ដោយ ៖ កែវ សុខ
ពិតណាស់ថាអ្នកស្រី សៀង គឹមចេង ដែលសំណូមពរឱ្យ សារព័ត៌មានជាតិចុះផ្សាយធ្វើ ការបកស្រាយពីច្បាប់ ដោយ ផ្អែកលើលិខិតបញ្ជាក់ពីអាជ្ញា ធរក្រុមរហូតដល់សង្កាត់និង មន្ត្រីជំនាញការិយាល័យសូរិយោដីខណ្ឌដូនពេញ និងមន្ត្រី រៀបចំដែនដីរាជធានីភ្នំពេញ រួមទាំងមន្ទីរសាធារណៈការ និងដឹកជញ្ជូននៃការិយាល័យ បុគ្គលិកសុទ្ធសឹងតែអះអាង តាមលិខិតស្នាមថា អ្នកស្រី ចេង ផា ពិតជាបានសាងសង់ លើលូខុសច្បាប់មែន ។ ប៉ុន្តែ ក្រោយមកមន្ត្រីជំនាញនិងអាជ្ញាធរភូមិមិនដឹងមិនឮ ចំពោះ ចំណាត់ការរបស់ខ្លួន ដែលអ្នក ស្រី សៀង គឹមចេង បានបញ្ជាក់ អះអាងថា បានត្រឹមទទួលរង ការឆ្លើយតបពីអាជ្ញាធរសង្កាត់ ថា មុខរបរអូសរទេះ និងលក់ ភេសជ្ជៈបែបហ្នឹងប្តឹងដល់ណា ក៏មិនឈ្នះគេដែរ ។
ថ្មីៗនេះអ្នកស្រី សៀង គឹមចេង បានប្តឹងសុំអន្តរាគមន៍ពី ក្រសួងមហាផ្ទៃ និងទីស្តីការ គណៈរដ្ឋមន្ត្រីពាក់ព័ន្ធទៅនឹង ភាពអសកម្មរបស់អាជ្ញាធរ ខណ្ឌដូនពេញ រហូតដល់រដ្ឋមន្ត្រី ក្រសួងយុត្តិធម៌ចេញលិខិតបង្គាប់ មកតុលាការក្រុងឱ្យពិនិត្យ ដោយផ្អែកលើភស្តុតាងថែម ទៀតផង ។ ទោះបីថា អ្នកស្រី សៀង គឹមចេង ទទួលបានលិខិត អន្តរាគមន៍ដែលអាចចាត់ទុក ថា ត្រឹមត្រូវយ៉ាងណាក៏ដោយ ក្នុងនាមកាសែតបានត្រឹមចុះ ផ្សាយពីលិខិតនោះតែប៉ុណ្ណោះ គឺពុំមានឆន្ទានុសិទ្ធដូចតុលាការ ដែលសម្រេចឱ្យអ្នកស្រីចាញ់ក្តី អ្នកស្រី ចេង ផា នោះឡើយ ព្រោះក្នុងនាមជាអ្នកកាសែតក៏ នៅតែមិនទាន់យល់នៅឡើយ ថា អាករណីលិខិតបទដ្ឋាន ច្បាប់ និងឆន្ទានុសិទ្ធមួយណា ធំជាងគ្នានោះទេ គឺមិនយល់ តែម្តងទើបមិនអាចចុះផ្សាយ អះអាងថា ត្រូវ ឬខុសបាន ។
ជាក់ស្តែងលិខិតអន្តរាគមន៍ ពីក្រសួងមហាផ្ទៃលិខិតអន្តរាគមន៍ពីទីស្តីការគណៈរដ្ឋមន្ត្រី និងលិខិតអន្តរាគមន៍ពីរដ្ឋមន្ត្រី ក្រសួងយុត្តិធម៌គឺអាជ្ញាធរខណ្ឌ ដូនពេញរួមទាំងតុលាការគាត់ មិនទាំងអនុវត្តតាមផង ចង់ឱ្យ ខ្ញុំត្រឹមអ្នកកាសែតទៅអះអាង ថា អ្នកស្រីរងការរំលោភពីពួក អ្នកមានមិនខុសអ្វីពីរុញស៊ីក្លូឱ្យ ចូលឡាននោះទេ ។ ប៉ុន្តែក្នុង នាមអ្នកកាសែត ដែលទទួល ការពឹងពាក់ពីអ្នកក្រីក្រមុខរបរ អូសរទេះលក់ភេសជ្ជៈពីអ្នកស្រី សៀង គឹមចេង ទៅហើយគឺ បានត្រឹមទទួលយកឯកសារ ពាក់ព័ន្ធមកលាតត្រដាងនៅ លើទំព័រកាសែតតែប៉ុណ្ណោះ ។
ដូចឃើញលទ្ធផលសម្លេង ឆ្នោតនៅសង្កាត់ជ័យជំនះនា ឆ្នាំ២០១៧ ជាតឹងតាងស្រាប់ គឺពួកគាត់បានវិនិច្ឆ័យមន្ត្រីសង្កាត់ មួយនេះរួចស្រេចទៅហើយ ប្រសិនបើអាជ្ញាធរសង្កាត់ជ័យ ជំនះខណ្ឌដូនពេញធ្វើខ្លួនជាខ្ញុំ បំរើរាស្ត្រដូចការប្រៀនប្រដៅ ពីសម្តេចនាយករដ្ឋមន្ត្រីនោះ លទ្ធផលក៏មិនបាត់បង់នូវការ គាំទ្រនោះដែរ ។
ជាក់ស្តែងភស្តុតាងឯកសារ ខាងក្រោមគឺអាចឱ្យថ្នាក់ដឹកនាំ វិនិច្ឆ័យបានគ្រប់គ្រាន់ថាអាជ្ញា ធរខណ្ឌដូនពេញកំពុងធ្វើខ្លួនជា ខ្ញុំបំរើរាស្ត្រ ឬធ្វើជាចៅហ្វាយ រាស្ត្រឱ្យពិតប្រាកដបាននោះ ឡើយ ព្រោះឋានៈត្រឹមអ្នក កាសែតមិនហ៊ានឆ្លើយដោយ ខ្លាដីកាកោះហៅគ្មានដីលក់រត់ ការទេ ទានប្រោស..! ៕
