ប្រភេទឡាន យីឌុបម៉ាក ហ៊ីយុនដាយ ផ្ទុកឈើ ប្រណិត ជាច្រើនគ្រឿង បានធ្វើដំណើរ ចេញពីខេត្ត មណ្ឌលគិរី ឆ្លងកាត់ ភ្នំព្រិច ក្នុងទឹកដី ស្រុកស្នួល រួចបន្តដំណើរ ទៅច្រកដារ ក្នុងស្រុកមេមត់ ត្រូវបានគេ អះអាងថា ជារបស់ ឧកញ៉ា លឹម ប៊ុណ្ណា, ឧកញ៉ា សឹង សំអុល និងឧកញ៉ា ថៃ ។ មេឈ្មួញឈើឧកញ៉ា សឹង សំអុល មានមេការ ឈ្មោះ ខុន ជាមន្ត្រីPM ៧០២ ជាអ្នករត់ការ បង់លុយ ឲ្យក្រុម ទូរទស្សន៍ និងអ្នក កាសែត ។ ចំណែក មេការ ឧកញ៉ា លឹម ប៊ុណ្ណា មានឈ្មោះ ភ័ក្ត្រ ជាអ្នករត់ការ បង់លុយឲ្យ ក្រុមទូរទស្សន៍ និងអ្នកកាសែត ។
សកម្មភាព ឧក្រិដ្ឋកម្ម ព្រៃឈើ របស់មេឈ្មួញ ឧកញ៉ាទាំងបី ត្រូវបាន ប្រជាពលរដ្ឋ នៅច្រកអន្តរជាតិដារ បញ្ជាក់ ឲ្យដឹងថា សមត្ថកិច្ច បានបើកបារ៉ាស់ ឲ្យឡានដឹកឈើ ខុសច្បាប់ ដឹកចេញទៅ វៀតណាម ទាំងយប់ ។ ផ្ទុយទៅវិញ ប្រជាពលរដ្ឋ ដែលដឹក ដំឡូងមី និងកសិផល ផ្សេងៗគឺ ត្រូវបានមេគយ ប្រចាំច្រកដារ មិនអនុញ្ញាតិ ឲ្យដឹកចេញ ទាំងយប់ឡើយ ក្រោមហេតុផល ថាច្បាប់ មិនបានអនុញ្ញាតិ ទៅវិញ ។
ដោយបទល្មើស ឧក្រិដ្ឋកម្ម ព្រៃឈើ ចេញពី ឧកញ៉ាទាំងបី មានការ ឃុបឃិត ជាមួយ សមត្ថកិច្ច ប្រចាំច្រក ដារនេះហើយ ទើបបទល្មើស ព្រៃឈើ ដែលដឹក ជញ្ជូនតាំងពី ខេត្តមណ្ឌលគិរី ឆ្លងកាត់ស្រុក មេមត់ ខេត្តត្បូងឃ្មុំ ដឹកចេញទៅ វៀតណាម បានដោយគ្មាន កម្លាំងជំនាញ ឬកាសែត ទូរទស្សន៍ ហ៊ានចុះ ផ្សាយឡើយ ៕
ឡានដឹកឈើរបស់ឧកញ៉ាទាំងបី
មេការឈ្មោះ ភ័ក្ត្រ
មេការឈ្មោះ ខុន
