ដោយ ៖ នង ណេត
បន្ទាប់ពីក្រុមហ៊ុន សៀងហៃ រីសត មិនព្រមគោរពតាម កិច្ចសន្យា ដែលបានធ្វើឡើង កាលពីថ្ងៃទី ០៤ ខែមករា ឆ្នាំ ២០១៥ ដោយបញ្ជាក់យ៉ាង ច្បាស់ថា ក្រោយពីចាក់ដី បំពេញការដ្ឋានរបស់ក្រុមហ៊ុន រូបខ្ញុំបាទចាក់បំពេញដីភ្លឺភ្លោះ ដែល មានទំហំបណ្តោយចំនួន ១០ម៉ែត្រ ទទឹងដូចដើមវិញ ។ ប៉ុន្តែរហូតមកដល់ពេលនេះគឺ មានរយៈពេលជាងមួយឆ្នាំទៅ ហើយ គឺក្រុមហ៊ុន សៀង ហៃ រីសត មិនត្រឹមតែមិនបានគោរព តាមកិច្ចសន្យាដែលបានធ្វើ ឡើងនៅផ្ទះជនរងគ្រោះដោយ មានមន្ត្រីប៉ុស្តិ៍ និងចៅសង្កាត់ ចូលរួមផ្តិតមេដៃ និងចុះហត្ថលេខានិងប្រថាប់ត្រាដោយ ចៅសង្កាត់ច្រកម្ទេសថែមទៀត ផង ។
អាចនិយាយបានថា ក្រុម ហ៊ុន សៀង ហៃ រីសត ដែល មិនគោរពកិច្ចសន្យាតាមផ្លូវ ច្បាប់ គឺជាបទល្មើសរួចស្រេច ទៅហើយ ។ ប៉ុន្តែមិនដឹងថា មានការឃុបឃិតពីអាជ្ញាធរ ក្រុងបាវិតឬយ៉ាងណានោះ ឡើយ ស្រាប់តែនៅថ្ងៃទី ០២ ខែមីនា ឆ្នាំ២០១៦ វេលាម៉ោង ១ និង៣៩នាទីរសៀល លោក ជូ ខេមរិទ្ធិ ជាមន្ត្រីសា លាក្រុងបាវិតកាន់លិខិតបញ្ជាក់ លេខ១៥ ច.ប ឆ្នាំ២០១៥ដែល ចុះហត្ថលេខាដោយអភិបាល ខេត្ត ជៀង អំ តាមកម្មវត្ថុុ សំណើសុំជីកស្រះស្តុកទឹករបស់ ឈ្មោះ ទួន ធីធៀង តាមរយៈ មេភូមិសាលាទាន លោកចៅ សង្កាត់ច្រកម្ទេស និងអភិបាល ក្រុងបាវិត លោក សេង សិលា។
នៅក្នុងលិខិតបញ្ជាក់របស់ អតីតអភិបាលខេត្ត ជៀង អំ ទី១ គឺស្នើអនុវត្តត្រឹមត្រូវតាម ច្បាប់, ទី២-សម្របសម្រួលជា មួយប្រជាពលរដ្ឋកុំឱ្យមានទំនាស់ទី៣-ទំនាក់ទំនងជាមួយស្ថាប័ន ជំនាញ ។ ផ្ទុយទៅវិញលោក ជូ ខេមរិទ្ធិ បែរជាបង្ហាញត្រា ដែលចុះហត្ថលេខាដោយអតីត អភិបាលខេត្ត ជៀង អំ មក គំរាមលោក សំ សារិទ្ធិ ដែល កំពុងដាក់ពាក្យប្តឹងទាមទារឱ្យ ក្រុម ហ៊ុន សៀង ហៃ រីសត គោរពកិច្ចសន្យាលុបផ្លូវភ្លឺភ្លោះ ដើម្បីអាចធ្វើដំណើរទៅបង្ក បង្កើនផលលើដីស្រែរបស់ខ្លួន ទៅវិញ ។
