ដោយ ៖ តែ ណាត
ប្រភេទឈើប្រណីតដែល រងការកាប់បំផ្លាញចេញពីតំបន់ ឧទ្យានជាតិវីរៈជ័យយកមកស្តុក ទុកនៅស្រុកវ៉ឺនសៃរួចបន្តដឹក មកកាន់ទីរួមខេត្តរតនគីរីគឺមាន មេឈ្មួញឈ្មោះ ទូច ដែលស្នាក់ នៅភូមិថ្មីសង្កាត់ឡាបានសៀក ក្រុងបានលុង ដោយប្រើកម្លាំង កងរាជអាវុធហត្ថខេត្តជាអ្នក កាង ។ ព្រោះនៅពេលរថយន្ត ដឹកឈើប្រណីតរបស់ថៅកែ ទូច ដឹកចេញពីស្រុកវ៉ឺនសៃ ឆ្លង កាត់ស្រុកអូរជុំ ឆ្ពោះមកកាន់ ខេត្តរតនគីរី គេសង្កេតឃើញ មានកម្លាំងកងរាជអាវុធហត្ថ តែងធ្វើសកម្មភាពប្រើឡាន ស្ទាក់ឃាត់ឡានអ្នកកាសែតកុំ ឱ្យថតយករូបភាពឡានដឹកឈើ របស់ថៅកែ ទូច ជានិច្ច ។
ទោះបីជាការដឹកឈើប្រណីតរបស់ថៅកែ ទូច តាម រថយន្តមួយបាំងកន្លះ ចេញពី ស្រុកវ៉ឺនសៃ ឆ្លងកាត់ស្រុកអូរជុំ មកកាន់ទីរួមខេត្តរតនគីរី គឺជា ប្រភេទឡានខ្នាតតូចក្តី ប៉ុន្តែ អាចផ្ទុកឈើប្រណីតបានមិន តិចជាង ១០ម៉ែត្រគូបនោះ ឡើយ ។ ដូចឃើញក្នុងរូបភាព នេះស្រាប់ករណីបទល្មើសដឹក ឈើប្រណីតយ៉ាងសំពីងសំពោង បែបហ្នឹង គឺវាជាផ្នែកមួយនៃ បទឧក្រិដ្ឋកម្មព្រៃឈើរួចស្រេច ទៅហើយ ។ ប៉ុន្តែបើពិនិត្យទៅ លើភាពងាយរងគ្រោះដល់អ្នក ដទៃ ដែលផ្តើមចេញពីការដឹក ផ្ទុកលើសចំនួនកំណត់ គឺជាបទ ល្មើសថ្មីមួយផ្សេងទៀតដែល តម្រូវឱ្យមានការទប់ស្កាត់ពី នគរបាលចរាចរផងដែរ ។
ប៉ុន្តែដោយករណីមេឈ្មួញ ឈើប្រណីតឈ្មោះ ទូច មាន ខ្នងបង្អែកជាមន្ត្រីកងរាជអាវុធ ហត្ថខេត្តរតនគីរីនេះហើយទើប ទាំងមន្ត្រីជំនាញរដ្ឋបាលព្រៃ ឈើស្រុក-ខេត្ត រួមទាំងមន្ត្រី នគរបាលចរាចរត្រូវបិទភ្នែកឱ្យ មេឈ្មួញដែលប្រើខ្នងបង្អែកជា កម្លាំងប្រដាប់អាវុធប្រព្រឹត្តបទ ល្មើសថ្នាក់ឧក្រិដ្ឋបាន ដោយ គ្មានការត្រួតពិនិត្យនិងហ៊ាន ចេញមុខទប់ស្កាត់អ្វីទាំងអស់ បែបហ្នឹង ។ ព្រោះសកម្មភាព មន្ត្រីជំនាញដែលចុះបង្ក្រាបបទ ល្មើសព្រៃឈើបានក៏ដោយមាន កិច្ចសហការពីកម្លាំងប្រដាប់ អាវុធនគរបាល និងកម្លាំងកង រាជអាវុធហត្ថស្រុក-ខេត្ត ចុះ បើសកម្មភាពមេឈ្មួញឈើ ប្រណីតដែលមានកម្លាំងកងរាជអាវុធហត្ថខេត្តជាអ្នកការ ពារបទល្មើសបែបហ្នឹងរឿងអី ដែលថាព្រៃឈើនៅខេត្តរតនគីរីមិនវិនាសហិនហោចនោះ ទើបជារឿងដែល ចម្លែក ៕
