ដោយ ៖ រ៉ាយ ភុន
សកម្មភាពឈូសឆាយដី ដាំដំណាំ និងផ្ទះប្រជាពលរដ្ឋ ២៣គ្រួសារ កាលពីថ្ងៃទី ២២ -២៣ និង២៤ ខែវិច្ឆិកា ឆ្នាំ ២០១៤ នៅភូមិសង្គមថ្មី ឃុំ ថ្មដា ស្រុកវាលវែង ខេត្តពោធិ៍ សាត់ចំនួន ២៣គ្រួសារ ដោយ ប្រើកម្លាំងកងរាជអាវុធហត្ថ និងនគរបាលប្រដាប់ដោយ អាវុធផងដែរនោះ ។
ប្រជាពលរដ្ឋទាំង ២៣គ្រួសារ ភាគច្រើនជាគ្រួសារកង ទ័ព ហើយថែមទាំងមានពាក្យ ស្នើសុំកាន់កាប់ប្រើប្រាស់ដីធ្លី ដែលទទួលស្គាល់ពីអាជ្ញាធរ ភូមិ ឃុំនិងទទួលបានបង្កាន់ដៃ ទទួលពាក្យចេញដោយការិយា ល័យកសិកម្មស្រុកវាលវែងថែម ទៀតផង ។
តាមការអះអាងរបស់ ប្រជាពលរដ្ឋទាំង ២៣គ្រួសារ ដែលរងការរំលោភយកដី និង ផ្ទះបានហៅការសម្រេចរបស់ អាជ្ញាធរថ្នាក់ខេត្ត ដែលចោទ ពួកគាត់ថា បានមករស់នៅលើ ដីរដ្ឋដោយពុំបានផ្អែកលើគោល ការណ៍ច្បាប់អ្វីទាំងអស់ ព្រោះ នៅអំឡុងឆ្នាំ២០០០ ទាំង មេភូមិសង្គមថ្មីក៏ដូចជា មេឃុំ ថ្មដា សុទ្ធសឹងតែបានដឹងច្បាស់ ថាទីតាំងណាដីរដ្ឋ ទីតាំងណា ដីបរិស្ថាន និងទីតាំងណាជាដី គម្របព្រៃការពារទើបសម្រេច ទទួលស្គាល់លើពាក្យុស្នើសុំ កាន់កាប់ប្រើប្រាស់ដីធ្លីទៅឱ្យ ប្រជាពលរដ្ឋទាំង ២៣គ្រួសារ ។
ម្យ៉ាងវិញទៀត ដីប្រជា-ពលរដ្ឋទាំង ២៣គ្រួសារ សុទ្ធ សឹងតែនៅជាប់នឹងផ្លូវជាតិ ក្រោមការអភិវឌ្ឍន៍របស់រាជ រដ្ឋាភិបាលបើកច្រកព្រំដែន កម្ពុជា-ថៃ គឺជាមូលហេតុពិត ប្រាកដដែលក្រុមហ៊ុន ឌ្សំ របស់ឧកញ៉ា ទ្រី ភាព ឃុប ឃិតជាមួយអាជ្ញាធរខេត្តចោទ ប្រកាន់ថា ពលរដ្ឋទាំង ២៣ គ្រួសារបានមកបោះទីតាំងលើដី រដ្ឋបែបហ្នឹង ។ ការប្រើកម្លាំង បំពានឈូសឆាយផលដំណាំ និងផ្ទះរបស់ប្រជាពលរដ្ឋទាំង ២៣គ្រួសារ នៅភូមិសង្គមថ្មី ត្រូវបានរដ្ឋសភាបញ្ជូនលិខិត ផ្លូវការមក ឯកឧត្តម ម៉ៅ ធនិន អភិបាលនៃគណៈអភិបាល ខេត្តពោធិ៍សាត់ ក្នុងនាមជា អាណាព្យាបាលរបស់ប្រជាពលរដ្ឋរងគ្រោះខាងលើដោយ មានជំនឿយ៉ាងមុតមាំថា ឯក ឧត្តមនិងផ្តល់យុត្តិធម៌ជូនប្រជា ពលរដ្ឋប្រកបដោយព្រហ្មវិហារ ធម៌ ។
