តាមការ កត់សម្គាល់ មេឈ្មួញឈើ ឈ្មោះសាល និងចែនី កំពុងសម្រុក ដឹកឈើ ប្រណិតចេញ ពីស្រុកសំបូរ ឆ្លងកាត់ ស្រុកចិត្របុរី សំដៅទៅ ស្រុកស្នួល ដើម្បីនាំ ឈើប្រណិត ចេញទៅលក់ នៅស្រុកយួន ជារៀងរាល់ថ្ងៃ ។ ជាក់ស្ដែង ឡានដឹកឈើ ប្រណិតនៅ ក្នុងរូបភាព នេះគឺស្ថិត នៅលើផ្លូវ ជាតិពីខេត្ត ក្រចេះ ទៅស្រុកស្នួល កាលពីថ្ងៃទី០១ ខែកក្កដា ឆ្នាំ២០១៧ វេលាម៉ោង ៥ព្រឹកឆ្ពោះ ទៅកាន់ ប្រទេសយួន ។
ប្រភព ច្បាស់ការ បានឲ្យដឹង ថាមេឈ្មួញ ឈ្មោះសាល និងចែនី អាចដឹកឈើ ជារៀងរាល់ យប់ឆ្លងដែន បានដោយមាន ខ្នងបង្អែកជា សមត្ថកិច្ច នគរបាល ខេត្តក្រចេះ ជាអ្នកបើក ភ្លើងខៀវ ។ បើមេឈ្មួញ ឈើសុទ្ធសឹង តែមានខ្នង បង្អែកជា សមត្ថកិច្ច នេះហើយទើប បង្កលក្ខណៈ ដល់មេឈ្មួញ ដុះស្លែទាំងពីរ អាចដឹកឈើ ឆ្លងកាត់ ស្រុកជាច្រើន ក្នុងខេត្ត ក្រចេះ បានដោយ គ្មានសមត្ថកិច្ច ណាហ៊ាន ធ្វើការ បង្ក្រាប ។
ដោយសារ មេឈ្មួញឈើ មានការ ឃុបឃិត ជាមួយ សមត្ថកិច្ច នេះហើយទើប ក្រញ៉ាំវិធានការ ក្ដៅរបស់ ប្រមុខរាជ រដ្ឋាភិបាល បានបង្កើត គណៈកម្មការ ទប់ស្កាត់ បទល្មើសព្រៃ ហាក់មាន ប្រសិទ្ធភាព តែក្នុង រយៈពេលខ្លី តែប៉ុណ្ណោះ ។ ជាក់ស្ដែង មេឈ្មួញ ឈ្មោះសាល និងចែនី ហាក់ដឹងច្បាស់ ពីឱកាស ប្រព្រឹត្ត បទល្មើស បានយ៉ាងច្បាស់ ដោយផ្អែកលើ ការគាំទ្រ ឃុបឃិតពី សមត្ថកិច្ច ទើបអាចដឹក ជញ្ជូនឈើ ឆ្លងដែនបាន ដោយសេរី បែបហ្នឹង ដែលជាហេតុ ធ្វើឲ្យមាន ការរិះគន់ថា ប្រសិទ្ធភាព របស់គណៈ កម្មការគឺ ពិតជាពុំអាច ទទួលបាន ជោគជ័យ ដូចការ អះអាង នោះឡើយ ៕
សកម្មភាព ឡានដឹកឈើ របស់ឈ្មួញ ឈ្មោះសាល និងចែនី ពីខេត្តក្រចេះ ទៅស្រុកស្នួល ឆ្ពោះទៅ ស្រុកយួន
