ប្រភពគួរឲ្យ ជឿទុកចិត្ត បានចេញពី មជ្ឈដ្ឋាន អ្នករស់នៅ ក្នុងបុរី មួយកន្លែង ក្នុងរាជធានី ភ្នំពេញ បានខ្សឹបប្រាប់ សារព័ត៌មានជាតិ ឲ្យដឹងថា ឡានLexus 330ដែលកំពុង បើកដោយ ស្ត្រីវ័យក្មេង ចូលចត នៅមុខផ្ទះ ក្នុងបុរីនេះ ត្រូវបានគេ បញ្ជាក់ថា ជាស្រីស្នេហ៍ មន្ត្រីគយម្នាក់ ឈរជើងនៅ ច្រកមួយ ក្នុងស្រុក មេមត់ ។ ចំណែកផ្ទះ ក្នុងបុរី និងរថយន្ត ទំនើបនេះគឺ មន្ត្រីរូបនោះ ជាអ្នកទិញឲ្យ ដើម្បីបំពេញ បំណង ដល់ស្រីស្នេហ៍ លួចលាក់ ដើម្បីរក្សា ភាពស្ងប់ស្ងាត់ ឲ្យបានយូរអង្វែង ។
តាមការឲ្យដឹង ពីអ្នករស់នៅ ក្នុងបុរីគឺ ក្នុងមួយអាទិត្យ ឬកន្លះខែ គេឃើញ មន្ត្រីគយ រូបនោះ មកជួបមុខម្តង ។ បើគ្រាន់តែ ចំណាយ ទៅលើផ្ទះ ក្នុងបុរី ដែលមានតម្លៃ មិនក្រោម ១០ម៉ឺនដុល្លា រួមទាំង សម្ភារៈ តុបតែងផ្ទះ និងឡានទំនើប គឺអាចចំណាយ មិនតិចជាង ១៥ម៉ឺនដុល្លា នោះឡើយ។ នៅការផ្គត់ផ្គង់ ប្រចាំខែ ថែមទៀតនោះ គឺលោកគយ ម្នាក់នោះ ពិតជាកាក់កប សន្ធឹកសន្ធាប់ ហើយ ទើប មានលុយ ដោយគ្រាន់តែ ចំណាយ ទៅលើស្រីក្មេង ច្រើនបែបហ្នឹង ។
ប្រភពពី ស្រុកមេមត់ បានឲ្យដឹង ទៀតថា ច្រកទ្វារ អន្តរជាតិ រួមទាំង ច្រករបៀង គឺសម្បូរ ទៅដោយ បទល្មើស ឈើក្រញូង បទល្មើស ឈើប្រណិត ដែលដឹកនាំ ចេញទៅ លក់នៅ ព្រំដែនតាម វៀតណាម ។ ដោយសារ អំពើឃុបឃិត ពីមន្ត្រី ច្រកនេះហើយ ទើបគេហ៊ាន ចំណាយលុយ រាប់សែនដុល្លា សម្រាប់តណ្ហា លួចលាក់ ក្រៅច្បាប់ ឯកពន្ធភាព ឬច្បាប់ប្រឆាំង អំពើ ពុករលួយនោះ ៕
