ដោយ ៖ តែ ណាត
ប្រភពព័ត៌មានច្បាស់ការ បានបញ្ជាក់ឱ្យដឹងថា មេឈ្មួញ ឈើដុះស្លែឈ្មោះ ចែច្រឹប និង ឈ្មោះ ថាន បាននិងកំពុងត្រៀម នាំគ្រឿងចក្រចូលដឹកឈើចេញ ពីព្រៃសហគមន៍នៅស្រុកអូរ យ៉ាដាវ និងស្រុកលំផាត់ ។
ព្រៃសហគមន៍ដែលមេ ឈ្មួញឈើត្រៀមនាំគ្រឿងចក្រ ចូលដឹកចេញគឺនៅចំណុចយ៉ាង ទុងចំណុចអូរតាង, ចំណុចអូរ ជីពកែងតាន់ និងនៅភូមិខ្វែង។
មេឈ្មួញឈើដុះស្លែឈ្មោះ ចែច្រឹប និងឈ្មោះ ថាន អាច ឃុបឃិតទិញព្រៃសហគមន៍ នៅស្រុកទាំងពីរខាងលើ នាំ ចេញទៅស្រុកយួនបានដោយ មានខ្នងបង្អែកឈ្មោះ ងួន សុវណ្ណា ហៅអូនធំ មានតួនាទី ជាប្រធានវរៈសេនាតូចការពារ ព្រំដែនលេខ ៦២៣ ។ ច្រក របៀងដែលនាំឈើចេញក្រោម អំណាចលោក ងួន សុវណ្ណា រួមមានច្រកអូរថ្ម, ច្រកខ្លាធំ ដែលគ្រប់គ្រងដោយប្តីចែច្រឹប ឈ្មោះ ថុន និងច្រក ៧៣១ ។
មានការបង្ហើបឱ្យដឹងថា មេឈ្មួញឈើឈ្មោះ ចែច្រឹប និងឈ្មោះ ថាន បានរត់ការ ទៅអាជ្ញាធរខេត្តរតនគីរី និង សមត្ថកិច្ចក្នុងខេត្តរួមទាំងមន្ត្រី ជំនាញក្នុងខេត្តរតនគិរីរួចរាល់ ហើយរង់ចាំតែឱកាសល្អគឺ អំឡុងបុណ្យចូលឆ្នាំថ្មីប្រពៃណី ជាតិ អាចនឹងធ្វើសកម្មភាពជា ទ្រង់ទ្រាយធំ ។ ចំណែកភស្តុតាងគ្រឿងចក្រដឹកជញ្ជូនឈើ រួមទាំងឃ្លាំងឈើនៅតាមច្រក ព្រំដែនដែលមានទំហំរាប់គីឡូ ម៉ែត្ររបស់មេឈ្មួញឈើឈ្មោះ ចែច្រឹប និងឈ្មោះ ថាន សារព័ត៌មានជាតិនិងចុះផ្សាយបន្ត តាមទំព័រកាសែតនិងនៅលើ គេហទំព័របន្តទៀត ។
ព័ត៌មានត្រួសៗខាងលើនេះ អាចជាមូលដ្ឋានក្នុងការផ្តល់ ព័ត៌មានដល់ ឯកឧត្តម សៅ សុខា អគ្គមេបញ្ជាការរងកង យោធពលខេមរភូមិន្ទនិងជាមេ បញ្ជាការកងរាជអាវុធហត្ថ លើផ្ទៃប្រទេសដែលកំពុងទទួល បទបញ្ជាពីរាជរដ្ឋាភិបាលជា ប្រធានគណៈកម្មការបង្ក្រាប និងទប់ស្កាត់បទល្មើសព្រៃឈើ ឱ្យមានប្រសិទ្ធភាព ។ ព្រោះបើ រំពឹងទៅលើគណៈបញ្ជាការ ឯកភាពខេត្តរតនគីរី ជាអនុ ប្រធានគណៈកម្មការបង្ក្រាប បទល្មើសព្រៃឈើជាសេនាធិ ការឱ្យប្រធានគណៈកម្មការ គឺ ពិតជាពុំអាចជឿទុកចិត្តបាន ឡើយ ។ ព្រោះរាល់សកម្មភាព ដឹកជញ្ជូនឈើពីឈ្មួញធំៗដូច ចែច្រឹប និងឈ្មោះ ថាន មុន នឹងធ្វើសកម្មភាពដឹកជញ្ជូន ឈើ គឺបានរត់ការក្នុងខេត្តអស់ ហើយបើមានការធ្វេសប្រហែស គឺបរាជ័យដ៏ធ្ងន់ធ្ងរបំផុតសម្រាប់ តួនាទីជាប្រធានគណៈកម្មការ បង្ក្រាបបទល្មើសព្រៃឈើដែល ផ្តល់ទំនុកចិត្តពីប្រមុខរាជរដ្ឋាភិ បាលជាក់ជាមិនខាន ៕
