ដោយៈ តែ ណាត+ដារី
ដូចឃើញក្នុងរូបភាពនេះ ស្រាប់រថយន្តដឹកឈើប្រណិត ដែលក្រឡាប់នៅចំណុចថ្មកាំង តាមបណ្តោយផ្លូវជាតិលេខ៧៨ ក្នុងស្រុកចិត្របូរី ខេត្តក្រចេះ គឺ ជាកម្មសិទ្ធរបស់លោកឧកញ៉ា ថៃ ដែលមាន មេការឈ្មោះ ធី ជាអ្នកនាំឈើប្រណិតទៅលក់ នៅប្រទេសវៀតណាមឆ្លងកាត់ ស្រុកស្នួល ចូលទៅច្រកដា ក្នុង ស្រុកមេមត់ ខេត្តត្បូងឃ្មុំ ។
ទោះបីថា រថយន្តដឹកឈើ ប្រភេទយីឌុបរបស់ឧកញ៉ា ថៃ ក្រឡាប់ធ្លាក់ឈើរាយពេញផ្លូវ ក៏ពុំឃើញមានសមត្ថកិច្ចជំនាញ មេព្រៃខេត្តក្រចេះ ឬកម្លាំង សមត្ថកិច្ចនគរបាល កងរាជអាវុធហត្ថស្រុក-ខេត្ត ចុះទៅ បង្ក្រាបឡើយ ។
ផ្ទុយទៅវិញមេការឧកញ៉ា ថៃ ឈ្មោះ ធី ថែមទាំងមាន ឱកាសប្រើឡានស្ទូចជាច្រើន គ្រឿង មកស្ទូចឡានក្រឡាប់ ព្រមទាំងស្ទូចឈើប្រណិតដាក់ ឡានថ្មី ដឹកចេញទៅលក់នៅ ប្រទេសវៀតណាម បានដោយ គ្មានការរារាំងអ្វីទាំងអស់ ។
ចំណែកនៅច្រកទ្វារអន្តរជាតិដូងប្រាំពីរដើម ក្នុងស្រុក មេមត់ ខេត្តត្បូងឃ្មុំ រថយន្តដឹក ឈើប្រណិតប្រភេទយីឌុបរាប់ សិបគ្រឿង បានដឹកជញ្ជូនជា រៀងរាល់យប់យកទៅលក់នៅ ប្រទេសវៀតណាម ដោយមាន ការបើកបារ៉ាស់ពីមន្ត្រីគយទាំង យប់ដែលជាករណីបំពានច្បាប់ ដើម្បីស្វែងរកផលប្រយោជន៍ពី ឈ្មួញឈើយកលុយចូលហោ ប៉ៅផ្ទាល់ខ្លួន ។
ជាក់ស្តែងប្រភេទរថយន្ត យីឌុប ដែលផ្ទុកឈើប្រណិត របស់ឧកញ៉ា សឹង សំអុល ចេញតាមច្រក ដូងប្រាំពីរដើម កាលពីថ្ងៃទី៩ ខែធ្នូ ឆ្នាំ២០១៥ វេលាម៉ោង ១១យប់ គឺជាតឹក តាងដែលបញ្ជាក់អោយឃើញ យ៉ាងច្បាស់ថា បទល្មើសព្រៃ ឈើដែលមានការ ឃុបឃិតជា ប្រព័ន្ធ គឺជាបទឧក្រិដ្ឋមួយដែល មិនត្រឹមតែទទួលរងនូវការដាក់ ទោសទណ្ឌប៉ុណ្ណោះទេ គឺថែម ទាំងទទួលគោរម្យងារជា ឧកញ៉ារួមទាំងទទួលបានការ លើកទឹកចិត្តបំពាក់មេដៃជាច្រើន វេទិកាដែលរាជរដ្ឋាភិបាលចុះ សម្ភោធទីតាំងនានាថែមទៀត ផង ។
បើផ្អែកតាមព័ត៌មាន ពីវិទ្យុ អាស៊ីសេរី កាលពីជាងកន្លះខែ មុន គឺបានបង្ហាញយ៉ាងច្បាស់ ថា ប្រភេទរថយន្តយីឌុបរបស់ ឧកញ៉ា លឹម ប៉ុណ្ណា ដែលផ្ទុក ឈើប្រណិតបានក្រឡាប់នៅ ច្រកដា ក្នុងស្រុកមេមត់ ដោយ ពុំមានមន្ត្រីជំនាញ និងកម្លាំង ប្រដាប់អាវុធចុះបង្ក្រាបឡើយ។
បើគេសង្កេតនៅស្រុកមេមត់ក្នុងមួយយប់ៗ មានរថយន្ត ឧកញ៉ាទាំងបីមិនតិចជាង ៥០ គ្រឿងទេ ដែលដឹកជញ្ជូនឈើ ប្រណិតយ៉ាងសកម្មតាមច្រក ដូងប្រាំពីរដើម, ច្រកដូនរ័ត្ន, ច្រកច័ន្ទមូល, ច្រកបឹងជ្រោង ដោយមានការឃុបឃិត ពីមន្ត្រី ប្រចាំច្រកតែម្តង ។
មានការចោទសួរថា បើ ឧក្រិដ្ឋជនបំផ្លាញព្រៃឈើទទួល គោរម្យងារជាឧកញ៉ារួមទាំង ការបំពាក់មេដៃលើកទឹកចិត្ត ដូច ឧកញ៉ា លឹម ប៉ុណ្ណា -ដូច ឧកញ៉ា សឹង សំអុល និងឧកញ៉ា ថៃ ទៅហើយនោះ តើកម្ពុជា ក្រោមការដឹកនាំ ប្រកបដោយ គតិបណ្ឌិតរបស់រាជរដ្ឋាភិបាល អណត្តិទី៥ អាចទប់ស្កាត់បទ ល្មើសព្រៃឈើបានដោយរបៀប ណា…? ៕
