ដោយ ៖ កែវ សុខ
លិខិតអនុញ្ញាតផ្គត់ផ្គង់ចែក ចាយជីកសិកម្មដែលក្រុមហ៊ុន ហ៊ី ប៉េងរ័ត្ន ដែលមានទីតាំង លក់នៅចំណុចទល់មុខសាលា បឋមសិក្សាដំរីឆ្លង ក្នុងភូមិដំរី ឆ្លង ស្រុកស្អាង ខេត្តកណ្តាល តែងយកមកបង្ហាញអ្នកសារព័ត៌មាន គឺមានលក្ខណៈផ្ទុយ ស្រឡះពីសេចក្តីសម្រេចរបស់ ក្រសួងកសិកម្ម ។ ព្រោះអាសយ ដ្ឋានអចិន្ត្រៃយ៍របស់ក្រុមហ៊ុន ហ៊ី ប៉េងរ័ត្ន កសិកម្មបានបញ្ជាក់ ពីទីតាំងនៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ដោយបានបញ្ជាក់ថាគ្មានសាខាក្រុមហ៊ុនផ្សេងឡើយ ។
បើផ្អែកតាមការបញ្ជាក់ពី ការិយាល័យនីតិកម្មកសិកម្មនៃ មន្ទីរកសិកម្មខេត្តកណ្តាលបាន ឱ្យដឹងថា ក្រុមហ៊ុន ហ៊ី ប៉េងរ័ត្ន បាននាំចូលប្រភេទជីកសិកម្ម ដែលច្បាប់ហាមឃាត់មកចែក ចាយ ។ ប៉ុន្តែការអះអាងរបស់ មន្ត្រីការិយាល័យនីតិកម្មកសិកម្ម ពុំបានធ្វើឱ្យក្រុមហ៊ុន ហ៊ី ប៉េង រ័ត្ន កសិកម្មធ្វើការឆ្លើយតប ចំពោះអ្នកសារព័ត៌មានប្រកប ដោយភាពវិជ្ជមាននោះឡើយ ដោយបង្វែការឆ្លើយឱ្យទៅសួរ នាំលោកជំទាវ ឌី ព្រឹម ឆ្កុយ បោះគាត់ទៅវិញ ។
ពាក់ព័ន្ធទៅនឹងលិខិតអនុ ញ្ញាតដែលក្រសួងកសិកម្មតម្រូវ ឱ្យលក់នៅក្នុងភូមិផ្អាវ ខេត្ត កំពង់ចាមហើយមកដាក់ទីតាំង នៅស្រុកស្អាង ខេត្តកណ្តាលក៏ ក្រុមហ៊ុន ហ៊ី ប៉េងរ័ត្ន កសិកម្ម តែងប្រើឈ្មោះលោកជំទាវ ឌី ព្រឹម មកសំអាង និងផ្តល់លេខ ទូរស័ព្ទឱ្យទៅសួរនាំផងដែរ ។
ប្រភពពីមន្ត្រីមន្ទីរកសិកម្ម ខេត្តកណ្តាលបានបង្ហើបឱ្យដឹងថា ដោយសារក្រុមហ៊ុន ហ៊ី ប៉េងរ័ត្ន អាងខ្នងលោកជំទាវ ឌី ព្រឹម មកគំរាមនេះហើយ ទើបមន្ត្រីជំនាញមិនអាចមាន លទ្ធភាពក្នុងការចុះត្រួតពិនិត្យ លើករណីនាំជីដែលច្បាប់ត្រូវ ហាមឃាត់បានដោយរួមទាំង លិខិតអនុញ្ញាតរបស់ក្រសួង កសិកម្មដែលក្រុមហ៊ុនបំពាន លើទីតាំងថែមទៀតផង ។
ថ្មីៗនេះសហគមន៍អឺរ៉ុបបាន សម្រេចលុបចោលការនាំអង្ករ ពីកម្ពុជាចូលទឹកដីប្រទេសរបស់ ខ្លួនដោយផ្អែកលើផលប៉ះពាល់ ដល់សុខភាព ព្រោះតែអង្ករខ្មែរ មានផ្ទុកជាតិគីមីម្យ៉ាង ។
ទោះបីមានការអះអាងពី មន្ត្រីរដ្ឋាភិបាលធ្វើការអះអាង ថា កម្ពុជានៅមានទីផ្សារធំ របស់ប្រទេសចិនក្តី ប៉ុន្តែចិនក៏ ជាមនុស្សត្រូវការការពារសុខ ភាពរបស់ពួកគាត់ផងដែរ ដែល តម្រូវឱ្យក្រសួងកសិកម្មត្រូវតែ មានវិធានការម៉ត់ចត់ចំពោះ ក្រុមហ៊ុនអាងអំណាចបំពាន ច្បាប់ ។
ដូចករណីជ្រុងមួយនៃក្រុម ហ៊ុន ហ៊ី ប៉េងរ័ត្ន ធ្វើ អាជីវកម្ម អាងអំណាចមកបំពានច្បាប់ នៅស្រុកស្អាង ខេត្តកណ្តាល ជាភស្តុតាងស្រាប់ ។ ពុំនោះ ទេកសិកររងគ្រោះ ព្រោះមិន អាចនាំចេញអង្ករទៅលក់នៅ ក្រៅប្រទេសបាន គឺពិតជាបាន បង្ហាញឱ្យឃើញពីភាពអសកម្ម របស់ក្រសួងកសិកម្មដែលតំណាងឱ្យប្រមុខរាជរដ្ឋាភិបាល ជាក់ជាពុំខាន ៕
