ដោយ ៖ រ៉ាយ ភុន
ដោយទទួលបានព័ត៌មាន ស្តីពីគោលនយោបាយឈ្នះឈ្នះរបស់សម្តេចនាយករដ្ឋមន្ត្រី ហ៊ុន សែន កងពលតូចលេខ ៧១ ដែលឈរជើងនៅស្រុក វាលវែង ខេត្តពោធិ៍សាត់ បាន សម្រេចធ្វើសមាហរណកម្មចុះ ចូលជាមួយរាជរដ្ឋាភិបាលក្នុង ឆ្នាំ ១៩៩៦ ។ នៅក្នុងអំឡុងឆ្នាំ ១៩៩៧ សម្តេចនាយករដ្ឋមន្ត្រី បានចុះទៅប្រកាសនយោបាយ ឈ្នះ-ឈ្នះ នៅស្រុកសំឡូត ខេត្តបាត់ដំបង ដើម្បីផ្តល់នូវ ទំនុកចិត្តដល់កងទ័ពធ្វើសមាហរណកម្មថា ទី១-គឺធានា អាយុជីវិត, ទី២-គឺធានាមុខ តំណែង និងការងារ, ទី៣-គឺ ធានាទ្រព្យសម្បត្តិ និងកម្មសិទ្ធិ ដីធ្លី ជូនដល់ក្រុមគ្រួសារកងទ័ព ធ្វើសមាហរណកម្ម ។
ផ្អែកតាមគោលការណ៍ ឈ្នះ-ឈ្នះរបស់ប្រមុខរាជរដ្ឋា ភិបាលនេះហើយនៅឆ្នាំ២០០០ ខ្ញុំបាទឈ្មោះ គឹម ពៅ មេ-បញ្ជាការកងពលតូចលេខ ៧១ បានឯកភាពគ្នាដាក់ពាក្យ ស្នើសុំគ្រប់គ្រងដីធ្វើអភីវឌ្ឍន៍ របស់កងពលតូចលេខ ៧១ នៅតាមបណ្តោយផ្លូវជាតិលេខ ៥៦ចាប់ពីចំណុចអូរលាក់មាស ដល់ច្រកព្រាលស្ថិតក្នុងឃុំប្រម៉ោយ ស្រុកវាលវែង ដើម្បី បែងចែកដល់គ្រួសារកងទ័ព ១០៥២គ្រួសារ ។
សំណើនេះត្រូវបានឯកឧត្តម អ៊ុង សាម៉ី អតីតអភិបាលខេត្ត ពោធិ៍សាត់ ឯកភាពយល់ព្រម ឱ្យដីតំបន់នេះជូនកងទ័ពកសាង គ្រួសារកងទ័ពវិញយោងលើ រដ្ឋាភិបាលរំសាយកងទ័ពផង ។
ផ្អែកតាមចំណារអតីតអភិ បាលខេត្តពោធិ៍សាត់ នៅថ្ងៃទី ៣០ ខែសីហា ឆ្នាំ២០០៨ លោកមេឃុំប្រម៉ោយឈ្មោះ ចាន់ ដាន បានចុះហត្ថលេខា និងប្រថាប់ត្រាឯកភាពនៅថ្ងៃ ទី ១៤ ខែមីនា ឆ្នាំ២០០១ ។
ពាក្យស្នើសុំគ្រប់គ្រងដីនេះ ត្រូវបាន លោក អួន យ៉ង់ អភិបាលស្រុកវាលវែងចុះហត្ថលេខា និងប្រថាប់ត្រាឯកភាពតាម សំណើ ដែលបានចុះបញ្ជីលេខ ០៣១ សវវ ចុះថ្ងៃទី ១៤ ខែ មីនា ឆ្នាំ២០០១ ផងដែរ ។
សម្តេចនាយករដ្ឋមន្ត្រី ហ៊ុន សែន ជាទីគោរពដ៏ខ្ពង់ខ្ពស់ !
