ដោយ ៖ ជាតិ
ដោយកំណើនយានយន្តក្នុង រាជធានីភ្នំពេញ មានការកើន ឡើងបង្កការកកស្ទះជារៀង រាល់ថ្ងៃ លោក ប៉ា សុជាតិវង្ស អភិបាលរាជធានីភ្នំពេញបាន ដាក់ឱសានវាទតាំងពីឆ្នាំ២០១៥ តម្រូវឱ្យក្រុមហ៊ុនរថយន្តក្រុង ត្រូវស្វែងរកទីតាំងបេនឡាន នៅជាយក្រុងឱ្យបានមុនឆ្នាំ ២០១៦ ។ បទបញ្ជានេះត្រូវ បានវិទ្យុ និងទូរទស្សន៍រួមទាំង កាសែតជាច្រើនធ្វើការចុះផ្សាយ ដោយចាត់ទុកវិធានការខាង លើពិតជាអាចកាត់បន្ថយការ កកស្ទះចរាចរណ៍បានមួយផ្នែក ផងដែរ ។
បច្ចុប្បន្ននេះឈានដល់ពាក់ កណ្តាលខែ៣ ឆ្នាំ២០១៦ ទៅ ហើយ ប៉ុន្តែបើរំលឹកដល់បទ បញ្ជាលោកអភិបាលរាជធានី កាលពីឆ្នាំ២០១៥ វាហាក់បី ដូចជាស្ងាត់ឈឹងរហូតមានការ លើកឡើងនៅតាមតុកាហ្វេជា ច្រើនក្នុងរាជធានីភ្នំពេញថា លោកអភិបាល ប៉ា សុជាតិវង្ស គាត់ភ្លេច ឬត្រូវក្រុមហ៊ុនឡាន ក្រុងគាត់បិទមាត់ ទើបបទ បញ្ជាក្តៅគគុកដែលទទួលបាន ការគាំទ្រពីប្រជាពលរដ្ឋក្នុង រាជធានីត្រូវស្ងាត់បែបហ្នឹង ។
ទោះបីថា បទបញ្ជាវាពុំ មែនជាច្បាប់ដែលទទួលបាន ការអនុម័តពីរដ្ឋសភាក៏ពិតមែន ប៉ុន្តែវាគឺជាទស្សនៈយល់ឃើញ ក្នុងដែនសមត្ថកិច្ចអាជ្ញាធរក្នុង ការរៀបចំកែលម្អអោយមាន សណ្តាប់ធ្នាប់ដើម្បីសម្រួលដល់ ការធ្វើដំណើរឱ្យកាន់តែមាន ភាពល្អប្រសើរឡើង ។ ចុះបើ បទបញ្ជាដែលប្រកាសក្តែងៗ លើចំណាត់ការអ្វីមួយពីថ្នាក់ ដឹកនាំហើយក៏ស្ងាត់សូន្យឈឹង ទៅវិញ ដោយពុំបានទាំង បញ្ជាក់លើមូលហេតុអ្វីទាំងអស់ បែបហ្នឹង តើអាចជាទម្លាប់ធ្វើ ឱ្យប្រជាពលរដ្ឋក្នុងរាជធានី ដែលមានមនុស្សរស់នៅរាប់ លាននាក់លែងចង់ស្តាង់បទ បញ្ជាធំៗដែលតម្រូវឱ្យមានការ អនុវត្តដោយខានពុំបានពីថ្នាក់ ដឹកនាំរាជធានីឬយ៉ាងណា ?។
មានការលើកឡើងថាការ ចេញបទបញ្ជាអ្វីមួយដោយពុំ បានអនុវត្តជាក់ស្តែងគួរណាស់ សាលារាជធានីភ្នំពេញ ត្រូវបក ស្រាយភ្លាមៗដើម្បីបញ្ជាក់ពី មូលហេតុដែលមិនអាចឈាន ទៅសម្រេចបាន ព្រោះបទ បញ្ជាដែលដាក់ចេញនូវឱសាន វាទបែបហ្នឹង ចង់មិនចង់មហា ជនគាត់យល់ច្រឡំថា គឺបទ បញ្ជាដែលប្រើអំណាចទៅ គាស់ ឬគៀបក្រុមហ៊ុនឡាន ក្រុងដែលអាចនាំឱ្យប៉ះពាល់ ដល់កិត្តិនាមថ្នាក់ដឹកនាំសាលា ក្រុងថែមទៀតផង ៕
