ផ្អែកតាមលិខិតផ្ទេរសិទ្ធិពី ម្ចាស់ដីឈ្មោះ សាំ ទូច អាយុ ៤៣ឆ្នាំ និងប្រពន្ធឈ្មោះ ចក់ ស្រីមុំ ដែលបានទទួលពាក្យស្នើសុំកាន់ កាប់ប្រើប្រាស់ដីធ្លីតាំងពីឆ្នាំ ២០០៣ ស្ថិតនៅចំណុចត្រពាំងល្អក់ ភូមិស្រយ៉ង់ខាងជើង ឃុំស្រយ៉ង់ ស្រុកគូលែន ខេត្ត ព្រះវិហារ ចំនួន ២កន្លែង ដែល មានទំហំ ១០ហិកតា ទៅឱ្យ ប្រជាពលរដ្ឋ ១៩គ្រួសារហើយ បានសង់ផ្ទះរស់នៅយ៉ាងសុខ សាន្ត ប៉ុន្តែភាពសុខសាន្តរបស់ ប្រជាពលរដ្ឋត្រូវបានទទួលរង នូវការគំរាមពីមេឈ្មួញដីឈ្មោះ ទួន ចន្ទ្រា បានយកគ្រឿងចក្រ មកកាយរំលើងគល់ឈើដែល នៅសេសសល់ពីប្រជាពលរដ្ឋ ១៩គ្រួសារ កាប់រានតាំងពីឆ្នាំ ២០១២មកម្ល៉េះ រួមទាំងកាយ ប្រឡាយហ៊ុំព័ទ្ធយកដីលំនៅ ដ្ឋានពលរដ្ឋថែមទៀតផង ។
សកម្មភាពរំលោភពីមេឈ្មួញ ដីជាលើកទី២ កាលពីថ្ងៃទី២៨ ខែមិថុនា ឆ្នាំ២០១៧ វេលា ម៉ោង ៩ៈ៣០នាទីព្រឹក ឈ្មោះ ទួន ចន្ទ្រា បានជួលប្រជាពលរដ្ឋ ដែលមិនដឹងរឿងឱ្យមករុះរើផ្ទះ គាត់ ថែមទាំងយកស្រូវមក ព្រោះជាន់ពីលើស្រូវដែលប្រជា ពលរដ្ឋព្រោះរួចហើយ ក្នុង ចេតនាបញ្ជាក់ថាជាដីកម្មសិទ្ធិ របស់គាត់ ប៉ុន្តែនៅក្នុងពាក្យ ស្នើសុំកាន់កាប់ដីរបស់លោក សាំ ទូច ទាំងពីរកន្លែង គឺមាន ការបញ្ជាក់ពីមេភូមិស្រយ៉ង់ ខាងជើង និងមេឃុំស្រយ៉ង់ ចុះហត្ថលេខាប្រថាប់ត្រាតាំង ពីឆ្នាំ២០០៣ មកម្ល៉េះ ។
ចំណែកលិខិតផ្ទេរសិទ្ធិពី ឈ្មោះ សំ ទូច និងឈ្មោះ ចក់ ស្រីមុំ ក៏ត្រូវបានលោក ក្រួច ស្រប អតីតៈមេឃុំតាំងពីឆ្នាំ ២០០៣ បញ្ជាក់ថា ឈ្មោះ សាំ ទូច និងឈ្មោះ ចក់ ស្រីមុំ បានផ្ទេរសិទ្ធិជូនប្រជាពលរដ្ឋ ១៩គ្រួសារប្រាកដមែន ។ ប៉ុន្តែ សកម្មភាពរបស់មេឈ្មួញដី ឈ្មោះ ទួន ចន្ទ្រា ដែលប្រជាពលរដ្ឋ ១៩គ្រួសារ កំពុងតែ មានចម្ងល់នោះ គឺថាគាត់មាន លិខិតស្នាមកាន់កាប់ដីនេះតាំង ពីពេលណាមកឱ្យប្រាកដព្រោះ បើផ្អែកតាមឯកសាររបស់លោក សាំ ទូច និងឈ្មោះ ចក់ ស្រីមុំ ដែលកាន់កាប់តាំងពីឆ្នាំ២០០៣ រហូតមកដល់ពេលនេះ គឺមាន រយៈពេល ១៩ឆ្នាំ ហើយគឺតាំង ពីពុំទាន់មានផ្លូវថ្នល់ជាតិម្ល៉េះ ។
