ដោយ ៖ ជាតិ
សកម្មភាពចុះអនុវត្តដីកា សម្រេចរក្សាការពារដឹកនាំ ដោយអនុប្រធានតុលាការខេត្ត កំពង់ស្ពឺ កាលពីថ្ងៃទី ២៥ ខែ កញ្ញា ឆ្នាំ២០១៥ នៅសាលា ឃុំតាសាល ស្រុកឱរ៉ាល់ បាន ប្រព្រឹត្តនៅវេលាម៉ោង ៩ និង ២០នាទីព្រឹក ។
នៅក្នុងកិច្ចប្រជុំដីកាសម្រេច រក្សាការពារលើផ្ទៃដី ១០០០ ហិកតា ដែលសម្រេចដោយ ចៅក្រម ឆឹម ប្ញទ្ធី គឺមានតែ ភាគីតំណាងឱ្យលោក ហ៊ុនសាន ដែលកាន់លិខិតផ្ទេរសិទ្ធិ មកឱ្យឈ្មោះ ជា ហ៊ាន ភេទ ប្រុស អាយុ៥២ឆ្នាំ រស់នៅភូមិ រំលោងប្រឃ្លះ សង្កាត់សុព័រទេព ក្រុងច្បារមន ខេត្តកំពង់ស្ពឺ មុខរបរប្រធានអង្គការប្រឆាំង អំពើពុករលួយទប់ស្កាត់ការ បំផ្លាញធនធានធម្មជាតិ និង ការពារសិទ្ធិពលរដ្ឋ ។ នៅក្នុង ដីការសម្រេចការពារគឺតម្រូវ ហាមឃាត់ឈ្មោះ ថោង សុខេង, លី លន់, ខៃ ណារិន ធ្វើការឈូសឆាយដីដាំដំណាំឬ ផ្ទេរសិទ្ធិលក់បន្តទៅឱ្យអ្នកផ្សេង នូវដីដែលមានទំហំ ១០០០ ហិកតា ស្ថិតនៅភូមិត្រពាំងធ្មា ភូមិរោង ម៉ាស៊ីន ឃុំតាសាល និងនៅចំណុចអូរលៀងដៃ ឃុំ រស្មីសាមគ្គី ស្រុកឱរ៉ាល់ ខេត្ត កំពង់ស្ពឺ ជាបណ្តោះអាសន្នរង់ ចាំតុលាការសម្រេចដល់អង្គសេចក្តីជាស្ថាពរ ។
ឆ្លើយតបទៅនឹងដីកា សម្រេចការពាររបស់តុលាការ ខេត្តកំពង់ស្ពឺ លោក លី លន់ បានធ្វើការអះអាងច្បាស់ៗ ដោយភ្ជាប់មកជាមួយឯកសារ ផងថាដីដែលគាត់មានតែជាង ២០០ហិកតាប៉ុណ្ណោះ ដោយ បូកបញ្ចូលទាំងដីដែនជម្រក សត្វព្រៃភ្នំឱរ៉ាល់ ១១២ហិកតា ទៀត ដែលមានការឯកភាពពី រដ្ឋមន្ត្រីក្រសួងបរិស្ថានឱ្យជួល គឺមានជាង ៣០០ហិកតា ប៉ុណ្ណោះ ។ ហើយបច្ចុប្បន្ននេះ ក្រុមលោកបានដាំអំពៅបាន ជាង ២០០ហិកតាហើយ ដោយមានការទទួលស្គាល់លើ ការទិញលក់ពីអាជ្ញាធរដែនដី ថែមទៀតផង ។
ចំណែកមេភូមិរោងម៉ាស៊ីន និងមន្ត្រីឃុំតាសាល និងភាគី លោក លី លន់ ក៏មានចម្ងល់ ដែរថា ហេតុអ្វីក៏មានតួអង្គ លោក ជា ហ៊ាន ប្រធានអង្គការប្រឆាំងអំពើពុករលួយ ទប់ ស្កាត់ការបំផ្លាញធនធានធម្មជាតិនិងការពារសិទ្ធិពលរដ្ឋមក ធ្វើតំណាងឱ្យដើមបណ្តឹង លោក ហ៊ុន សាន ទៅវិញ ។
ម្យ៉ាងវិញទៀតលោក ហ៊ុន សាន ក៏មានមេធាវីការពារក្តី ផ្ទាល់ខ្លួនលោក ដើម្បីដោះ ស្រាយរឿងក្តីតើមានហេតុផល អ្វីត្រូវទៅពឹងប្រធានអង្គការឱ្យ មកឈរឈ្មោះដោះស្រាយទៅ វិញ ។