ប៉ុន្តែបើផ្អែកទៅលើចំណាត់ ការអភិបាលនៃគណៈអភិបាល ខេត្តពោធិ៍សាត់ គឺបានចេញ សាលាកបត្រព័ត៌មាន ២១ គ្រួសារទៅឱ្យប្រជាពលរដ្ឋនៅ ឃុំថ្មដា ស្រុកវាលវែង ដោយ ប្រើកំណត់សម្គាល់សូមភ្ជាប់ ឯកសារថតចម្លងដែលពាក់ព័ន្ធ ៖ ឯកសារកាន់កាប់ដីធ្លី រូបថត អត្តសញ្ញាណប័ណ្ណ សៀវភៅ ស្នាក់នៅផ្សេងៗ ម្ចាស់ទីតាំង (ដី និងផ្ទះ)ត្រូវរកសាក្សីដឹងឮ ដែលមានអាយុចាប់ពី ១៨ឆ្នាំ ឡើងទៅចំនួន ០២នាក់ ។
សាលាកបត្រព័ត៌មាននេះ គឺជាឯកសារសម្រាប់ពិនិត្យ ដោះស្រាយគោលនយោបាយ សម្បទានសង្គមកិច្ចជូនទៅវិញ។
តើមានហេតុផលអ្វីដែល ឱ្យប្រជាពលរដ្ឋយកឯកសារ ថតចម្លងចំពោះឯកសារកាន់ កាប់ដី ហើយបែរជាអាជ្ញាធរ ថ្នាក់ខេត្តយកទៅពិនិត្យដោះ ស្រាយគោលនយោបាយសម្ប ទានសង្គមកិច្ចបែបហ្នឹង ។ ព្រោះបើផ្អែកលើគោនយោបាយទីផ្សារសេរីក្រោមការដឹក នាំរបស់សម្តេចអគ្គមហាសេនា បតីតេជោ ហ៊ុន សែន ជា នាយករដ្ឋមន្ត្រីគឺអ្នកដែលមាន លិខិតកាន់កាប់ដីធ្លីត្រូវមានសិទ្ធិ ទទួលបានដីដែលមានការទទួល ស្គាល់ពីអាជ្ញាធរដែនដី ទើប ហៅថា លោកអភិបាលខេត្ត ពោធិ៍សាត់ មានចេតនាដោះ ស្រាយជូនប្រជាពលរដ្ឋប្រកប ដោយសមធម៌ពិតប្រាកដ ។
លើកលែងតែជាតម្រូវការ រដ្ឋក្នុងការអភិវឌ្ឍន៍ផ្លូវក៏តម្រូវ ឱ្យមានសំណងសមរម្យស្រប តាមតម្លៃទីផ្សារផងដែរ ដោយ បច្ចុប្បន្នប្រជាពលរដ្ឋអះអាង ថា ដីដែលអាជ្ញាធរប្រកាសថា ប៉ះពាល់គឺមានតម្លៃដល់ ទៅ ១ម៉ែត្រការ៉េ ២០០ដុល្លារ ឯណោះ ទើបព្យុះភ្លៀងដែល បង្កឡើងដោយក្រុមហ៊ុន ឌ្សំ ត្រូវប្រើវិធីឃុបឃិតបំពានច្បាប់ ដើម្បីស្វែងរកផលប្រយោជន៍ លើតំណក់ទឹកភ្នែកប្រជារាស្ត្រ តាមរយៈការឃុបឃិតប្រើកម្លាំង ពីអាជ្ញាធរខេត្តដោយពុំបាន គោរពសិទ្ធិពលរដ្ឋអ្វីនោះឡើយ ៕