បើធ្វើជាចៅហ្វាយក្រុង បាវិតអត់ទាំងចេះមើលចំណារ អភិបាលខេត្តផងនោះ គឺពិតជា គួរឱ្យខ្មាសអៀនខ្លាំងពេកណាស់ សម្រាប់ការតែងតាំងមនុស្ស អសមត្ថភាពដូចលោក សេង សីលា ឱ្យកាន់ការងារជាអភិបាលក្រុងដែលពោរពេញទៅ ដោយតំបន់សេដ្ឋកិច្ចបែបហ្នឹង! ព្រោះចំណារអតីតអភិបាល ខេត្ត ជៀង អំ នៅក្នុងចំណុច ទី១ ស្នើអនុវត្តត្រឹមត្រូវតាមច្បាប់ ដូច្នេះភ្លឺភ្លោះដែលកើតមាន តាំងពីរបបប៉ុល ពត បានក្លាយ ជាផ្លូវធ្វើដំណើររបស់ប្រជាពលរដ្ឋជិត ៤០ឆ្នាំទៅហើយ តើអាចជីកស្រះផ្តាច់ផ្លូវបាន ដោយរបៀបណា?។ ចំណុចទី ២ គឺអតីតអភិបាលខេត្ត ជៀង អំ ចារអោយមានការសម្រប សម្រួលជាមួយប្រជាជនកុំឱ្យ មានទំនាស់មិនមែនឱ្យយកហត្ថ លេខា និងប្រថាប់ត្រារបស់ អភិបាលខេត្តមកគំរាមប្រជាជន ថា អភិបាលខេត្តបានសម្រេច ឱ្យជីកស្រះផ្តាច់ផ្លូវធ្វើដំណើរ របស់ប្រជាពលរដ្ឋឯណា ? ។
សកម្មភាពអាជ្ញាធរដែល ម្តងមកបោកបញ្ឆោតប្រជាពលរដ្ឋថា ជាដីក្រុមហ៊ុនរួចធ្វើ កិច្ចសន្យាដើម្បីជីកផ្តាច់ផ្លូវភ្លោះ ទំហំ ១០ម៉ែត្រ ក្រោមហេតុ ផលអាចឱ្យឡានដឹកដីអាច បើកបរដឹកចាក់ការដ្ឋានរបស់ ក្រុមហ៊ុន ។ ក្រោយមកប្រើ ឈ្មោះឯកជនតាមរយៈអាជ្ញាធរភូមិ-សង្កាត់-ក្រុង ដាក់ជូន ទៅចៅហ្វាយខេត្តសម្រេច ប៉ុន្តែដោយឯកឧត្តម ជៀង អំ ធ្លាប់ធ្វើចៅហ្វាយខេត្ត តាំងពី កំពង់ធំ, កំពង់ចាម រហូតដល់ ខេត្តស្វាយរៀងធ្លាប់មានបទ ពិសោធន៍ទៅលើល្បិចកលនិង ការឃុបឃិតរបស់ថ្នាក់ក្រោម ទើបសម្រេចមិនឱ្យមានការ រំលោភបំពានទៅលើសិទ្ធិប្រកបរបររបស់ប្រជាពលរដ្ឋ ។
រហូតមកដល់ពេលនេះ លោក សំ សារិទ្ធិ បានដាក់ ពាក្យបណ្តឹងចូលក្រសួងទំនាក់ ទំនងរដ្ឋសភា-ព្រឹទ្ធសភា និង អធិការកិច្ចដើម្បីឱ្យអាជ្ញាធរ ក្រុងបាវិតអនុវត្តកិច្ចសន្យាលុប ផ្លូវវិញជាបន្ទាន់ ព្រោះជារដូវ ធ្វើស្រែដែលគ្រួសារលោក សំ សារិទ្ធិ ត្រូវបង្កបង្កើនផលឱ្យ ទាន់ពេលវេលា ។
មានការអះអាងថា បើ អាជ្ញាធរក្រុងបាវិតមិនប្រើអំណាចដើម្បីផលប្រយោជន៍ទេ នោះ គឺពិតជាគ្មានការរំលោភ បំពានមកលើប្រជាពលរដ្ឋបែប ហ្នឹងដែរ ។ ហើយការកោះ ប្រជុំពីអភិបាលក្រុងតាមការ បង្គាប់របស់ក្រសួងទំនាក់ទំនង រដ្ឋសភា-ព្រឹទ្ធសភា និងអធិការកិច្ចនាពេលថ្មីៗនេះ គឺធ្វើ បង្គ្រប់កិច្ចដោយគ្មានចៅហ្វាយក្រុងនិងអភិបាលក្រុងចូលរួម ឡើយ ៕
