ដោយ ៖ រ៉ាយ ភុន
លិខិតរដ្ឋសភាជម្រាបជូន ឯកឧត្តម ម៉ៅ ធនិន អភិបាល ខេត្តពោធិ៍សាត់ តាមកម្មវត្ថុសុំ អន្តរាគម៍ផ្អាកការឈូសឆាយ បណ្តោះអាសន្នរបស់ក្រុមហ៊ុន ឌ្សំ ជ្បៀឡតដ ទៅលើដីទំនាស់ ដែលមានទីតាំងស្ថិតនៅភូមិ សង្គមថ្មី ភូមិកណ្តាល និងភូមិ ឯកភាព ឃុំថ្មដា ស្រុកវាលវែង ខេត្តពោធិ៍សាត់ តាំងពីថ្ងៃទី ០៣ ខែធ្នូ ឆ្នាំ២០១៤ ហាក់ពុំ មានចំណាត់ការជូនប្រជាពលរដ្ឋ ឡើយ ។
ចំណែកលិខិតក្រសួងមហា ផ្ទៃ សំណើសុំអន្តរាគមន៍ផ្អាក ការឈូសឆាយបណ្តោះអាសន្ន របស់ក្រុមហ៊ុន ឌ្សំ ជ្បៀឡតដ ទៅលើដីទំនាស់ដែលមានទីតាំងស្ថិតនៅភូមិសង្គមថ្មី ភូមិ កណ្តាល និងភូមិឯកភាព ឃុំ ថ្មដា ស្រុកវាលវែង ខេត្តពោធិ៍-សាត់ ជម្រាបជូន ឯកឧត្តម អភិបាលខេត្តពោធិ៍សាត់ ក៏ ហាក់ស្ថិតនៅក្នុងអាថ៌កំបាំង នៅឡើយដែរ ។
ករណីទំនាស់ដីធ្លីខាងលើ អាជ្ញាធរជាតិដោះស្រាយទំនាស់ ដីធ្លីក៏បានចេញលិខិតលេខ ០៦៧ ជម្រាបជូន ឯកឧត្តម រដ្ឋមន្ត្រីក្រសួងបរិស្ថាន ដើម្បីសុំ ឆ្វៀលដីទំហំ ២៣៣ហិកតា ៥០អា ស្ថិតនៅភូមិសង្គមថ្មី ភូមិកណ្តាល និងភូមិឯកភាព ឃុំថ្មដាផ្អែកតាមបណ្តឹងប្រជា ពលរដ្ឋ ២៨គ្រួសារផងដែរ ។ ព្រោះដីដែលពួកគាត់កាន់កាប់ គឺអាជ្ញាធរដែនដីបានបែងចែក ដីលំនៅដ្ឋាន និងដីកសិកម្មជូន ប្រជាពលរដ្ឋព្រមទាំងឱ្យប្រជា ពលរដ្ឋធ្វើពាក្យស្នើសុំកាន់កាប់ ប្រើប្រាស់ដីធ្លីថែមទៀតផង ។
ទោះបីជាមានការអន្តរាគមន៍ពីរដ្ឋសភានិងក្រសួងមហា ផ្ទៃ រួមទាំងអាជ្ញាធរជាតិដោះ ស្រាយទំនាស់ដីធ្លីយ៉ាងសកម្មក៏ ពិតមែន ! ប៉ុន្តែក្រុមហ៊ុនំឌ្ស ជ្បៀឡតដនៅតែអាចឈូសឆាយ ផ្ទះប្រជាពលរដ្ឋនិងផលដំណាំ ដោយមានកិច្ចការពារពីសមត្ថ កិច្ចនគរបាលនិងកងរាជអាវុធហត្ថក្នុងខេត្តទៅវិញ ។
មានការចោទសួរថា បើ ស្ថាប័នរដ្ឋសភាជាតិរួមទាំង ក្រសួងមហាផ្ទៃ និងអាជ្ញាធរ ជាតិដោះស្រាយទំនាស់ដីធ្លី ចេញលិខិតអន្តរាគមន៍ហើយ គ្មានទទួលបានប្រសិទ្ធភាពអ្វី ទាំងអស់ បង្ខំឱ្យពលរដ្ឋដែល ធ្លាប់រស់នៅមានផ្ទះសមរម្យ ត្រូវជំលៀសខ្លួនទៅរស់នៅក្នុង វត្តថ្មដាទៅហើយនោះតើអាច ចាត់ទុកបានថា អាជ្ញាធរខេត្ត ពោធិ៍សាត់ជាអ្នកធានាដល់ សុខទុក្ខពលរដ្ឋបានដោយរបៀប ណា… ? ។
ប្រជាពលរដ្ឋដែលរស់នៅ ក្នុងឃុំថ្មដា ហាក់បាត់បង់ជំនឿ ទៅលើស្ថាប័នរដ្ឋធំៗរួមមាន ស្ថាប័នរដ្ឋសភា ក្រសួងមហាផ្ទៃ និងអាជ្ញាធរជាតិដោះស្រាយ ទំនាស់ដីធ្លីស្ទើរតែទាំងស្រុង ទៅហើយ ។ ព្រោះបើផ្អែកលើ ហត្ថលេខានិងប្រថាប់ត្រាចេញ ពីស្ថាប័នកំពូលរបស់ជាតិទាំង ៣ហាក់ពុំបានជំរុញឱ្យអាជ្ញាធរ ដែនដីខេត្តពោធិ៍សាត់គោរព និងអនុវត្តតាមនោះឡើយ ។ ដោយនាំគ្នាចោទសួរទាំងអស់ សង្ឃឹមថា បញ្ហាដែលមិនអាច ដោះស្រាយបាន គឺលុយរបស់ ក្រុមហ៊ុន ឌ្សំ ជ្បៀឡតដ ដែល មានឧកញ៉ា ទ្រី ភាព ជាប្រធាន នេះតែម្តង ដែលធ្វើឱ្យបាត់បង់ ប្រសិទ្ធភាពអំណាចរដ្ឋសភា, អំណាចក្រសួងមហាផ្ទៃ និង អំណាចអាជ្ញាធរជាតិដោះ ស្រាយទំនាស់ដីធ្លីត្រូវប្រជាពល រដ្ឋអស់ទំនុកចិត្ត ។ ប្រសិនបើ គោលនយោបាយកែទម្រង់ស៊ី ជម្រៅមាននៅក្នុងតែក្រដាស ដោយពុំមានការអនុវត្តទេនោះ ពិតជាមិនអាចធ្វើឱ្យមានការ កែប្រែអ្វីនោះឡើយ ៕
