កាលពីថ្ងៃ ទី២០ ខែសីហា ឆ្នាំ២០១៥ វេលាម៉ោង ជាង១០ព្រឹក នៅចំណុច ភូមិអុន ឃុំលំជ័រ ស្រុកអូយ៉ាដាវ ខេត្តរតនៈគិរី មានរថយន្ត សាំយ៉ុង ផ្ទុកឈើ ប្រណិត មួយគ្រឿង ត្រូវបានរថយន្ត អ្នកកាសែត ស្ទាក់ឃាត់ទុក ។ ក្រោយពីផ្ទុះ ហេតុការ ឃាត់ឡានដែល គេស្គាល់ថា ជាមន្ត្រីPM ម្នាក់រកស៊ី ឈើដុះស្លែ ក៏ស្រាប់តែ មានឡាន វីហ្គោពណ៌ស មួយគ្រឿង និងឡាន ឡង់គ្រីស័រ ពាក់ស្លាកលេខ ភ.ព2F 1599 ដោយមាន សុទ្ធតែ កម្លាំង PM បានបើកមក ឃាំងឡាន អ្នកសារព័ត៌មាន ដើម្បីឲ្យ ឡានដឹកឈើ ម៉ាក សាំយ៉ុង មានឱកាស បើកបកក្រោយ រួចបើកចូល ផ្ទះមន្ត្រី កងរាជអាវុធហត្ថ ។
មានការ ចោទសួរថា បើមន្ត្រី កងរាជអាវុធហត្ថ រកស៊ីបទល្មើស ឈើប្រណិត ទៅហើយនោះ តើអាចបង្ក្រាប បទល្មើស ព្រៃឈើ នៅក្នុងខេត្ត រតនៈគិរី ស្របតាម សារាចរ លេខ០២ របស់ប្រមុខ រាជរដ្ឋាភិបាល បានដោយ របៀបណា ។ មិនដឹងថា ករណីមន្ត្រី កងរាជអាវុធហត្ថ ខេត្ត រតនៈគិរី រកស៊ី ឈើប្រណិត រហូតមានឡាន មន្ត្រីកងរាជ អាវុធហត្ថ ចុះអន្តរាគមន៍ ការពារផង ព្រោះលោក ទូច រស្មី មេបញ្ជាការ កងរាជអាវុធហត្ថ ខេត្តដឹង ឬអត់ទេ ។
បន្ទាប់ពីផ្ទុះ ហេតុការករណី ដឹកឈើប្រណិត ដោយមានកម្លាំង កងរាជអាវុធហត្ថ ខេត្តចេញមុខ កាងរួចមក សារព័ត៌មានជាតិ បានទំនាក់ទំនង ទៅកាន់លោក ទូច រស្មី ផងដែរ ក៏ប៉ុន្តែ ទូរស័ព្ទលោក មិនអាច ទំនាក់ទំនងបាន ។ ព្រោះបើផ្អែក តាមការឲ្យដឹង ពីប្រជាពលរដ្ឋ គឺម្ចាស់ឈើ មានកូន ធ្វើPM ដែលគេ ស្គាល់ថា អាម៉ាប់ ទើបលេចមុខ កម្លាំងPM ពីរឡាន ចេញមកកាង បែបហ្នឹង ៕