លោក លី លន់ បានសំណូម ពរដល់អង្គភាពប្រឆាំងអំពើពុក រលួយមេត្តាជួយស៊ើបអង្កេត លើសកម្មភាពលោក ជា ហ៊ាន ប្រធានអង្គការប្រឆាំងអំពើពុក រលួយទប់ស្កាត់ការបំផ្លាញធន ធានធម្មជាតិនិងការពារសិទ្ធិពលរដ្ឋផង តើជាចេតនាប្រើ ឈ្មោះមេដឹកនាំមកឃុបឃិត ដើម្បីគំរាមប្រជាពលរដ្ឋដែល ប្រកបរបរស្របច្បាប់ឬយ៉ាង ណា…? ។ ព្រោះតុលាការបើ មុននឹងចេញដីកាសម្រេចរក្សា ការពារក៏ត្រូវបង្កើតគណៈកម្ម ការត្រួតពិនិត្យលើឯកសារពាក់ ព័ន្ធជាមុនដោយមិនគួរចេញ ដីកាសម្រេចឆៅៗបែបហ្នឹង ឡើយ ។ ម្យ៉ាងវិញទៀត នៅ ពេលមានការឈូសឆាយដាំ ដំណាំហេតុអ្វីក៏ឈ្មោះ សេង ណាំង ដែលអះអាងថា ជាអ្នក មើលដីឱ្យលោក ហ៊ុន សាន មិនចេញមុខតវ៉ា ដោយស្រាប់ តែនៅថ្ងៃទី ១៦ ខែសីហា ឆ្នាំ២០១៥ចៅក្រមចេញដីការ ក្សាការពារដោយផ្អែកលើការ អះអាងរបស់ភាគីតែម្ខាងទៅ វិញ ។
លោក លី លន់ បានបញ្ជាក់ ភ្ជាប់មកជាមួយឯកសារពាក់ ព័ន្ធឱ្យដឹងថា នៅឆ្នាំ២០០៧ គាត់បានទិញដីពីប្រជាពលរដ្ឋ នៅភូមិរោងម៉ាស៊ីន និងភូមិ ត្រពាំងធ្មាជាង ៣០០០ហិកតា ដោយមានប្លង់ផែនដទីជា សម្អាងថែមទៀតផង ។
បន្ទាប់ពីរដ្ឋាភិបាលបាន ចេញអនុក្រឹត្យលេខ០១ កាត់ដី ឱ្យប្រជាពលរដ្ឋ គឺក្រុមលោក បានបន្តទិញដីពីប្រជាពលរដ្ឋ លើដីទិញលើកទី ១ នៅឆ្នាំ ២០០៤ និងឆ្នាំ២០១៥ ហើយ ទីតាំងដីដែលប៉ះពាល់លើដែន ជម្រកសត្វព្រៃ គឺគាត់បាន ប្រគល់ជូនរដ្ឋវិញទើប ក្រុម របស់គាត់មានដីតែជាង ២០០ ហិកតា និងដីជួលរដ្ឋ ១១២ ហិកតា សរុប គឺជាង ៣០០ ហិកតាប៉ុណ្ណោះ ។
អាចជាករណីក្លែងបន្លំឯក សារ ព្រោះបើតាមការអះអាង របស់អ្នកស្រី ថោង សុខេង គឺ នៅថ្ងៃទី១៧ ខែកញ្ញា ឆ្នាំ២០១៥ វេលាម៉ោង ៣រសៀល មានគេ ទូរស័ព្ទមកឱ្យអ្នកស្រី យកលុយ ២០ម៉ឺនដុល្លារដើម្បីបញ្ចប់រឿង តែជាលេខ ប្រាយវ៉េត ។ ម្យ៉ាង វិញទៀត បើជាលិខិតផ្ទេរសិទ្ធិ របស់លោក ហ៊ុន សាន មែន គួរតែមានលោហ្គោនៅពីលើ ដែលតំណាងឱ្យរាជរដ្ឋាភិបាល ផ្ទុយទៅវិញ គឺជាលិខិតបែប ធម្មតាតែប៉ុណ្ណោះ ដែលខុសពី ទម្លាប់ដែលឯកឧត្តម ហ៊ុន សាន ធ្លាប់ធ្វើកន្លងមក ។
