ដោយ ៖ ព្រានក្រវ៉ាញ
អ្នកស្រី វ៉ាន់ ស្រីមុំ តំណាង ឱ្យប្រជាពលរដ្ឋ១៧គ្រួសារ រស់ នៅភូមិសង្គមថ្មី ឃុំថ្មដា ស្រុក វាលវែង បានដាក់ពាក្យសុំ ជួប ឯកឧត្តម ជា សុផារ៉ា រដ្ឋមន្ត្រី ក្រសួងរៀបចំដែនដីនគរូបនីយ កម្ម និងសំណង់ ដើម្បីដោះ ស្រាយទំនាស់ដីធ្លីដែលមាន ទំហំ ១៧១,៦២១ហិកតា ។
តាមការអះអាងរបស់មន្ត្រី ក្រសួងរៀបចំដែនដីនៅជាន់ទី ៦ បន្ទប់ ៦១៥ គឺរង់ចាំអោយ តំណាងប្រជាពលរដ្ឋទូរស័ព្ទ មកទទួលដំណឹងពីអ្នកស្រី គន្ធា ជាក្រុមការងារនៅថ្ងៃទី ០៥ ខែកញ្ញា ឆ្នាំ២០១៧ ខាងមុខ ដើម្បីកំណត់ជួប ឯកឧត្តម រដ្ឋមន្ត្រី ក្រសួងរៀបចំដែនដីនគរូបនីយកម្ម និងសំណង់ ។
តាមពិតទៅអ្នកស្រី វ៉ាន់ស្រីមុំ ធ្លាប់បានប្តឹងមក ឯកឧត្តម រដ្ឋមន្ត្រី និងជារដ្ឋមន្ត្រីក្រសួង រៀបចំដែនដីនគរូបនីយកម្មនិង សំណង់តាមរយៈរដ្ឋសភាជាតិ រួចទៅហើយ ។ ផ្អែកតាមគោល នយោបាយកែទម្រង់របស់ប្រមុខ រាជរដ្ឋាភិបាលអាណត្តិទី០៥ ជំហានទី ៣ លោកស្រី វ៉ាន់ស្រីមុំ មានជំនឿថា ក្រោយចំណាត់ការអនុវត្តស៊ីជម្រៅរបស់ ឯកឧត្តម ជា សុផារ៉ា គឺលោក ស្រី និងប្រជាពលរដ្ឋពិតជា ទទួលបានយុត្តិធម៌គឺដីបង្កបង្កើន ផលទាំង ១៧គ្រួសារមកវិញ ។
ដើម្បីធានាដល់ភាពស្រប ច្បាប់របស់ប្រជាពលរដ្ឋទាំង ១៧គ្រួសារ សារព័ត៌មានជាតិ សូមចុះបន្តនូវឯកសារដែលពួក គាត់មានខ្លះៗបន្តនៅខាង ក្រោមអត្ថបទ ។ ទោះបីថា ភាពស្របច្បាប់របស់ប្រជាពល រដ្ឋនៅមានកម្រិតពុំទាន់បានធ្វើ ប្លង់រឹងក្តី ប៉ុន្តែលិខិតកាន់កាប់ គឺជាមូលដ្ឋានដើម្បីធានាដល់ ដំណើរការស្វែងរកការដោះ ស្រាយឱ្យមានប្រសិទ្ធភាពរបស់ ក្រសួងរៀបចំដែនដីនគរូបនីយ កម្ម និងសំណង់ អាចវិនិច្ឆ័យ និងសម្រេចឱ្យពួកគាត់អាច ឈានទៅទទួលប្លង់កម្មសិទ្ថិ ស្របច្បាប់បានជាក់ជាមិនខាន ៕
