបាន ផង ។
ជុំវិញករណីអាជីវករលក់ នៅលើទ្រូវផ្លូវបែបនេះ ត្រូវបាន គេអះអាងថា គឺវាផ្តើមចេញពី ផលប្រយោជន៍លោក ស្រ៊ុន គឹមឡេង ប្រធានផ្សារអូរឫស្សី មិនមែនជាកំហុសអាជីវករ នោះទេ ។ ព្រោះបើ ផ្អែកតាម ការអះអាងរបស់អាជីវករដែល យកទីតាំងផ្លូវដាក់លក់ គឺត្រូវ បង់លុយមិនតិចទេ ទៅអោយ ប្រធានផ្សារដោយវាស់គិតជា ម៉ែត្រការ៉េរួមទាំងថ្លៃភាស៊ីជា រៀងរាល់ ថ្ងៃថែម ទៀតផង ។
ដោយផ្អែកលើផលប្រយោ ជន៍ លោក ស្រ៊ុន គឹមឡេង បែបនេះហើយទើបការកកស្ទះ ចរាចរណ៍នៅជុំវិញ ផ្សាររហូត ផ្លូវមួយចំនួនត្រូវបិទមិនឱ្យចរាចរណ៍ ដែលផ្ទុយទៅនឹងគោល ការណ៍អភិវឌ្ឍផ្សាររបស់ប្រមុខ រាជរដ្ឋា ភិបាល ។ ចំណែកការ អះអាងថាជាការសម្រួលដល់ អជីវករក្រីក្រ ក្នុងគោលដៅ ទទួលបានការពេញចិត្ត គឺគ្រាន់ តែ ជាលេសដើម្បីបិទបាំងផល ប្រយោជន៍របស់លោកប្រធាន ផ្សារតែប៉ុណ្ណោះ ព្រោះអ្នកលក់ ដូរនៅក្នុងផ្សារពិតជាមិនពេញ ចិត្តនោះទេ ដែលអ្នកទិញត្រូវ សម្រេចចិត្តទៅទិញនៅក្រៅ ផ្សារដែលត្រូវចំណាយលុយ ទិញតូបអស់រាប់ពាន់រាប់ម៉ឺន ដុល្លារ ដែលអភិបាលរាជធានី គួរតែស្វែងយល់ពីបញ្ហានេះឱ្យ បានច្បាស់ ។
នៅពេលបច្ចុប្បន្នស្របពេល ដែលអភិបាលរាជធានី ក្រោម អំណាចឯកឧត្តម ឃួង ស្រេង ដែលទើបឡើងបន្តពីលោក ប៉ា សុជាតិវង្ស គឺតម្រូវឱ្យមានការ រៀបចំសណ្តាប់ធ្នាប់ក្នុងរាជធានីឱ្យបានល្អ ។ សកម្មភាពលើការ រៀបចំនេះ គឺតម្រូវឱ្យអភិបាល ខណ្ឌនីមួយៗ ត្រូវអនុវត្តឱ្យបាន ដាច់ខាតដើម្បីធានាបានទាំង ការធ្វើដំណើរនិងការបើកបរ ឱ្យមានសណ្តាប់ធ្នាប់ល្អហើយ ក៏ជាការចូលរួមប្រកួតប្រជែង ជ្រើសរើសទីក្រុងស្អាតតាម បណ្តាខេត្ត-រាជធានីផងដែរ ។
សួរដួចជាឆោតថា ការ រៀបចំសណ្តាប់ធ្នាប់គឺមិនអាច ជៀសផុតពីការបណ្តេញអាជីវ ករដែលលក់នៅលើផ្លូវនិង ចិញ្ចើមផ្លូវបានឡើយ ។ ទីបំផុត អាជីវករដែលចំណាយលុយ ទៅឱ្យប្រធានផ្សារ គឺជាជនរង គ្រោះដោយទំនងជាប្រធាន ផ្សារអូរប្ញស្សីពុំបានចេញមុខ ទទួលខុសត្រូវឡើយព្រោះលុយ ដែលចំណាយឱ្យអត់បានធ្វើ ក្រដាសស្នាមអ្វីទាំងអស់ ៕
