ដោយ ៖ ព្រានក្រវ៉ាញ
មេឈ្មួញដែលដើរចាប់ដីព្រៃ លក់ឱ្យប្រជាពលរដ្ឋនៅចំណុច ស្រែត្រាច ភូមិបៀកប្រហោង ឃុំសំរោង ស្រុកភ្នំក្រវ៉ាញ ខេត្ត ពោធិ៍សាត់ ឈ្មោះ ជួន វិចិត្ត កំពុងធ្វើព្យុះភ្លៀងចោទប្រកាន់ ប្រជាពលរដ្ឋថាបានមករស់នៅ លើដីរដ្ឋខុសច្បាប់ទៅវិញ ។
បើផ្អែកតាមការអះអាង របស់ប្រជាពលរដ្ឋទាំង៥១ គ្រួសារគឺឈ្មោះ ជួន វិចិត្ត នេះ ហើយដែលជាអ្នកប្រកាសឱ្យ ពួកគាត់មកទិញដី ប៉ុន្តែនៅ ពេលពួកគាត់កាប់រានសង់ផ្ទះ ដាំដំណាំបានហើយ គឺឈ្មោះ ជួន វិចិត្ត នេះបែរជាចោទថា ពួកគាត់មករស់នៅលើដីសហគមន៍ទៅវិញ ,។
ប្រជាពលរដ្ឋដាក់ការសង្ស័យ ថា ឈ្មោះ ជួន វិចិត្ត ដែលពុំ មានទីលំនៅពិតប្រាកដ គឺអាច រកឈ្មួញមកទិញលើដីពួកគាត់ ដែលកំពុងរស់នៅទើបមាន ការចោទប្រកាន់ពីអាជ្ញាធរ ស្រុកភ្នំក្រវ៉ាញថា ពួកគាត់មក រស់លើដីសហគមន៍ដោយតម្រូវ ឱ្យរុះរើផ្ទះចេញ ។ នៅពេល មានការ ញ្ជាក់ថា ឈ្មោះ ជួន វិចិត្ត ជាអ្នកលក់ដីឱ្យពួកគាត់ រស់នៅលោកចៅហ្វាយស្រុក ហាក់ពុំបានចាត់ទុកសកម្មភាព ឈ្មោះ ជួន វិចិត្ត ថា ជាជន ល្មើសអ្វីទាំងអស់ទៅវិញ ។
វាជាករណីប្រមាថធ្ងន់ធ្ងរ ណាស់ស្របពេលដែលប្រជាពលរដ្ឋ ៥១គ្រួសារ នៅចំណុច បៀកប្រហោងធ្វើលិខិតសុំ អន្តរាគមន៍ពីសម្តេចពញាចក្រី ហេង សំរិន ប្រធានរដ្ឋសភាជាតិ ប៉ុន្តែត្រូវបានឈ្មោះ ជួន វិចិត្ត យកលិខិតដែលចុះហត្ថ លេខាលើ ដែលចុះហត្ថលេខា ដោយប្រធានរដ្ឋសភាមកហែក នៅមុខប្រជាពលរដ្ឋជាច្រើន លើកដោយគំរាមថា គ្មានបាន ការស្អីទេអាក្រដាសរដ្ឋសភា ហ្នឹង ។ ម្យ៉ាង វិញទៀតលិខិត រដ្ឋសភា គឺបញ្ជូនមកអភិបាល ខេត្តពោធិ៍សាត់ដើម្បីពិនិត្យនិង ជួយដោះស្រាយតាមការគួរ ប៉ុណ្ណោះ ។ ដូច្នេះសកម្មភាព ប្រមាថស្ថាប័នរដ្ឋសភាពីសំណាក់បុគ្គល ជួន វិចិត្ត មិនខុស ពីប្រមាថអភិបាលខេត្តពោធិ៍សាត់នោះទេ ដែលតម្រូវឱ្យ មានការស៊ើបអង្កេតនិងចាត់ វិធានការទៅតាមផ្លូវច្បាប់ ៕
