ដោយ ៖ ជាតិ
លោក សៅ ប៊ុនរិទ្ធ ប៉ូលីស អន្តោប្រវេសន៍ច្រកទ្វារអន្តរជាតិដូង ។ បច្ចុប្បន្នកំពុងត្រូវ ប៉ាន់តាមរយៈបើកឱ្យពលករខ្មែរ ចំណាកស្រុកចេញទៅរកការ ងារធ្វើនៅក្នុងប្រទេសថៃ ដោយខុសច្បាប់ជាថ្នូរនឹងការ ទទួលបានលុយចែកគ្នាដាក់ ហោប៉ៅផ្ទាល់ខ្លួន ។
សេចក្តីរាយការណ៍អះអាង ថា លោកសៅ ប៊ុនរិទ្ធ ប្រធាន នគរបាលផ្នែកអន្តោប្រវេសន៍ ច្រកទ្វារជាតិដូងមានកម្លាំង ក្រោមការគ្រប់គ្រងបើកច្រក របៀងមួយទៀតដែលគេនិយម ដាក់ឈ្មោះថាច្រកដើមចាន់គីរី ស្ថិតនៅខាងលិចច្រកដូង ឃុំ បឹងរាំង ស្រុកកំរៀង ខេត្តបាត់ ដំបង ។
ក្រុមប៉ូលិសអន្តោប្រវេសន៎៍ របស់លោក សៅ ប៊ុនរិទ្ធ កំពុងតែប្រមូលប្រាក់ពីពលករ ចំណាកស្រុកដែលមានបំណង វិលត្រឡប់មកពីធ្វើការនៅ ប្រទេសថៃវិញ ក្នុងម្នាក់ៗ ៣០០បាត និងចេញទៅធ្វើ ការនៅប្រទេសថៃដោយខុស ច្បាប់តាមរយៈមេខ្យល់ក្នុងម្នាក់ៗ ចាប់ពី ២០០០បាត ទៅ ២៥០០បាត ។
សេចក្តីរាយការណ៍បានឱ្យ ដឹងថា ពលករចំណាកស្រុក ដែលត្រឡប់មកវិញក្នុងម្នាក់ៗ ត្រូវបានទាហានថៃ ទារប្រាក់ ២០០បាត និងត្រូវបានក្រុម ប៉ូលិសអន្តោប្រសេវន៍របស់ លោក សៅ ប៊ុនរិទ្ធ ទាមទារ ប្រាក់ចំនួន ៣០០បាតបន្ថែម ទៀត ទើបឱ្យចូលមកទឹកដី កំណើតរបស់ខ្លួនវិញ ។
ពលករខ្មែរប្រសិនបើមិន បង់លុយទៅឱ្យក្រុមប៉ូលិស លោក សៅ ប៊ុនរិទ្ធ គឺមិនអាច ចូលមកស្រុកកំណើតទាន់ពេល វេលានោះទេគឺត្រូវបានអាជ្ញាធរទាហានរបស់ថៃ គំរាមចាប់ វាយដំមិនខានប្រសិនបើយឺត យ៉ាវនោះ ដោយខ្លាចអំណាច សៅ ប៊ុនរិទ្ធ ពលករបានសម្រេច ចិត្តបង់លុយឱ្យទៅក្រុមប៉ូលិស អន្តោប្រវេសន៍រូបនោះតាម រយៈមេខ្យល់របស់ពួកគេ ។
បើតាមសេចក្តីរាយការណ៍ បានបញ្ជាក់បន្ថែមថា លោក សៅ ប៊ុនរិទ្ធ ដាក់បណ្តាញមេ ខ្យល់របស់ខ្លួនជាច្រើននាក់ ដើម្បីប្រមូលលុយយ៉ាងស្ងាត់ៗ ទើបមិនល្បីដល់ខាងអង្គការ ប្រឆាំងអំពើពុករលួយនេះគឺជា យុទ្ធវិធីថ្មី ដែលពួកគេនាំគ្នា ច្របាច់.កពលករក្រីក្រចំណាក ស្រុកតាមច្រករបៀងតូចៗដែល មួយថ្ងៃៗមានយ៉ាងតិចចំនួន ២០០នាក់ ។ ប្រភពបន្តថា ពលករខ្មែរត្រូវក្រុមប៉ូលិសអន្តោប្រវេសន៍ដែលជាកូនចៅ លោក សៅ ប៊ុនរិទ្ធ ប្រើប្រាស់ ពាក្យគំរាមចាប់បញ្ជូនទៅស្នង ការខេត្តបាត់ដំបងដាក់គុក បើ មិនធ្វើតាមការបង្គាប់របស់មេ ខ្យល់នោះ ៕
