ដោយ ៖ តែ ណាត
មន្ត្រីនឹងសមត្ថកិច្ចក្រោម អំណាច ឯកឧត្តម ថង សាវុន អភិបាលខេត្តរតនៈគិរីកំពុងផ្គើន នឹងបទបញ្ជាសម្តេចហ៊ុន សែន បើកដៃឱ្យបទល្មើសព្រៃឈើ កើតយ៉ាងអនាធិបតេយ្យក្នុង ខេត្តរតនៈគិរី ។ ក្បួនរថយន្ត សាំងយ៉ុងរាប់សិបគ្រឿងរបស់ ឈ្មួញរកស៊ីដឹកឈើប្រណិតខុស ច្បាប់ទៅលក់នៅប្រទេសវៀត ណាមយ៉ាងអនាធិបតេយ្យ សមត្ថកិច្ចមិនធ្វើការបង្ក្រាប ជាពិសេសឈ្មោះលោក រុន បានប្រើប្រាស់រថយន្តសាំងយ៉ុង ពីរគ្រឿងសម្រាប់ការដឹកជញ្ជូន ឈើខុសច្បាប់ខាងលើ ដែល រថយន្តសាំងយ៉ុងទីមួយពណ៌ស ពាក់ស្លាកលេខ ៥១៧០ និង រថយន្តសាំងយ៉ុង មួយទៀត ពាក់ស្លាកលេខ ៥២៧០ ។
ក្នុងនោះ ក៏មានក្រុមឈ្មួញ ជាច្រើនទៀត ដូចជាឈ្មោះ ស្រីគា និងប្តីឈ្មោះ វែន ជា មន្ត្រីយោធាប្រចាំការប៉ុស្តិ៍ច្រក របៀងខ្សែក្រវាត់ការពារព្រំដែន កម្ពុជា-វៀតណាម មានរថយន្តសាំងយ៉ុង ពីគ្រឿងដូចគ្នា រួមទាំងឈ្មោះ ថន និងប្រពន្ធ ឈ្មោះ បូរី ក៏មានរថយន្តពីរ គ្រឿងសម្រាប់ធ្វើការដឹកជញ្ជូន ឈើទៅលក់នៅប្រទេសវៀត ណាមដូចគ្នាដែរ ។ ឈ្មួញទាំងអស់នោះភាគ ច្រើនមានខ្នងជាសមត្ថកិច្ចនៅ ពីក្រោយ ទៀតផង ។
តាមប្រភពពីប្រជាពលរដ្ឋ បានឱ្យដឹងថាតាមបណ្តោយផ្លូវ ជាតិលេខ៧៨ ពីក្រុងបានលុង ទៅដល់ស្រុកអូរយ៉ាដាវព្រំដែន កម្ពុជា-វៀតណាម មានកុង ត្រូលជជុះប្រហែល ៣០សិប កន្លែង កុងត្រូលខ្លះបែបជា លក្ខណៈប្រយោលដែលចត ឡានតាមដងផ្លូវជាតិ ចាំរាប់ ក្បាលឡាន ខ្លះគិតជាជើង ខ្លះ គិតជាខែ ពីឈ្មួញរកស៊ីរបរ ខុសច្បាប់ ខាងលើ ។
ប្រភពខាងលើបានបន្តទៀត ថា បើគិតទៅក្នុងមួយរថយន្ត សាំងយ៉ុងឈ្មួញឈើរត់ការ អស់ប្រហែល ប្រាំបីលានរៀល ស្មើនឹង ២ពាន់ដុល្លា សមត្ថកិច្ច មានទាំងថ្នាក់ខេត្ត និងថ្នាក់ ក្រសួងដូចជាខាងប៉ូលិសសេដ្ឋកិច្ចខេត្ត មានសេដ្ឋកិច្ចក្រសួង គយខេត្ត គយចល័ត នាពេល ថ្មីៗនេះក៏មានលិចឮថា មាន មេព្រៃ កណ្តាលចុះ បេសកកម្ម មកខេត្តរតនៈគិរីទៀតផង តែ មិនធ្វើការបង្ក្រាបស្ថិតក្នុង តួនាទីគណៈបញ្ជាការឯកភាព និងជាសេនាធិការដល់ប្រធាន គណៈកម្មការបង្ក្រាបបទល្មើស ព្រៃឈើ តើឯកឧត្តម ថង សាវុន កំពុងធ្វើអ្វីអោយប្រាកដ ទៅ ។ ព្រោះគណៈបញ្ជាការ ឯកភាពខេត្តមានសិទ្ធិអំណាច បញ្ជាកម្លាំងសមត្ថកិច្ចក្នុងខេត្ត ឱ្យចុះអនុវត្ត និងបង្ក្រាបបាន ប៉ុន្តែភាពស្ងប់ស្ងាត់គឺមានន័យ ស្មើនិងការឃុបឃិតស្វែងរក ផលប្រយោជន៍ដូចគ្នាទេ ។
សរុបសេចក្តីទៅ គឺសមត្ថកិច្ចពាក់ព័ន្ធទាំងអស់បានចូល រួមសហការគ្នាជាប្រព័ន្ធយ៉ាង រលូនក្នុងការបង្កើតនិងបណ្តោយ ឱ្យបទល្មើសធ្វើបានយ៉ាងអនាធិបតេយ្យបែបនេះ ៕
