រថយន្ត ដឹកឈើ របស់ ក្រុមហ៊ុន ទ្រីភាព ដឹកជញ្ជូន ឈើយ៉ាង សកម្ម ទាំងយប់ ទាំងថ្ងៃ ចេញឃ្លាំង ស្តុកឈើ នៅភូមិ តាវែងលើ ឃុំតាវែងលើ ស្រុកតាវែង ខេត្តរតនៈគីរី និងដឹកចេញ ពីភូមិ កាចូន ឃុំកាចូន ស្រុកវើនសៃ ខេត្តរតនៈគីរី ទៅកាន់ឃ្លាំង របស់ ក្រុមហ៊ុន ទ្រីភាព មួយទៀត ភូមិប៉ក់ញ៉ៃ ឃុំប៉ក់ញ៉ៃ ស្រុកអូយ៉ាដាវ នៅជាប់ ព្រំប្រទល់ វៀតណាម ដើម្បីកែច្នៃ ជាខ្នាត សម្រាប់ ដឹកទៅ ប្រទេស វៀតណាម ។ បើទោះបី ជាឈើដែលនៅសល់ ក្រោយពី គណៈកម្មាធិការ ត្រួតពិនិត្យ ត្រូវបាន បិទក៏ដោយ ក៏ឈើនេះ គឺជាឈើ ខុសច្បាប់ ដែលដឹក ចូលពីតំបន់ ហាមឃាត់ នានាដូចជា ឃ្លាំងវើនសៃ ត្រូវបានដឹក ឆ្លងតាម ទន្លេវើនសៃ ដែលជាព្រៃ ហាមឃាត់មួយគឺសួន ឧទ្យានជាតិ វរៈជ័យ ដែលត្រូវ បានហាម ឃាត់ដោយ ព្រះមហាក្សត្រ នៅពេល ដឹកឬក៏ ស្ទូចម្តងៗ គួរណាស់តែ មានសមត្ថកិច្ច វាស់និង ត្រួតពិនិត្យ កំណត់ ចំនួន ម៉ែត្រគូប ឲ្យបាន ត្រឹមត្រូវ ផងដែរ តែហេតុអ្វី ក៏គ្មាន សមត្ថកិច្ច ណាម្នាក់ មកក្បែរសោះ ៕
