ដោយ ៖ ជាតិជាយដែន
ប៉ោយប៉ែត ៖ មានបុរស់ម្នាក់ឈ្មោះ ម៉ែន បូរិទ្ទ អាយុ ៤៦ ឆ្នាំមានទីលំនៅ ភូមិកំពងដរ ឃុំជ្រោយ បន្ទាយ ស្រុកព្រែក ប្រសព ខេត្តក្រចេះ បានមកអះអាង ប្រាប់ក្រុម អ្នកសាព័ត៌មាន នៅកន្លែង ការិយាលយ័ សហព័ន្ធផ្សព្វផ្សាយ ព័ត៌មាន អាស៊ាន កម្ពុជា ប្រចំាក្រុង ប៉ោយប៉ែត ខេត្តបន្ទាយ មានជ័យ កាលពីវេលាម៉ោង៦,១៧នាទីល្ងាច ថ្ងៃទី០៦ ខែឧសភា ឆ្នាំ២០១៣ថា បើសិនជា ក្រុមហ៊ុន (ស៊ី ឌី អឹម) មិនរកដំណោះ ស្រាយអោយកូន របស់គាត់ឈ្នោះ ពៅ ខែម៉ា ភេទប្រុស អាយុ ២១ ឆ្នាំ និងជនរងគ្រោះ ពីរនាក់ទៀត ១-ឈ្មោះ ឈួង ភួង ភេទស្រី អាយុ៣០ ឆ្នាំរស់នៅ ខេត្តស្ទឹងត្រែង ២-សុន សុខហេង ភេទស្រី អាយុ ២៦ ឆ្នាំ រស់នៅ ភូមិឃ្មុល ឃុំកំណប់ ស្រុកគិរីវង់ ខេត្តតាកែវ ដែលទៅធ្វើការតាមរយៈ ក្រុមហ៊ុនខាងលើ ហើយបានធ្វើលិខិតឆ្លង អោយទៅធ្វើការរយៈពេលពីរឆ្នាំ តែផ្ទុយទៅវិញ បានធ្វើលិខិតឆ្លងដែនទេសចរណ៍ទៅវិញ ។
ពេលនេះត្រូវបានសមត្ថកិច្ចថៃចាប់ឃុំអ្នកទាំងបី កំពុងធ្វើការសំណង់នៅប្រទេសថៃ កាលពីថ្ងៃទី១០ខែមិថុនាឆ្នាំ២០១៣ នៅស្រុកមឿងខេត្តភិចាប៊ុន (ថៃ) លុះមកដល់ពេលនេះនៅមិនទាន់ឃើញក្រុមហ៊ុនខាងលើចេញមុខមកដោះស្រាយនៅឡើយ ។
បុរស់ខាងលើបន្តទៀតថា បញ្ហាទាំងអស់នេះ បើសិនជាក្រុមហ៊ុនមិនចេញមុខដោះស្រាយអោយទាន់ពេល លោក នឹងដាក់ពាក្យបណ្ដឹងតាមរយះមន្ត្រីកុងសុលដែលប្រចាំខេត្តស្រះកែវប្រទេសថៃអោយជួយរកយុត្តិធម៌ និងចោទពី បទជួញដូរមនុសឆ្លងដែន និងឆបោកខុសច្បាប់ ព្រោះក្រុមហ៊ុននេះធ្វើលិខិតឆ្លងដែនបោកប្រាស់ ថែមទាំងទាមទារជំងឺ ចិត្ត ៦០ លានរៀលទៀតផង។
ចំពោះខាងក្រុមហ៊ុន (CDM) អ្នកសារព័ត៌មានយើងព្យាយាមសុំការបំភ្លឺដែរ តែទូរស័ព្ទពុំអាចធ្វើទំនាក់ទំនងបាន ៕