ចំណែកមន្ត្រីឃុំតាសាលបាន ធ្វើការអះអាងថា ការសម្រេច របស់តុលាការលើដីការក្សា ការពារដែលយោងលើលិខិត លោក ហ៊ុន សាន តាំងពីឆ្នាំ ១៩៩៧ គឺជាករណីមិនពិត ព្រោះតំបន់នេះក្នុងអំឡុងឆ្នាំ ១៩៩៧ គឺនៅមានសង្គ្រាមនៅ ឡើយ ។ ម្យ៉ាងវិញទៀតរាល់ លិខិតស្នាមដែលពាក់ព័ន្ធទៅ នឹងការកាន់កាប់ដី ១០០០ ហិកតា របស់ ឯកឧត្តម ហ៊ុន សាន គឺពុំមានភស្តុតាងណា មួយបញ្ជាក់ទុកនៅក្នុងឃុំនោះ ឡើយ ។
ចំណែកលិខិតស្នាមដែល ទទួលស្គាល់ការទិញលក់ដីទៅ ឱ្យអ្នកស្រី ថោង សុខេង គឺ សាលាឃុំបានសម្រេចតែទៅ លើដីរបស់ប្រជាពលរដ្ឋដែល ជួបការលំបាកចំនួន ៥៩គ្រួសារ តែប៉ុណ្ណោះ ។ ហើយប្រជាពល រដ្ឋទាំង ៥៩គ្រួសារ គឺមានប្លង់ កម្មសិទ្ធិដែលចេញដោយមន្ត្រី ជំនាញតាមការចុះវាស់វែង របស់ក្រុមនិស្សិតថែមទៀតផង ដើម្បីធានាដល់ការអភិវឌ្ឍ ស្របច្បាប់ របស់អ្នកស្រី ថោង សុខេង និងលោក លី លន់ គឺ មានឯកសារទិញលក់ផ្តាច់រួម ទាំងប្លង់កម្មសិទ្ធិរបស់ប្រជាពលរដ្ឋជាភស្តុតាង ស្រាប់ ។
មន្ត្រីឃុំក៏បានអះអាងដែរថា ការរួមចំណែកចំណាយធនធាន ពីក្រុមអ្នកស្រី ថោង សុខេង គឺ បានកសាងផ្លូវរួមទាំងផ្តល់ការ ងារឱ្យប្រជាពលរដ្ឋនៅភូមិដាច់ ស្រយ៉ាលអាចទទួលបានប្រាក់ ចំណូលប្រចាំថ្ងៃ គួរណាស់តែ ទទួលបានការគាំទ្រ និងលើក ទឹកចិត្តដោយមិនគួរប្រើប្រាស់ ប្រព័ន្ធតុលាការឱ្យមកជម្រិតពី អ្នកវិនិយោគសុច្ចរិតនោះឡើយ។
ដូច្នេះការចេញដីការក្សា ការពារតាមការប្តឹងពីឈ្មោះ ជា ហ៊ាន ដែលតាំងខ្លួនជា ប្រធានអង្គការប្រឆាំងអំពើពុក រលួយទប់ស្កាត់ការបំផ្លាញធន ធានធម្មជាតិនិងការពារសិទ្ធិពលរដ្ឋដោយព្រមានដល់អាជ្ញា ធរឃុំឱ្យស្វែងរកកិច្ចអន្តរាគមន៍ ឱ្យភាគី អ្នកស្រី ថោង សុខេង និងលោក លី លន់ ចេញមុខ មកដោះស្រាយជាមួយខ្លួន គឺ មន្ត្រីឃុំតាសាលពិតជាបានដឹង ច្បាស់ណាស់ថា ការកាន់កាប់ ដីដាំអំពៅរបស់ភាគីក្រុមអ្នកស្រី ថោង សុខេង ហាក់ពុំបាន បំពានច្បាប់ណាមួយឡើយ ។
ជាក់ស្តែងឯកសារពាក់ព័ន្ធ ដែលភ្ជាប់នៅខាងក្រោមគឺជា តឹកតាងបញ្ជាក់បានយ៉ាងច្បាស់ ថា ការអភិវឌ្ឍន៍ដាំអំពៅនៅ ភូមិរោងម៉ាស៊ីន និងភូមិត្រពាំង ធ្មា របស់ក្រុមអ្នកស្រី ថោង សុខេង ពិតជាមានលក្ខណៈ ស្របច្បាប់ទាំងស្រុង ៕
