ដោយ ៖ សុខ រដ្ឋា
ថ្មីៗនេះប្រមុខរាជរដ្ឋាភិបាល បានជម្រុញអោយក្រសួង យុត្តិធម៌ត្រូវពិនិត្យទៅលើទណ្ឌិត ក្នុងបទលួចប្លន់ប្រដាប់អាវុធ ដោយចាត់ទុកករណីប្លន់គឺជា សមាសភាពមុខសញ្ញា ដែល ទើបរួចចេញពីគុក ។ ចំណែក រដ្ឋមន្ត្រីក្រសួងមហាផ្ទៃ ក៏បាន ព្រមានយ៉ាងតឹងសរសៃ.កដែរ ថា កម្លាំងនគរបាលត្រូវវែកមុខ ក្រុមចោរកម្មប្រដាប់អាវុធឱ្យ ឃើញពុំនោះទេ គួរបកស័ក្តិ ដោយខ្លួនឯង រួចដើរចេញពី តួនាទីតែម្តងទៅ ។
តាមពិតទៅករណីបង្កឱ្យ មានសកម្មភាពរំជើបរំជួលលួច ប្លន់នៅរាជធានីភ្នំពេញ និង បណ្តាខេត្ត ពិសេសគឺករណីប្លន់ ម៉ូតូតែម្តង ប្រសិនបើចោរប្លន់ បានគ្មានកន្លែងលក់ក៏ករណីលួច ប្លន់បែបហ្នឹងអាចថមថយចុះ បានមួយចំនួនធំផងដែរ ។
ជាក់ស្តែងករណីហាងបញ្ចាំ ហ៊ី សុភ័ក្រ ដែលមានស្ថានភាព ជាឃ្លាំងលក់ម៉ូតូ ហើយទទួល ប្រតិភោគដោយអនុប្បទានជា ហាងបញ្ចាំសម្រេច ដោយ ក្រសួងសេដ្ឋកិច្ច និងហិរញ្ញវត្ថុគឺ បាននឹងកំពុងប្រើឈ្មោះហាង បញ្ចាំទទួលផលពីចោរកម្មទាំង បំពានច្បាប់ ។ ព្រោះហាង បញ្ចាំ ហ៊ី សុភ័ក្រ គឺទទួលបញ្ចាំ ប្រភេទម៉ូតូ ដោយមិនចាំបាច់ ពិនិត្យទៅលើលិខិតស្នាមពាក់ ព័ន្ធអ្វីទាំងអស់ ។ ម្យ៉ាងវិញ ទៀតនៅពេលអ្នកយកម៉ូតូមក បញ្ចាំ គឺគ្រាន់តែថតរូបចូល លែបថបអ្នកបញ្ចាំរួចសរសេរ ម៉ាកនិងភិនភាគសេរីម៉ូតូ បញ្ចូលហើយដឹកម៉ូតូយកទៅ លាក់នៅកន្លែងផ្សេងគឺ“ចប់”។
ករណីទទួលបញ្ចាំម៉ូតូតាម របៀបលោតឆ័ត្របែបហ្នឹងក៏ ធ្លាប់កើតមានបងប្អូនសាច់ញាតិ អ្នកយកមកបញ្ចាំចោទប្រកាន់ ថា ជាករណីលើកទឹកចិត្តដល់ ក្មេងទំនើងមិនស្តាប់ឪពុកម្តាយ រួមទាំងក្រុមចោរលួច ចោរប្លន់ ចាត់ទុកជាសម្បុកដែលពួកគេ អាចជ្រកកោនបានតាមរយៈ ការលួចប្លន់បានយកមកលក់ ។
ជុំវិញករណីហាងបញ្ចាំ បំពានច្បាប់នេះ ត្រូវបានលោក មេប៉ុស្តិ៍សង្កាត់ទឹកល្អក់ ៣ អះ អាងថា ឋានៈប៉ុនគាត់ឱ្យទៅ ធ្វើស្អីកើត បើម្ចាស់ហាងបញ្ចាំ មួយៗសុទ្ធសឹងតែមានខ្នងបង្អែក ធំៗហួសពីសមត្ថភាពគាត់ដែល មានទៅហើយនោះ ។ ម្យ៉ាង វិញទៀត នៅក្នុងសង្កាត់ទឹក ល្អក់៣ គឺមានហាងបញ្ចាំដែល ប្រកបមុខរបរទទួលផលពីចោរ កម្មដូចៗគ្នាជាង ១០កន្លែង ប្រសិនបើក្រសួងមហាផ្ទៃ ពិត ជាមានឆន្ទៈចង់បង្ក្រាបពួកចោ រលួចចោរប្លន់អោយអស់មែន ដោយមិនគួរមើលរំលងពី សកម្មភាពហាងបញ្ចាំ ដែល ទទួលផលពីចោរកម្មនៅសង្កាត់ ទឹកល្អក់៣នោះឡើយ ។ ព្រោះ ចោរលួច ចោរប្លន់ម៉ូតូ គឺពុំ ទទួលបានកាតគ្រីម៉ូតូពីម្ចាស់ ដើមនោះឡើយ ប្រសិនបើហាង បញ្ចាំគោរពច្បាប់ពិនិត្យទៅ លើលិខិតស្នាមអ្នកដែលយក ម៉ូតូគ្រប់ប្រភេទមកបញ្ចាំឱ្យ បានច្បាស់ គឺក្រុមចោរលួច ចោរប្លន់ ពិតជាបាត់បង់ជម្រក ក្នុងការលក់ហើយសកម្មភាព ចោរកម្មបែបហ្នឹង វានឹងអាច កាត់បន្ថយបានយ៉ាងច្រើនថែម ទៀតផង ៕