មានការងឿងឆ្ងល់ថាឈ្មោះ ទួន ចន្ទ្រា ដែលស្លៀកពាក់បែប អង់ត្រឺនុយ ដៃកាន់សឺមីបែប ហំហាន ហើយមានទីលំនៅឯ ភូមិវត្តស្វាយ សង្កាត់សាលា កំរើក ក្រុង-ខេត្តសៀមរាប អាចមានលិខិតកាន់កាប់ដីមុន ឆ្នាំ២០០៣ដែរឬអត់ ? ព្រោះ បើផ្អែកលើប្រសាសន៍ដ៏ខ្ពង់ខ្ពស់ របស់សម្តេចក្រឡាហោម ស ខេង ឧបនាយករដ្ឋមន្ត្រី និងជា រដ្ឋមន្ត្រីក្រសួងមហាផ្ទៃ គឺបាន ដាក់បទបញ្ជាយ៉ាងម៉ឺងម៉ាត់ ហាមប្រាមមិនឱ្យអាជ្ញាធរភូមិ- ឃុំនិងសង្កាត់នៅទូទាំងប្រទេស ចេញលិខិតកាន់កាប់ដីធ្លីជាន់ លើគ្នាតទៅទៀតឡើយ ។
ចំពោះករណីនៅតែបន្ត ចេញលិខិតជាន់លើគ្នាគឺអាជ្ញា ធរភូមិ-ឃុំនោះជាអ្នកប្រឈម ចំពោះទោសទណ្ឌតាមផ្លូវ ច្បាប់ ។ ព្រោះបើទុកឱ្យមាន ករណីចេញលិខិតកាន់កាប់ដីធ្លី ជាន់លើគ្នាតទៅទៀត បញ្ហា ទំនាស់ដីធ្លី ដែលចេះតែបន្តធ្វើ បាតុកម្មសុំកិច្ចអន្តរាគមន៍ពីរដ្ឋា ភិបាល គឺពិតជាពុំអាចរកទី បញ្ចប់បាននោះឡើយ ដោយ តម្រូវឱ្យអាជ្ញាធរភូមិ-ឃុំ ជា អ្នកប្រឈមចំពោះមុខច្បាប់ ទើបអាចកាត់បន្ថយរហូតរក ទីបញ្ចប់បានពិតប្រាកដ ។
ថ្មីៗនេះក្រសួងរៀបចំដែនដី បានបញ្ជាក់ថានិងធ្វើការដោះ ស្រាយករណីដីធ្លីចំនួនខេត្ត ៣ ដោយរួមទាំងខេត្តព្រះវិហារ ផងដោយតម្រូវឱ្យប្រជាពលរដ្ឋ យកឯកសារដាក់ពាក្យបណ្តឹង ទៅកាន់សាលាស្រុក ។ ទាំង សាលាស្រុកគូលែននិងអាជ្ញាធរ ខេត្ត ប្រជាពលរដ្ឋ ១៩គ្រួសារ បានដាក់ឯកសារនិងពាក្យបណ្តឹង រួចរាល់ហើយ គឺខ្លាចតែមន្ត្រី សាលាស្រុកគូលែនបិទបាំងឯក សារប៉ុណ្ណោះ ទើបគ្មានការ ដោះស្រាយជូនពួកគាត់ទាំង ១៩គ្រួសារ
