ដោយ ៖ លឹម សេន
លោក ទូច វុន ជាយោធា នៅវរៈសេនាតូចលេខ ៥២៤ ចំណុះឱ្យកងពលតូចលេខ ៥២ ដែលរស់នៅក្នុងភូមិឆករកា ឃុំ សំឡូត ស្រុកសំឡូត ខេត្តបាត់ដំបង បច្ចុប្បន្នចូលនិវត្តន៍រង ការគំរាមយកដីដែលបានកាប់ ឆ្កាតាំងពីឆ្នាំ២០០៨មកម្ល៉េះ។
ផ្ទៃដីដែលមានទទឹង ២២៥ ម៉ែត្រ និងបណ្តោយ ៣០០ ម៉ែត្រ ត្រូវបានលោក ទូច វុន កាប់ឆ្កា តាំងពីឆ្នាំ២០០៨ ហើយគ្រានោះគឺជាដីព្រៃគ្មាន អ្នករស់នៅឡើយ ។
លុះដល់ខែមេសា ឆ្នាំ២០១៤ មានឈ្មោះ ផន ដារារិទ្ធ មក ចោទគាត់ថា ដីនោះជាដីឯកឧត្តម សុខ ភា ។ លើកទី ២ លោក ផន ដារារិទ្ធ ឱ្យប៉ូលិស មកចោទលោក ទូច វុន ថា ដី ដែលគាត់រស់នៅជាដីឧកញ៉ា ហ៊ុន តូ ។ លើកទី ៣ មកចោទ គាត់ថា បានមករស់នៅលើដី ឯកឧត្តម កែ គឹមយ៉ាន ។
ក្រោយមកឈ្មោះ ផន ដារា រិទ្ធ បានប្រើកម្លាំងមកបង្ខំឱ្យខ្ញុំ ផ្តិតមេដៃនៅកន្លែងស្ងាត់កំបាំង ដោយកាន់លិខិតធ្វើកិច្ចសន្យា មកជាមួយផង ។
សកម្មភាពបំពានខាងលើ ត្រូវបានលោកប្រធានវរៈសេនា តូចលេខ ៥២៤ បញ្ជាក់ច្បាស់ ថា ឈ្មោះ ទូច វុន ពិតជាបាន កាប់ឆ្ការដីព្រៃបង្កបង្កើនផល តាំងពីឆ្នាំ២០០៩ រហូតដល់ ឆ្នាំ២០១៣រូបគាត់ក៏ចូលនិវត្តន៍ ហើយរស់នៅក្នុងភូមិនោះ រហូតបានចុះឈ្មោះជាសមាជិក ក្នុងភូមិឆករកា ឃុំសំឡូត ស្រុកសំឡូត ខេត្តបាត់ដំបង ដោយបានដាំដំណាំយុទ្ធសាស្ត្រ មានដើមក្នុរធំៗជាភស្តុតាង ស្រាប់ ។ មិនតែប៉ុណ្ណោះដោយ មើលឃើញពីការរំលោភបំពាន របស់ឈ្មោះ ផន ដារារិទ្ធ ប្រជាពលរដ្ឋនៅភូមិឆករកា ថែមទាំងបានផ្តិតមេដៃទទួល ស្គាល់ដីកាប់ឆ្ការរបស់លោក ទូច វុន ចំនួន ២៥គ្រួសារ ថែម ទៀតផង ។
ផ្អែកតាមលិខិតបញ្ជាក់ពី អង្គភាពវរៈសេនាតូចនិងស្នាម មេដៃប្រជាពលរដ្ឋអាជ្ញាធរមិន គួរមើលរំលងទទួលយកផល ប្រយោជន៍ពីអ្នកមានលុយមក រំលោភយកដីអតីតយុទ្ធជន ដែលមានគុណបំណាច់ការពារ ទឹកដីនៅក្នុងតំបន់ដែលធ្លាប់តែ មានភាពតានតឹងដោយសង្គ្រាម នោះឡើយ ។ ព្រោះការឆ្លៀត ឱកាសនៅពេលស្រុកទេសមាន សន្តិភាពមកបំពានលើអ្នកដែល ធ្លាប់មានគុណបំណាច់ចំពោះ ជាតិ បែបហ្នឹងគឺវាផ្ទុយស្រឡះ ពីគោលនយោបាយលើកស្ទួយ អតីតយុទ្ធជនរបស់ប្រមុខរាជ រដ្ឋាភិបាល ទាំងស្រុង ៕