តំណាងកងពលតូចលេខ ៧១ដែលតែងតែមានស្វាមីភក្តិ ចំពោះសម្តេចនិងផ្តល់ក្តីសង្ឃឹម លើគោលនយោបាយឈ្នះ-ឈ្នះ ទាំងបីចំណុចត្រូវទទួលរងនូវ ការរំលោភបំពានពីសំណាក់ ស្ថាប័នរដ្ឋបាលព្រៃឈើខេត្ត ឃុបឃិតជាមួយអាជ្ញាធរដែនដី ក្នុងដែនអំណាចឯកឧត្តម ឆាយ សារ៉េត អភិបាលខេត្តពោធិ៍ សាត់បានរៀបចំផែនទីលើ ទីតាំងកងពលតូចលេខ ៧១ ឱ្យស្ថិតនៅក្នុងតំបន់ព្រៃបម្រុង ទុកអចិន្ត្រៃយ៍ផ្នែករដ្ឋបាលព្រៃ ឈើស្រុកវាលវែង ។ ប៉ុន្តែស្ថិត នៅក្នុងស្ថានភាពពិតជាក់ស្តែង គឺស្ថាប័នរដ្ឋបាលព្រៃឈើនិង អាជ្ញាធរដែនដីឃុបឃិតគ្នា បែងចែកដីនេះទៅឱ្យបក្ខពួក ខ្លួនតែប៉ុណ្ណោះ ។
ស្ថិតក្នុងអំណាច ឯកឧត្តម ខូយ សុខា ជាអភិបាលខេត្តពោធិ៍សាត់នាឆ្នាំ២០១១ បាន រៀបចំផែនទីបង្ហាញទីតាំង គម្រោងសម្បទានដីសង្គមកិច្ច ឃុំប្រម៉ោយ ស្រុកវាលវែង លើដីគ្រួសារកងពលតូចលេខ ៧១ ក្នុងចេតនាផ្តាច់ចេញពី ការគ្រប់គ្រងរបស់គ្រួសារកង ទ័ព ប៉ុន្តែដោយរាជរដ្ឋាភិបាល ស្វែងយល់ពីការពិតបានចេញ អនុក្រឹត្យស្ថិតក្នុងឧបសម្ព័ន្ធលេខ ២៥៣ ដែលមានទំហំ ២៥៨៨ ហិកតាស្ថិតនៅក្នុងឃុំប្រម៉ោយ ស្រុកវាលវែងសម្រាប់ធ្វើសម្ប ទានដីសង្គមកិច្ចជូនអតីតកង កម្លាំងប្រដាប់អាវុធនិងគ្រួសារ។
ក្រោយអនុក្រឹត្យដោយ សម្តេចអគ្គមហាសេនាបតីតេ ជោ ហ៊ុន សែន ចុះថ្ងៃទី ៣ ខែ វិច្ឆិកា ឆ្នាំ២០១១ គ្រួសារកង ទ័ព នៃកងពលតូចលេខ ៧១ ត្រូវបានទទួលរងនូវការបណ្តេញ ចេញពីដីសម្បទានសង្គមកិច្ច រហូតចាប់ខ្លួនកងទ័ពដែលរស់ នៅលើដីសម្បទានសង្គមកិច្ច ដាក់គុកបង្ខំឱ្យផ្តិតមេដៃដើម្បី បញ្ឈប់ទៅរស់នៅលើដីនោះ តទៅទៀត ។
ដើម្បីធានាដល់គោនយោ បាយឈ្នះ-ឈ្នះ របស់សម្តេច នាយករដ្ឋមន្ត្រីរហូតទទួលបាន សន្តិភាពនៅទូទាំងប្រទេស តំណាងឱ្យកងពលតូចលេខ៧១ ដែលបានផ្តាច់ខ្លួនធ្វើសមាហរណកម្មចុះចូលជាមួយរាជរដ្ឋា ភិបាលតាំងពីឆ្នាំ១៩៩៦ ស្នើសុំ កិច្ចអន្តរាគមន៍ពីសម្តេចលើការ បែងចែកដីសម្បទានសង្គមកិច្ច ដែលអនុវត្តដោយអាជ្ញាធរខេត្ត ជូនអតីតកងកម្លាំងប្រដាប់អាវុធ និងគ្រួសារដែលបច្ចុប្បន្នបង្ហាញ ពីសញ្ញារំលោភលើអនុក្រឹត្យ ដោយបានឃុបឃិតគ្នាយកដី សម្បទានសង្គមកិច្ចសម្រាប់ អតីតកងកម្លាំងប្រដាប់អាវុធ ទៅពុះចែកគ្នាលក់ថែមទៀត ផង ៕
