ដោយ ៖ គ្រាបជនបទ
លោក យឹង វុឌ្ឍ ជាមន្ត្រី យោធាធ្វើសមាហរណកម្មនៅ ស្រុកវាលវែង ត្រូវបានប្រមុខ រាជរដ្ឋាភិបាលផ្តល់ដីសម្បទាន សង្គមកិច្ចជូនក្រុមគ្រួសារចំនួន ៥ ហិកតា ។ ស្ថិតក្នុងតួនាទីជា កងទ័ពរាជរដ្ឋាភិបាលក្នុងស្រុក វាលវែង លោក យឹង វុឌ្ឍ និង ភរិយាឈ្មោះ ឆែម សុន មាន កូនតូចៗ ២នាក់ ក្នុងបន្ទុក បាន ឆ្លៀតឱកាសអភិវឌ្ឍន៍ដីចំការ ទាំង ៥ហិកតា ដាំដំណាំក្រូច ពោធិ៍សាត់ដើម្បីបង្កើនជីវភាព គ្រួសារស្របតាមគោលនយោ បាយកាត់បន្ថយភាពក្រីក្ររបស់ ប្រមុខរាជរដ្ឋាភិបាល ។
វាពិតជាអកុសល ស្រប ពេលដែលលោក យឹង វុឌ្ឍ ទទួលមរណភាពបន្សល់ទុក ប្រពន្ធជាស្ត្រីមេម៉ាយហើយត្រូវ ចិញ្ចឹមបីបាច់កូនតូចៗ ២នាក់ ទើបតែបានមួយអាទិត្យ ស្រាប់ តែលោក គុច ញ៉ិល មេភូមិ ស្ទឹងថ្មី រួមនឹងបក្ខពួក ឈ្មោះ សេង ផាន បានមកគាស់ទ្វារ ផ្ទះអ្នកស្រី ឆែម សុន ដោយ ប្រកាសរឹបអូសយកដីលំនៅដ្ឋាន និងដីចំការក្រូចទៅឱ្យឈ្មោះ សេង ផាន ស្របពេលម្ចាស់ផ្ទះ ទៅស្នាក់នៅបណ្តោះអាសន្ន ឯខេត្តពោធិ៍សាត់ ។
សកម្មភាពមេភូមិស្ទឹងថ្មី ឈ្មោះ គុច ញ៉ិល ត្រូវបានរង ការរិះគន់ពីសំណាក់ប្រជាពល រដ្ឋនៅឃុំប្រម៉ោយក៏ដូចជានៅ ស្រុកវាលវែង ដោយចោទ លោក គុច ញ៉ិល ថា បានប្រើ អំណាចមេភូមិរំលោភយកដី ពលរដ្ឋដែលទើបស្លាប់ប្តីទៅឱ្យ ឈ្មោះ សេង ផាន ដើម្បីផល ប្រយោជន៍ ។
ករណីរំលោភយកដីលំនៅ ដ្ឋាន និងដីចំការអ្នកស្រី ឆែម សុន ពីសំណាក់មេភូមិស្ទឹងថ្មី លោក គុច ញ៉ិល ទៅឱ្យឈ្មោះ សេង ផាន ត្រូវបានអ្នកស្រី ឆែម សុនប្តឹងមកសាលាឃុំប្រម៉ោយ។ ប៉ុន្តែក្រោមចំណាត់ការមន្ត្រី ក្រុមប្រឹក្សាឃុំឈ្មោះ សេង ផេង បានសម្រេចឱ្យដីចំការ ទៅអោយឈ្មោះ សេង ផាន ពាក់កណ្តាលហើយនៅសល់ ពាក់កណ្តាលទៀត គឺឈ្មោះ សេង ផេង ជាអ្នកយកតែម្តង ។
ផ្អែកតាមពាក្យស្នើសុំកាន់ កាប់ប្រើប្រាស់ដីធ្លីរបស់លោក យឹង វុឌ្ឍ និងប្រពន្ធឈ្មោះ ឆែម សុន ដាក់ជូនការិយាល័យ ភូមិបាលស្រុកវាលវែង ដោយ មានហត្ថលេខានិងប្រថាប់ត្រា ពីមេឃុំប្រម៉ោយ ជាភស្តុតាង អ្នកស្រី ឆែម សុន បានសម្រេច ដាក់ពាក្យប្តឹងមេភូមិស្ទឹងថ្មី ឈ្មោះ គុច ញ៉ិល និងឈ្មោះ សេង ផាន ពីបទរំលោភបំពាន យកដីលំនៅដ្ឋាន និងដីចំការ ក្រូចមកកាន់សាលាដំបូងខេត្ត ពោធិ៍សាត់នាសប្តាហ៍នេះ ។ ព្រោះបើទុកឱ្យមេភូមិស្ទឹងថ្មី ចេះត្រឹមប្រើអំណាចបំពាន ច្បាប់មកលើប្រជាពលរដ្ឋទន់ ខ្សោយបន្តទៅទៀត បញ្ហា ទំនាស់ដីធ្លី គឺពិតជាមិនអាច ដោះស្រាយបញ្ចប់ក្នុងរយៈ ពេលណាមួយបានឡើយ ។
អ្នកស្រី ឆែម សុន រំពឹងថា តុលាការនឹងផ្តល់យុត្តិធម៌ឱ្យរូប គាត់ដែលជាជនរងគ្រោះពីការ រំលោភបំពានរបស់អ្នកមាន អំណាច ជាក់ស្តែងសកម្មភាព អមនុស្សធម៌របស់មេភូមិស្ទឹងថ្មី ឈ្មោះ គុច ញ៉ិល ជាភស្តុតាង ស្រាប់ ព្រោះមេភូមិបំរើរាស្ត្រ ពិតប្រាកដគួរណាស់រៃអង្គាស យកប្រាក់មកចូលបុណ្យស្រប ពេលលោក យឹង វុឌ្ឍ មាន តួនាទីជាកងទ័ព ហើយជាប្តី ស្លាប់មិនមែនប្រើអំណាចស្រប ពេ់លដែលអ្នកស្រី ឆែម សុន រងទុក្ខបាត់ទីពឹងក៏ឆ្លៀតឱកាស ប្រើអំណាចមកគាស់ផ្ទះ ដូច ចោរប្លន់បង្កទុក្ខលំបាកអោយ ប្រជាពលរដ្ឋបន្ថែមលើទុក្ខជាន់លើទុក្ខនោះទេ ៕
